1 Tem 4:11 - BAEBOLO ANZƐƐ BULUKU NWUANZANWUANZA

¹¹ Fa ɛhye mɔ tu bɛ folɛ na kilehile bɛ.

1 Tem 4:11 ပူးပေါင်းရင်းမြစ်များ

1 Tem 5:7

Fa folɛdulɛ ɛhye maa bɛ, amaa awie annyia edwɛkɛ ɛtane biala anga wɔ bɛ nwo.

1 Tem 6:2

Ahanra mɔɔ bɛ menle mɔ le diedima la mmakpo kɛ bɛnrɛli bɛ menle mɔ eni, kɛmɔ bɛle bɛ mediema la ati. Ɔwɔ kɛ bɛsonle bɛ kpalɛ, ɔboalekɛ bɛ gyimayɛlɛ nwo nvasoɛ ne kɔ diedima mɔɔ bɛkulo bɛ edwɛkɛ la lɔ. Kilehile na bɔ ninyɛne ɛhye mɔ nolo.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:15

Kilehile ɛhye mɔ amuala na fa wɔ tumi ne kpokpoti wula wɔ ngilehilelɛ nee bɛ nyunlu ɛhwilɛ nu. Mmamaa awie biala fa ɛ nyunlu kyikyi aze.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.