1 Tem 4:12 - BAEBOLO ANZƐƐ BULUKU NWUANZANWUANZA

¹² Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

1 Tem 4:12 ပူးပေါင်းရင်းမြစ်များ

Zɛkalaya Buluku ne 2:4

na ɔzele ye kɛ, “Nriandi, kɔha kile kpavolɛ ne kɛ, ‘Gyɛlusalɛm bayɛ gbudugbudu kɛ namunamu mɔɔ bɛanlie nwolɛ bane la, ɔboalekɛ zolɛ menli bazo, yɛɛ zolɛ nyɛmoa bazo.

Edwɛkpa ne kɛmɔ Mateyu hɛlɛle la 18:10

“Bɛnlea na bɛambu ngakula ɛhye mɔ anu biala, kɛ ɔle mgbane, ɔluakɛ anwuma lɔ, bɛ soanvolɛma nwu Egya mɔɔ wɔ anwuma la anyunlu dahuu. [

1 Kɔl 11:1

Ɛhye ati, bɛva me gyakɛ, kɛmɔ meva Kelaese agyakɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 2:10

Bɛ nee Nyamenle bɛdi yɛ daselɛ kɛ yɛ subane mɔɔ yɛhilele yɛhilele bɛdabɛ mɔɔ bɛliele bɛlile la le bɔkɔbɔkɔ, ɔle fɔɔnwo mɔɔ evinli biala ɛnle nwo a.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

2 Tem 2:15

Bɔ mɔdenle ɛsesebɛ kɛ ɛkɛzɔ Nyamenle anye, kɛ gyimayɛvolɛ mɔɔ ɛnze ye gyima nwo nyiane na ɔkilehile Nyamenle nɔhalɛ edwɛkɛ ne kpalɛ la.

2 Tem 2:22

Yemɔti kpo wɔ mgbavolɛ nu atiakunluwɔzo ne mɔ na ɛ nee bɛdabɛ mɔɔ bɛfa ahonle mɔɔ nuhua te bɛfɛlɛ Awulae la ɛpele ɛkpondɛ pɛlepɛlelilɛ, diedi, ɛhulolɛ, nee anzonudwolɛ bo zo.

2 Tem 2:7

Dwenle mɔɔ melɛka la anwo, ɔluakɛ Awulae baboa wɔ yeamaa wɔade ɔ muala abo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:15

Kilehile ɛhye mɔ amuala na fa wɔ tumi ne kpokpoti wula wɔ ngilehilelɛ nee bɛ nyunlu ɛhwilɛ nu. Mmamaa awie biala fa ɛ nyunlu kyikyi aze.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:7

Wɔ ninyɛne muala anu, ɛdawɔ mumua ne pɛ kelemunli kpalɛ wɔ gyima kpalɛ ɛyɛlɛ nu to ɛkɛ. Maa ɛ nye ɛbolo wɔ ngilehilelɛ ne anwo na di nɔhalɛ.

Gyemise Kɛlata ne 3:13

Bɛ nuhua boni a ze nrɛlɛbɛ na ɔlɛ ndelebɛbo a? Bɛmaa ɔva ye ɛbɛlabɔlɛ kpalɛ ɔpɛ kilemunli ɔhile nyɛleɛ kpalɛ mɔɔ bɛfa mɛlɛbɛnwoaze nee nrɛlɛbɛ bɛyɛ la.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Pit 5:3

Bɛmmapele kɛ bɛkile bɛ tumi wɔ menli mɔɔ bɛva bɛ bɛwula bɛ bo la anwo zo, na bɛpɛ kilemunli kpalɛ bɛmaa mboane ne ɛlua zo,