1 Tem 5:17 - BAEBOLO ANZƐƐ BULUKU NWUANZANWUANZA

¹⁷ Nwu ye kɛ mgbanyinli mɔɔ yɛ gyima kpalɛ la fɛta ahatualɛ mɔnwo, titile, bɛdabɛ mɔɔ bɛbɔ Edwɛkpa ne nolo na eza bɛkilehile la;

1 Tem 5:17 ပူးပေါင်းရင်းမြစ်များ

2 Arl 2:9

Mɔɔ bɛpɛle bɛhɔle azule ne anzi lɔ la, Yilaegya akee zele Yilaehya kɛ, “Biza me debie mɔɔ menyɛ memaa wɔ la kolaa na bɛarava me bɛahɔ.” Yilaehya buale kɛ, “Mebodo wɔ, maa menyia wɔ sunsum ne mɔnwo.”

Ayezaya Buluku ne 40:2

Bɛdendɛ bɛtɛɛ bɛhile Gyɛlusalɛmma, na bɛdea nu bɛze bɛ kɛ bɛ ɛbɛla nu konle ne ɛwie; bɛva bɛ ɛtane bɛhyɛ bɛ. Na mɔɔ bɛ ɛtane ne mɔ ati bɛminlinle ye la Ɛdɛnkɛma bamaa bɛanyia ye mɔnwo.”

Gyɛlɛmaya Buluku ne 16:18

Bɛva bɛ bɛkyi mmonle ninyɛne ne mɔ bɛzɛkye me azɛlɛ ne. Bɛkyi nyɛleɛ ngome a bɛyɛ ye azɛlɛ ne azo a, yemɔti mebadua bɛ amumuyɛ nee bɛ ɛtane mɔɔ bɛlɛyɛ ye ɛkɛ ne la anwo kakɛ mɔnwo.”

Gyɛlɛmaya Buluku ne 17:18

Maa menli mɔɔ yɛ me kpɔdekpɔde la anyunlu ɛgua aze, na mmamaa me nyunlu gua aze. Maa bɛ ahonle ɛdu, na mmamaa me ahonle tu. Maa munzule ɛdo bɛ na bɔ bɛ bo zo fane nwiɔ.

Zɛkalaya Buluku ne 9:12

Bɛzia bɛrɛla bɛ ɛvealeka ne, O bɛmɛ pilizama mɔɔ bɛlɛ anyelazo a, ɛnɛ meka meahile bɛ kɛ, debie biala mɔɔ bɛminli ye la, mebamaa bɛanyia ye mɔnwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:31

Bɛ nee bɛ mbusuafoɔ bɛli mɔɔ kɛha la wɔ ɛleka biala, ɔboalekɛ ɔle gyima mɔɔ bɛyɛ wɔ Ndanlɛ Sua ne anu la anwo kakɛdualɛ.

Edwɛkpa ne kɛmɔ Mateyu hɛlɛle la 24:25

Bɛdie! Kɛ mehakye bɛ ɛhye mɔ kolaa na mekɛ ne adwu ɛ!

Edwɛkpa ne kɛmɔ Luku hɛlɛle la 10:7

Bɛmmadi tutɛnla. Bɛdɛnla awuke mɔɔ bɛkɛwolo nu na bɛkɛlie bɛ la anu ala, yɛɛ mɔɔ awuke ne anu amra kɛnyia ye kɛmaa bɛ la, bɛli na bɛnlo, ɔboalekɛ ɔwɔ kɛ gyimayɛvo biala nyia ye gyima nwo ahatualɛ.

Edwɛkpa ne kɛmɔ Luku hɛlɛle la 12:42

Awulae buale kɛ, “Ɛnee nwane a le sonvolɛ mɔɔ di nɔhalɛ na ɔle nrɛlɛbɛvolɛ la? Yemɔ a le sonla ne mɔɔ ɔ menle kɛyɛ ye kpanyinli wɔ ye awuke ne anu kɛ ɔmaa sonvolɛma mɔɔ ɛha la aleɛ wɔ mekɛ ne anloa la.

