1 Tem 4:8 - BAEBOLO ANZƐƐ BULUKU NWUANZANWUANZA

⁸ Nwonane agbɔkɛ nu ɛkpundinlɛ hyia kpalɛ, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ.

1 Tem 4:8 ပူးပေါင်းရင်းမြစ်များ

Dwobu Buluku ne 22:2

“Asoo sonla nwo le nvasoɛ maa Nyamenle? Sonla mɔɔ ze nrɛlɛbɛ la le nvasoɛ maa ɔdaye ɔ nwo?

Dwobu Buluku ne 36:11

Saa bɛtie ye na bɛsonle ye a, bɛdi bɛ mekɛ ne anwonyia nu, bɛdi bɛ ɛvolɛ ne mɔ wɔ anzonudwolɛ nu.

Edwɛndolɛ Buluku ne 145:19

Ɔmaa bɛdabɛ mɔɔ bɛsulo ye la nyia mɔɔ bɛkpondɛ la, eza ɔte bɛ ɛzunlɛ na ɔdie bɛ.

Edwɛndolɛ Buluku ne 37:11

Na bɛlɛvoma bava azɛlɛ ne ayɛ bɛ ɛdeɛ, na bɛ nye alie bɛ ɛkpazilɛ nwo.

Edwɛndolɛ Buluku ne 37:29

Tenlenema bava azɛlɛ ne ayɛ bɛ ɛdeɛ, na bɛadɛnla zolɛ dahuu.

Edwɛndolɛ Buluku ne 37:9

Ɔluakɛ bɛbaminli amumuyɛma abo zo; na bɛdabɛ mɔɔ bɛ rɛle wɔ Ɛdɛnkɛma anu la bava azɛlɛ ne.

Edwɛndolɛ Buluku ne 84:11

Ɔluakɛ Ɛdɛnkɛma Nyamenle ne le sɛnzɛne nee enyinlike, ɔdaye a ɔmaa ɛlolɛ nee enililɛ a. Ɛdɛnkɛma ɛnva debie kpalɛ biala ɛnvea bɛdabɛ mɔɔ bɛle tenlenema la.

Mrɛlɛbulɛ Buluku ne 19:23

Ɛdɛnkɛma ɛzulolɛ fa sonla kɔ ngoane nu, yɛɛ mɔɔ sulo Ɛdɛnkɛma la lɛ ngoane, munzule ɛnrɛdo ye.

Mrɛlɛbulɛ Buluku ne 22:4

Mɛlɛbɛnwoaze nee Ɛdɛnkɛma ɛzulolɛ nwo ahatualɛ a le anwonyia, enililɛ, yɛɛ ngoane.

Nolo 8:12

Ɛtanevolɛ yɛ ninyɛmunli fane ɛya na ye ngoane yɛ tendenle, noko meze kɛ ɔbayɛ boɛ yeamaa menli mɔɔ sulo Nyamenle la, ɔboalekɛ ɔ nyunlu, bɛsulo ye;

Ayezaya Buluku ne 3:10

Maa tenlenema ɛde kɛ ɔbayɛ boɛ yeamaa bɛ, ɔluakɛ bɛbadidi bɛ gyima mɔɔ bɛyɛ la anwo.

Ayezaya Buluku ne 33:16

yemɔ yɛɛ ɔbadɛnla anwuma anwuma na yeava awolɛ mgbole yeayɛ aranemgbole yeabɔ ɔ nwo bane a. Ɔbanyia aleɛ yeali na yeanyia nzule yeanlo dahuu.

Gyɛlɛmaya Buluku ne 6:20

Kɛ meyɛ ɛyɛlɛ ne mɔɔ bɛ nee ye vi Hyiba ɛrɛlɛ me la ɛ? Anzɛɛ kɛ meyɛ aleɛdonlɛ ninyɛne evuanlɛ mɔɔ bɛ nee bɛ vi maanle zo moa moa ɛrɛlɛ me la ɛ? Menrɛlie bɛ ɛyelalɛ azubɔdeɛ ne mɔ, yɛɛ bɛ azubɔlɛ ne mɔ ɛnzɔ me nye.”

Edwɛkpa ne kɛmɔ Mateyu hɛlɛle la 12:32

Awie biala mɔɔ tendɛ tia medame, Sonla Ra la, bɛbava bɛahyɛ ye, na mɔɔ kɛdendɛ kɛtia Sunsum Nwuanzanwuanza ne la, bɛnrɛva bɛnrɛhyɛ ye wɔ ɛnɛ anzɛɛ kenle bie.

