1 Tem 5:19 - BAEBOLO ANZƐƐ BULUKU NWUANZANWUANZA

¹⁹ Saa awie toa asɔne kpanyinli bie kile wɔ a, mmadie ɛto nu ɛkɛ ne ala kyesɛ wɔde ye wɔ alasevolɛ nwiɔ anzɛɛ nsa anloa.

1 Tem 5:19 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 18:16

Saa yeamkponle a, fa sonla ko anzɛɛ menli nwiɔ boka ɛ nwo, amaa saa edwɛkɛ bie a menli nwiɔ ne anzɛɛ nsa ne ali wɔ daselɛ, kɛmɔ Nyamenle Edwɛkɛ ne se la.

Dw 18:29

Paelɛte vindele rabizale bɛ kɛ, “Duzu ɛtane a sonla ɛhye ɛyɛ a?”

Dw 8:17

Bɛhɛlɛ ye wɔ bɛ mɛla ne anu kɛ saa dasevolɛma nwiɔ anloa yɛ ko a, ɛnee mɔɔ bɛkɛha la le nɔhalɛ.

Ɛzoanvolɛma Gyima ne 11:30

Bɛyɛle ɛhye na bɛvale mɔɔ bɛnyianle ye la bɛmanle Baanabase nee Sɔɔlo hɔmanle mgbanyima ne mɔ wɔ Gyɛlusalɛm.

Ɛzoanvolɛma Gyima ne 25:16

Na menzele bɛ kɛ ɔnle Wulomu mɛla kɛ bɛkɛye awie biala mɔɔ bɛkɛdo ye ɛzonle kɛ yedo mɛla la bɛkɛmaa kyesɛ ɔ nee menli mɔɔ donle ye ɛzonle ne la yia nu bɛka bɛmaa ɔdaye ɔnyia adenle ɔsa ɔ ne wɔ nwolɛ.

2 Kɔl 13:1

Ɛhye a tɔ zolɛ fane nsa mɔɔ melɛba mearakpɔla bɛ a. Nyamenle Edwɛkɛ ne se, “Ɔwɔ kɛ menli nwiɔ anzɛɛ nsa foa ɛzonle biala mɔɔ bɛkɛdo awie la azo di daselɛ.”

Mɛla 17:6

Saa bɛnyia menli nwiɔ anzɛɛ nsa di daselɛ tia ahenle mɔɔ ɔwɔ kɛ bɛku ye la ɛdeɛ a, ɛnee bɛhu ye; saa sonla ko ala di daselɛ tia ye a, yemɔ bɛmmaku ye.

Mɛla 19:15

“Saa bɛse awie ɛvo, anzɛɛ ɛdo mɛla bie anzɛɛ ɛyɛ nyɛleɛ ɛtane bie na dasevolɛ kokye ala a wɔ nwolɛ a, ɔnle kɛ bɛbua ahenle mɔɔ bɛdo ye ɛzonle ne la fɔlɛ. Saa menli nwiɔ anzɛɛ nsa di daselɛ tia ye a, ɛnee ɛzonle ne ɛli munli.

1 Tem 4:14

Mmakpo sunsum nu ahyɛlɛdeɛ ne mɔɔ Nyamenle kpɔmanvolɛma hanle a ɛ sa hanle ye wɔ mekɛ mɔɔ mgbanyima ne mɔ vale bɛ sa guale ɛ ti zo la.

1 Tem 5:17

Nwu ye kɛ mgbanyinli mɔɔ yɛ gyima kpalɛ la fɛta ahatualɛ mɔnwo, titile, bɛdabɛ mɔɔ bɛbɔ Edwɛkpa ne nolo na eza bɛkilehile la;

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6

Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.

Kɛlata mɔɔ bɛhɛlɛle bɛhɔmanle Hibuluma la 10:28

Awie mɔɔ kɛdo Mosisi Mɛla ne la, saa bɛnyia alasevolɛ nwiɔ anzɛɛ nsa di daselɛ tia ye na ɔdi fɔlɛ a, bɛku ye mɔɔ anwunvɔnezelɛ biala ɛnle nu a.