Dw 4:38

Mezoa bɛ kɛ bɛhɔva bɛyɔba wɔ ɛya mɔɔ bɛanyɛ nuhua gyima la anu; awie mɔ gyɛne a yɛle nuhua gyima a, na bɛmɛ, bɛnyia menli zɔhane mɔ anwo nvasoɛ.”

Ɛzoanvolɛma Gyima ne 11:30

Bɛyɛle ɛhye na bɛvale mɔɔ bɛnyianle ye la bɛmanle Baanabase nee Sɔɔlo hɔmanle mgbanyima ne mɔ wɔ Gyɛlusalɛm.

Ɛzoanvolɛma Gyima ne 20:35

Mehilehile bɛ wɔ debie biala anu kɛ ɔlua gyima ɛsesebɛ ɛyɛlɛ zo yɛɛ bɛkɛhola bɛkɛboa menli mɔɔ ɛnlɛ anwosesebɛ la a. Bɛhakye Awulae Gyisɛse edwɛkɛ ne mɔɔ ɔhanle la. Ɔse, ‘Nyilalɛ dɔɔnwo wɔ ɛmanlɛ nu tɛla ɛlielɛ.’ ”

Ɛzoanvolɛma Gyima ne 28:10

Bɛlile yɛ eni dɔɔnwo, yɛɛ kenle mɔɔ yɛbahɔ la, bɛvale ninyɛne mɔɔ yɛbahyia nwolɛ wɔ yɛ adendulɛ ne anu la bɛhɔguale ɛlɛne ne anu bɛmanle yɛ.

Wulo 12:8

Mɔɔ lɛ folɛdulɛ ahyɛlɛdeɛ la ɛva ɛdu ɔ gɔnwo mɔ folɛ. Mɔɔ ɔwɔ kɛ asa dwu awie mɔ anwo zo la, ɛyeye ɔ kunlu ɛyɛ. Mɔɔ yɛ ahunlunyele gyima la, ɔwɔ kɛ yɛ ye anyelielɛ nu; yɛɛ mɔɔ lɛ moalɛ la ɛva fɛlɛkolilɛ ɛboa.

Wulo 15:27

Ɔle bɛdabɛ bɛ ti anwo adwenle mɔɔ bɛvale ɛdeɛ, noko nɔhalɛ nu, bɛdi ɛzonle kɛ ɔwɔ kɛ bɛyɛ ye zɔhane na bɛboa bɛ. Kɛmɔ Dwuuma ɛmaa bɛdabɛ mɔɔ bɛnle Dwuuma la sunsum nu nyilalɛ ne bie la, ɔwɔ kɛ bɛdabɛ mɔɔ bɛnle Dwuuma la noko fa bɛ ɛbɛla nu nyilalɛ ne bie boa Dwuuma.

Wulo 16:12

Mebiza Telaefina nee Telaefosa mɔɔ boka Awulae gyima ye anwo la, yɛɛ me gɔnwo kpalɛ Pɛsese ahye. Pɛsese ɛbɔ mɔdenle kpalɛ wɔ Awulae gyima ne anwo.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 16:16

Me mediema, mebodo mesɛlɛ bɛ, bɛli menli mɔɔ le zɛhae, nee awie biala mɔɔ nee bɛ yɛ gyima nee bɛ sonle la ngilehilelɛ zo.

1 Kɔl 3:9

Ɔluakɛ yɛ mu nwiɔ yɛle Nyamenle egyinli nu gyimayɛvoma yɛɛ bɛmɛ a bɛle egyinli ne a. Eza bɛle Nyamenle sua.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:6

Bɛmaa awie mɔɔ bɛlɛmaa ye Nyamenle Edwɛkɛ nwo ngilehilelɛ la ɛmaa ye kilehilevolɛ ne debie kpalɛ biala mɔɔ ɔkɛnyia ye la bie.