Edwɛkpa ne kɛmɔ Mateyu hɛlɛle la 19:29

Awie biala mɔɔ ɛgyakyi ye azua, ɔ mediema mrenya nee mraalɛ, ɔ mra, ɔ ze, ɔ nli anzɛɛ ye egyinli wɔ me ti la, banyia ye mɔnwo mɔnwo na yeanyia ngoane mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 6:33

Bɛbɔ mɔdenle bɛdwenle Nyamenle belemgbunlililɛ ne nee mɔɔ Nyamenle kpondɛ kɛ bɛyɛ la anwo kpalɛ, na ɔkɛva mɔɔ bɛhyia nwolɛ la ɔkɛmaa bɛ.

Edwɛkpa ne kɛmɔ Maake hɛlɛle la 10:30

banyia bɛ molozo wɔ kɛkala mekɛ ye anu. Ɔbanyia azua, mediema mrenya nee mraalɛ, ninlima nee mralɛ nee azɛlɛ mɔnwo mɔnwo. Bɛbayɛ ye kpɔdekpɔde ɛdeɛ, noko kenle bie ɔkɛnyia ngoane mɔɔ ɛnlɛ awieleɛ.

Edwɛkpa ne kɛmɔ Luku hɛlɛle la 5:38

Mɔɔ bɛyɛ la a le kɛ, bɛfa nwanye ndokuma bɛgua nwoma kodoku fofolɛ nu.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

1 Kɔl 3:22

Pɔɔlo o, Apɔlɔso o, Sifase o, ewiade ye o, ngoane o, ewule o, ɛnɛ mekɛ ye o, kenlebie o, ɔ muala le bɛ ɛdeɛ,

1 Kɔl 8:8

Nɔhalɛ, aleɛ ɛnrɛva yɛ ɛnrɛdwu Nyamenle anyunlu. Yemɔti saa yɛanli a yɛnrɛminli debie biala, yɛɛ saa yɛdi noko a yɛnrɛnyia nvasoɛ biala.

1 Tem 4:7

Twe ɛ nwo fi yɛ nlenya mɔ anwo koasea nwɔra mgbane mgbane ne mɔ mɔɔ ɛnle nyamenlezonlenlɛ la anwo, na mia ɛ nwo sonle Nyamenle kpalɛ.

1 Tem 6:3

Awie biala mɔɔ kilehile ngilehilelɛ fofolɛ bie na ɔnlie yɛ Awulae Gyisɛse Kelaese nɔhalɛ edwɛkɛ ne nee yɛ nyamenlezonlenlɛ ngilehilelɛ ne ɔndo nu la

1 Tem 6:5

Eza bɛ nee menli mɔɔ bɛ adwenle ɛzɛkye na nɔhalɛ ne ɛvi bɛ sa la su kpolera dahuu. Bɛ adwenle a le kɛ bɛdua nyamenlezonlenlɛ zo bɛanyia bɛ nwo.

1 Tem 6:6

Saa sonla maa ɔ kunlu adwo mɔɔ ɔlɛ la anwo a, anrɛɛ nyamenlezonlenlɛ le anwonyia kpole.

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

1 Dw 2:25

Mɔɔ Kelaese ɛva ɛbɔ yɛ ɛwɔkɛ la a le ngoane ne mɔɔ ɛnlɛ awieleɛ la.

Yekile 3:12

Sonla mɔɔ kɛli konim la, mebayɛ ye me Nyamenle Ɛzonlenlɛ Sua nu sika, na yeadɛnla ɛkɛ ne dahuu. Mebahɛlɛ me Nyamenle ne duma nee me Nyamenle ne suakpole ne, mɔɔ le Gyɛlusalɛm fofolɛ ne, mɔɔ vi me Nyamenle ne ɛkɛ ne wɔ anwuma bara la duma wɔ ɔ nwo. Eza mebahɛlɛ me duma fofolɛ ne ɔ nwo.

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.

1 Sam 15:22

Samoɛle zele kɛ, “Ɛnee ɛnea a Ɛdɛnkɛma anye die azubɔdeɛ nee ɛyelalɛ azubɔlɛ nwo kpole tɛla kɛ ɛkɛdie ɔ ne la ɔ? Nea, tieyɛ le kpalɛ tɛla azubɔlɛ, yɛɛ ɛtie Ɛdɛnkɛma ane a ɔle kpalɛ ɔtɛla mboane nyinli mɔɔ ɛwie kye la.