1 Tem 4:13 - BAEBOLO ANZƐƐ BULUKU NWUANZANWUANZA

¹³ Maa ɛ nye ɛbolo Nyamenle Edwɛkɛ ne ɛgengalɛ wɔ bagua nu, ye nolobɔlɛ nee ye ngilehilelɛ nwo kɔkpula kɛ menwɔra la.

1 Tem 4:13 ပူးပေါင်းရင်းမြစ်များ

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Ɛzoanvolɛma Gyima ne 6:4

amaa yɛdayɛ noko yɛanyia mekɛ yɛayɛ nzɛlɛlɛ nee Edwɛkpa ne ɛhanlɛ gyima ne.”

Wulo 12:8

Mɔɔ lɛ folɛdulɛ ahyɛlɛdeɛ la ɛva ɛdu ɔ gɔnwo mɔ folɛ. Mɔɔ ɔwɔ kɛ asa dwu awie mɔ anwo zo la, ɛyeye ɔ kunlu ɛyɛ. Mɔɔ yɛ ahunlunyele gyima la, ɔwɔ kɛ yɛ ye anyelielɛ nu; yɛɛ mɔɔ lɛ moalɛ la ɛva fɛlɛkolilɛ ɛboa.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

1 Kɔl 14:3

Na mɔɔ bɔ Nyamenle edwɛkɛ ne nolo la tendɛ kile menli, ɔboa bɛ, ɔmaa bɛ akɛnrazilɛ na ɔkyekye bɛ rɛle.

1 Kɔl 14:6

Mediema, saa meba bɛ nwo lɔ na mebaka aneɛ ngakyile mekile bɛ a, duzu nvasoɛ a bɛkɛnyia ye bɛkɛvi me ɛkɛ ne a? Bɛnrɛnyia ɛhwee, kyesɛ melɛ yekile bie vi Nyamenle ɛkɛ anzɛɛ deɛnwunlɛ bie anzɛɛ nrɛlaleɛ bie vi Nyamenle lɔ, anzɛɛ ngilehilelɛ bie mebɛlɛ bɛ.

Mɛla 17:19

Ɔwɔ kɛ ɔfa ɔsie kpalɛ na ɔkenga ye dahuu wɔ mekɛ mɔɔ ɔde ngoane nu la, amaa yeazulo Ɛdɛnkɛma ye Nyamenle ne na yeali ye mɛla nee ngyehyɛlɛ ɛhye mɔ azo.

1 Tem 4:16

Nea ɛ nwo boɛ na nea wɔ ngilehilelɛ ne boɛ. Kɔ zolɛ yɛ ɛhye mɔ, ɔluakɛ saa ɛyɛ ye zɔhane a, ɛkɛlie ɛ nwo nee bɛdabɛ mɔɔ bɛtie wɔ la ngoane.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

2 Tem 3:15

yɛɛ ɛkakye kɛ sumunli wɔ ngakula nu yɛɛ ɛzukoale Nyamenle Edwɛkɛ ne mɔɔ maa wɔ nrɛlɛbɛ mɔɔ saa ɛdie Kelaese Gyisɛse ɛdi a, ɔkola ɔmaa wɔ ngoanelielɛ la.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:15

Kilehile ɛhye mɔ amuala na fa wɔ tumi ne kpokpoti wula wɔ ngilehilelɛ nee bɛ nyunlu ɛhwilɛ nu. Mmamaa awie biala fa ɛ nyunlu kyikyi aze.

Dwɔhyua Buluku ne 1:8

Maa ɔyɛ wɔ gyima kɛ ɛkɛgenga Mɛla buluku ne dahuu wɔ bɛ ɛzonlenlɛ mekɛ biala anu. Dwenledwenle Mɛla ne anwo nɔɔzo nee ewiazo, na di mɔɔ bɛhɛlɛ ye nuhua la amuala azo. Ɛhye bamaa wɔ ɛbɛlabɔlɛ ne adenrɛ.