1 Tem 4:2 - BAEBOLO ANZƐƐ BULUKU NWUANZANWUANZA

² Menli alane bie mɔɔ bɛ adwenle ɛwu kɛ asɛɛ bɛva bulalɛ mɔɔ ɛdɔlɔ woonwu la bɛwula nu la a yɛ ngilehilelɛ ɛhye a.

1 Tem 4:2 ပူးပေါင်းရင်းမြစ်များ

1 Arl 13:18

Nyamenle kpɔmanvolɛ kpanyinli ne mɔɔ de Bɛtɛle la buale mɔɔ vi Dwuda la kɛ, “Medame noko mele Nyamenle kpɔmanvolɛ kɛ ɛdawɔ la, na Ɛdɛnkɛma ɛzoa ɛmaa bɛraha bɛhile me kɛ me nee wɔ ɛhɔ sua nu memaa ɛhɔkpula ɛ sa.” Noko ɛnee ɔlɛbɔ adalɛ.

1 Arl 22:22

Ɛdɛnkɛma bizale ye kɛ, ‘Ɛnee kɛ ɛbazi wɔabɛlɛbɛla ye ɛ?’ Sunsum ne buale kɛ, ‘Mebava adalɛ edwɛkɛ meaduodua Nyamenle kpɔmanvolɛma ne amuala anloa.’ Na Nyamenle zele sunsum ne kɛ, ‘Kɔ zolɛ bɛlɛbɛla Ehabe na ɛ sa baha ye.’ ”

Ayezaya Buluku ne 9:15

Sonla mɔɔ le kpanyinli nee mɔɔ bɛdi ye eni la a le Yizilayɛma ati ne, yɛɛ Nyamenle kpɔmanvolɛ ne mɔɔ kilehile adalɛ ngilehilelɛ la a le dualɛ ne.

Gyɛlɛmaya Buluku ne 23:14

Menwu debie ɛzulolɛ bie wɔ Gyɛlusalɛm Nyamenle kpɔmanvolɛma avinli: bɛto awuvolɛvalɛ mɛla ne, bɛbɔ adalɛ, bɛsi amumuyɛma adua, yemɔti biala ɛngyakyi amumuyɛ ɛyɛlɛ; bɛ kɔsɔɔti bɛyɛ kɛ Sodɔmma nee Gomɔlama wɔ me nye zo.

Gyɛlɛmaya Buluku ne 23:26

Kenlenzu a Nyamenle kpɔmanvolɛma ɛhye mɔ kɛgyakyi adalɛ nrɛlaleɛ ɛhanlɛ a? Bɛbɔ bɛ ti anu bɛka nrɛlaleɛ biala bɛfa bɛbɛlɛbɛla bɛdabɛ bɛ ngome bɛ nwo.

Gyɛlɛmaya Buluku ne 23:32

Bɛnlea, mekyi bɛdabɛ mɔɔ bɛka ɛlalɛ adalɛ na bɛfa bɛ adalɛ nee bɛ nloa anu ɛyelɛ bɛdi me menli ne adwenle na bɛminli bɛ wɔ mekɛ mɔɔ metɛsoanle bɛ, anzɛɛ metɛkilele bɛ debie kɛ bɛyɛ la. Menli ne ɛnnyia Nyamenle kpɔmanvolɛma ne mɔ nyɛleɛ ne azo nvasoɛ biala.”

Gyɛlɛmaya Buluku ne 5:21

Bɛdie ɛhye, ahɔnwɔne mɔɔ ɛnze nrɛlɛbɛ a, mɔɔ lɛ ɛnyelɛ na bɛnnwu debie a, mɔɔ lɛ ɛnzonlɛ na bɛnde edwɛkɛ a.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 7:15

“Bɛnlea bɛ nwo boɛ wɔ Nyamenle kpɔmanvolɛma alanema anwo; bɛle menli bie mɔɔ bɛyɛ bɛ nwo kɛ asɛɛ bɛnze nwolɛ bie, noko bɛ kunlu le bile.

Ɛzoanvolɛma Gyima ne 20:30

Mekɛ bara mɔɔ menli vi bɛ avinli badwazo araha edwɛkɛ adalɛ ahwe diedima ne bie mɔ ahɔli bɛ nzi a.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 16:18

Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:19

Nyiane ɛnle bɛ nye zo, bɛyɛ ninyɛndane yɛɛ bɛkulo ɛbɛla mgbane mgbane ɛbɔlɛ.

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

Yekile 16:14

Bɛle sunsum ɛtane mɔɔ kola yɛ nwanwane ninyɛne a. Na bɛluolua nu bɛkpɔsa arelemgbunli mɔɔ wɔ ewiade la amuala anwo zo na bɛboɔboa bɛ nloa kɛ bɛbaho Nyamenle Bedevinli ne Kenle kpole ne anu.