1 Tem 4:15 - BAEBOLO ANZƐƐ BULUKU NWUANZANWUANZA

¹⁵ Bɔ mɔdenle yɛ ɛhye mɔ na tu ɛ nwo maa bɔkɔɔ, amaa wɔ anyunluhɔlɛ ne ala ali wɔ menli kɔsɔɔti anyunlu.

1 Tem 4:15 ပူးပေါင်းရင်းမြစ်များ

Edwɛndolɛ Buluku ne 1:2

Ɔ nye die Ɛdɛnkɛma Mɛla ne anwo, na ɔdwenledwenle nwolɛ alehyenlɛ nee aledwolɛ.

Edwɛndolɛ Buluku ne 104:34

Mesɛlɛ kɛ me nzɛlɛlɛ kɛzɔ ɔ nye, ɔluakɛ Ɛdɛnkɛma ati me nye die.

Edwɛndolɛ Buluku ne 105:5

O bɛmɛ ye sonvolɛ Ebileham abo zo amra, Gyekɔbo abo zo amra, mɔɔ yekpa nu yeye bɛ a, bɛhakye nwanwane gyima mɔɔ yeli la; ye nwanwane sɛkɛlɛneɛ nee ye ndɛnebualɛ ne mɔ.

Edwɛndolɛ Buluku ne 119:148

Aledwolɛ muala me nye gyi zo, amaa meadwenledwenle wɔ ɛwɔkɛ ne anwo.

Edwɛndolɛ Buluku ne 119:15

Mebadwenledwenle wɔ mɛla ne mɔ anwo, na meamaa me nye agyinla wɔ ndenle ne mɔ anwo.

Edwɛndolɛ Buluku ne 119:23

Arelemgbunli kɔ me nwo akpamo bɔbɔ ɛdeɛ, noko wɔ sonvolɛ badwenledwenle wɔ mɛla ne mɔ anwo.

Edwɛndolɛ Buluku ne 119:48

Medi wɔ mɛla ne mɔ eni, mekulo bɛ; mebadwenledwenle wɔ mɛla ne mɔ anwo.

Edwɛndolɛ Buluku ne 119:97

O, mekulo wɔ mɛla ne somaa! Medwenledwenle nwolɛ alehyenlɛ biala.

Edwɛndolɛ Buluku ne 119:99

Melɛ ndelebɛbo metɛla me kilehilevolɛma amuala, ɔluakɛ wɔ mɛla ne mɔ ala a medwenledwenle nwolɛ a.

Edwɛndolɛ Buluku ne 143:5

Mekakye dɛba, medwenledwenle mɔɔ wɔyɛ la anwo; menwu mɔɔ wɔyɛ la amuala.

Edwɛndolɛ Buluku ne 19:14

O Ɛdɛnkɛma, me bodane nee me dievolɛ, maa me nloa edwɛkɛ nee me ahonle nu nzɛlɛlɛ ɛdwu ɛ nyunlu na ɔzɔ ɛ nye.

Edwɛndolɛ Buluku ne 49:3

Mebaha nrɛlɛbɛ edwɛkɛ, ndelebɛbo wɔ mɔɔ medwenledwenle nwo la anu.

Edwɛndolɛ Buluku ne 63:6

Saa mela me ɛkpa zo a medwenle ɛ nwo, na me adwenle gyinla ɛ nwo zo nɔe ne amuala.

Edwɛndolɛ Buluku ne 77:12

Mebadwenledwenle wɔ gyima ne amuala anwo, na meadwenle wɔ gyima mgbole ne mɔ anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:26

noko bɛbahola bɛaboa bɛ mediema Livaema ne wɔ bɛ gyima ne ɛyɛlɛ nu wɔ Ɛdɛnkɛma Ndanlɛ Sua ne anu, ɔnle kɛ bɛmaa bɛ gyima kɛ bɛyɛ. Ɛnee kɛ ɛbazi wɔahyehyɛ Livaema gyima ne la ɛne.”

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Ɛzoanvolɛma Gyima ne 6:4

amaa yɛdayɛ noko yɛanyia mekɛ yɛayɛ nzɛlɛlɛ nee Edwɛkpa ne ɛhanlɛ gyima ne.”

1 Kɔl 16:15

Mediema, bɛze kɛ Setɛfanase nee ye sua nu amra a lumuale liele Kelaese lile wɔ Akaya (Giliki maanle nu) a, yɛɛ bɛdu bɛ nwo bɛmaa kɛ bɛkɛzonle Nyamenle menli ne.

2 Kɔl 4:14

Yɛze kɛ Nyamenle mɔɔ dwazole Awulae Gyisɛse rale ngoane nu la badwazo yɛ aboka Gyisɛse anwo, na yeava yɛ nee bɛ yeahɔ ɔ nyunlu ɛkɛ.

2 Kɔl 8:5

Yɛ nye anla fee. Bɛlumuale bɛvale bɛ nwo bɛmanle Awulae, na akee ɔlua Nyamenle ɛhulolɛ zo bɛava bɛ nwo bɛamaa yɛdayɛ noko.

1 Tem 4:14

Mmakpo sunsum nu ahyɛlɛdeɛ ne mɔɔ Nyamenle kpɔmanvolɛma hanle a ɛ sa hanle ye wɔ mekɛ mɔɔ mgbanyima ne mɔ vale bɛ sa guale ɛ ti zo la.

1 Tem 4:16

Nea ɛ nwo boɛ na nea wɔ ngilehilelɛ ne boɛ. Kɔ zolɛ yɛ ɛhye mɔ, ɔluakɛ saa ɛyɛ ye zɔhane a, ɛkɛlie ɛ nwo nee bɛdabɛ mɔɔ bɛtie wɔ la ngoane.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Dwɔhyua Buluku ne 1:8

Maa ɔyɛ wɔ gyima kɛ ɛkɛgenga Mɛla buluku ne dahuu wɔ bɛ ɛzonlenlɛ mekɛ biala anu. Dwenledwenle Mɛla ne anwo nɔɔzo nee ewiazo, na di mɔɔ bɛhɛlɛ ye nuhua la amuala azo. Ɛhye bamaa wɔ ɛbɛlabɔlɛ ne adenrɛ.