1 Tem 5:21 - BAEBOLO ANZƐƐ BULUKU NWUANZANWUANZA

²¹ Megyi Nyamenle nee Kelaese Gyisɛse nee anwuma soanvolɛma nwuanzanwuanza ne mɔ anyunlu meka meahile wɔ kɛ, di ngyehyɛlɛ ɛhye mɔ azo, na mmanea menli nyunlu anzɛɛ ɛdi mɔguazo wɔ debie biala anu.

1 Tem 5:21 ပူးပေါင်းရင်းမြစ်များ

Edwɛndolɛ Buluku ne 107:43

Mɔɔ ze nrɛlɛbɛ la ɛdwenle ninyɛne ɛhye mɔ anwo; bɛmaa menli ɛdwenle Ɛdɛnkɛma ɛhulolɛ kpundii ne anwo.

Edwɛndolɛ Buluku ne 119:34

Maa me ndelebɛbo, amaa meava wɔ mɛla ne meazie, na meava me ahonle muala meali zo.

Mrɛlɛbulɛ Buluku ne 18:5

Ɔnle kpalɛ kɛ bɛkɛhyea bɛ nzo bɛkɛli sonla mɔɔ le amumuyɛ la edwɛkɛ anzɛɛ bɛkɛbua sonla mɔɔ le tenlene la mgbɔvodɛne.

Sɛlɛ 14:42

na bɛava awolɛ fofolɛ bɛawulowula bane ne mɔ anu, bɛatanlitanli sua ne bane ne na akee bɛada sua ne bieko.

Sɛlɛ 19:15

“Ɔnle kɛ bɛbua mgbɔvodɛne. Ɔnle kɛ bɛbua bɛtia ehyianli na bɛbua bɛmaa sonlakpole. Bɛbua bɛ gɔnwo mɔ ndɛne wɔ adenle kpalɛ nu.

Malakae Buluku ne 2:9

Zɔhane ati medame Ɛdɛnkɛma mese, meye bɛ nyunlu nwoma mɔɔ awie biala ɛmbu bɛ a, amaa bɛagua bɛ nyunlu aze wɔ menli nu, ɔboalekɛ bɛanlua me adenle ne anu bɛangilehile; bɛnea sonla nyunlu na bɛahilehile.”

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Luku hɛlɛle la 20:21

Menli ɛhye mɔ zele Gyisɛse kɛ, “Kilehilevolɛ, yɛze kɛ mɔɔ ɛka nee mɔɔ ɛkilehile la le fɔɔnwo. Yɛze kɛ wɔmɔ ɛnnea sonla nyunlu yɛɛ ɛndie menli ngehaleɛ, na ɛkilehile Nyamenle ɛhulolɛdeɛ ne nɔhalɛ nu.

Edwɛkpa ne kɛmɔ Luku hɛlɛle la 9:26

Awie biala mɔɔ me nwo nee me ngilehilelɛ ne kɛyɛ ye nyiane wɔ ɛtane ewiade ye anu la, ɔdaye noko ɔ nwo bayɛ medame Sonla Ra nyiane wɔ mekɛ mɔɔ menwɔra anyunlunyia nee Selɛ ne nee Anwuma soanvolɛma nwuanzanwuanza ne anyunlunyia nu la.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Mɛla 1:7

bɛzia bɛhɔzɔ bɛ adendulɛ ne azo na bɛhɔ Amɔle maanle nu awoka ne mɔ azo nee maanle maanle mɔɔ zuozua ɛkɛ ne la anu, Dwɔdan Bɔnza, awoka ne mɔ nee azɛlɛ sɛsɛ ne mɔ azo, nyiakɛ maanzinli nu, nee Mɛdetɛlenia Nyevile ne anloa. Bɛhɔ Keenama nee Lɛbanɔnoma azɛlɛ ne mɔ azo toonwo bɛhɔkpula Azule kpole Yufileti ne anloa.

Mɛla 33:9

Bɛkpole bɛ ze mɔ nee bɛ nli mɔ, bɛzele bɛ kɛ bɛnze bɛ; bɛkpole mediema nee mralɛ, ɔluakɛ bɛlile wɔ mɛla zo, na bɛlile wɔ ngyekyeleɛ ne azo.

1 Tɛs 5:27

Mese bɛ wɔ Awulae duma nu kɛ bɛgenga kɛlata ɛhye bɛhile mediema ne mɔ amuala.

1 Tem 6:13

Megyi Nyamenle mɔɔ maa ninyɛne kɔsɔɔti ngoane, nee Kelaese Gyisɛse mɔɔ gyinlanle Pɔntɛse Paelɛte anyunlu lile ye diedi nwo daselɛ la anyunlu, meka meahile wɔ kɛ

2 Tem 2:14

Kakyehakye wɔ menli ne mɔ wɔ ɛhye anwo, na bɔ bɛ kɔkɔ wɔ Nyamenle anyunlu kɛ bɛmmadi edwɛkɛ agbɔkɛ nwo butule. Ɔnle kpalɛ, yɛɛ ɔsɛkye menli mɔɔ tie la adwenle.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

2 Pit 2:4

Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

Dwuudu Kɛlata ne 1:6

Bɛhakye kɛ Nyamenle soanvolɛma ne mɔ mɔɔ bɛangola bɛanzie bɛ ti ɛleka ko, na bɛkpole bɛ gyinlabelɛ kpalɛ ne la, Nyamenle ɛgua bɛ nwɔnzɔnwɔnzɔ mɔɔ bɛnzianyi bɛ ɛlɛ la wɔ awozinli kabikabi ne anu lɔ kɛ bɛhendɛ Ndɛnebualɛ Kenle kpole ne.

Yekile 14:10

kɛnwu kɛ Nyamenle ɛya ne mɔɔ gyi ye ɛya dwora ne anu la ɛzulolɛ si de la. Bɛdabɛ mɔɔ bɛyɛ zɔhane deɛ ne la, bɛbahile bɛ nyane wɔ senle nee sɔlefa nu wɔ soanvolɛma nwuanzanwuanza nee Boaneralɛ ne anyunlu.