Mɛla 18:8

Mekɛ mɔɔ ɔkɛze kɛ ɔyɛ ye gyima ne la, ɔwɔ kɛ ɔnyia debie biala mɔɔ bɛ nee ye kɛra la bie, kɛmɔ sɛlɛvolɛma mɔɔ ɛha la nyia ye ala la. Debie biala mɔɔ ye sua nu amra kɛva kɛnwa ye la ɔkola ɔfa ɔsie.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:16

na bɛzɔ ngoane edwɛkɛ ne anu boɛ, amaa Kenle mɔɔ Kelaese kɛra la meanyia bie meadu me nwo kɛ meanzu ɛnriandilɛ ne mgbane anzɛɛ meanyɛ me gyima ne mgbane.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:29

Bɛva fɛlɛkolilɛ bɛlie ye kɛ bɛ diema wɔ Awulae ati. Bɛli menli mɔɔ le kɛ ɔdaye la eni,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:3

Akee wɔmɔ noko, me boavolɛ kpalɛ, mekpondɛ kɛ ɛboa mraalɛ ɛhye mɔ; ɔluakɛ bɛ nee me nee Kelɛmɛnte nee me gɔnwo mɔ gyimayɛvoma mɔɔ ɛha la amuala, mɔɔ bɛ aluma wɔ Nyamenle ngoane buluku ne anu la a lile Edwɛkpa ne ɛkpondenlɛ nwo gyima a.

1 Tem 3:5

Awie mɔɔ ɛngola ɛmbu ɔdaye ye awuke la, kɛ ɔkɛyɛ na yeahola yeanlea Nyamenle asɔne ne azo ɛ?

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

1 Tem 4:14

Mmakpo sunsum nu ahyɛlɛdeɛ ne mɔɔ Nyamenle kpɔmanvolɛma hanle a ɛ sa hanle ye wɔ mekɛ mɔɔ mgbanyima ne mɔ vale bɛ sa guale ɛ ti zo la.

1 Tem 4:16

Nea ɛ nwo boɛ na nea wɔ ngilehilelɛ ne boɛ. Kɔ zolɛ yɛ ɛhye mɔ, ɔluakɛ saa ɛyɛ ye zɔhane a, ɛkɛlie ɛ nwo nee bɛdabɛ mɔɔ bɛtie wɔ la ngoane.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

1 Tem 5:19

Saa awie toa asɔne kpanyinli bie kile wɔ a, mmadie ɛto nu ɛkɛ ne ala kyesɛ wɔde ye wɔ alasevolɛ nwiɔ anzɛɛ nsa anloa.

1 Tem 5:3

Di ahunlanvolɛ mɔɔ ɛnlɛ neavolɛ la eni.

2 Tem 2:6

Ɛyazonlɛnli ne mɔɔ ɛyɛ gyima ɛsesebɛ la yɛɛ ɔwɔ kɛ dumua di avule ne anu aleɛ ne bie a.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.

Kɛlata mɔɔ bɛhɛlɛle bɛhɔmanle Hibuluma la 13:24

Yɛbiza bɛ mgbanyima ne nee Nyamenle menli ne mɔ amuala ahye. Mediema mɔɔ vi Yetale ɛra ɛke la se bɛbiza bɛ ahye.

Kɛlata mɔɔ bɛhɛlɛle bɛhɔmanle Hibuluma la 13:7

Bɛhakye bɛ mgbanyima ne mɔ, mɔɔ hanle Nyamenle edwɛkɛ ne hilele bɛ la. Bɛdwenle bɛnwu kɛ bɛzile bɛbɔle bɛ ɛbɛla ne la, nee bɛ ewule nu, na bɛzukoa bɛ diedi ne mɔɔ ɛnee bɛlɛ la.