1 Tem 4:10 - BAEBOLO ANZƐƐ BULUKU NWUANZANWUANZA

¹⁰ Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

1 Tem 4:10 ပူးပေါင်းရင်းမြစ်များ

Edwɛndolɛ Buluku ne 107:2

Bɛmaa bɛdabɛ mɔɔ Ɛdɛnkɛma ɛlie bɛ la ɛha, bɛmɛ mɔɔ yelie bɛ yevi bɛ amaneɛnwunlɛ nu, na yeboɔboa bɛ nloa yevi maanle maanle zo, ɔvi aduduleɛ nee adɔleɛ, ɛbɔ nu nee nyevile nu la ɛha ye zɔ.

Edwɛndolɛ Buluku ne 118:8

Ɔle kpalɛ kɛ sonla kɛvea Ɛdɛnkɛma akɛnra anu, tɛla kɛ ɔkɛva ɔ rɛle ɔkɛwula dasanli nu.

Edwɛndolɛ Buluku ne 36:6

Wɔ tenleneyɛlɛ ne kpole le kɛ Nyamenle awoka ne mɔ, wɔ ndɛnebualɛ ne mɔ abo kuma le kɛ azule buma; O Ɛdɛnkɛma, ɛdie menli nee nane ngoane.

Edwɛndolɛ Buluku ne 37:40

Ɛdɛnkɛma boa bɛ na ɔdie bɛ ngoane; ɔye bɛ ɔfi amumuyɛma asa anu, ɔdie bɛ ngoane; ɔboalekɛ bɛnriandi bɛbafea ye nu.

Edwɛndolɛ Buluku ne 52:8

Na mame, mele kɛ ɔlivi baka amolɛ wɔ Nyamenle sua nu. Me rɛle wɔ Nyamenle ɛhulolɛ kpundii ne anu wɔ mekɛ mɔɔ ɛnlɛ awieleɛ.

Edwɛndolɛ Buluku ne 84:12

O Tumivolɛ Ɛdɛnkɛma, nyilalɛ ɛha sonla ne mɔɔ arɛle wɔ wɔ nu la.

Ayezaya Buluku ne 12:2

Bɛnlea, Nyamenle le me ngoanedievolɛ; menrɛzulo, mebava me rɛle meawula ye nu, ɔluakɛ Ɛdɛnkɛma Nyamenle ne le me anwosesebɛ nee me edwɛne, na yeyɛ me ngoanedievolɛ.”

Ayezaya Buluku ne 50:10

Nwane a wɔ bɛ avinli mɔɔ sulo Nyamenle, na ɔyɛ tieyɛ ɔmaa ye sonvolɛ ne, mɔɔ lua awozinli nu na ɔnlɛ kɛnlaneɛ, noko ɔ rɛle wɔ Ɛdɛnkɛma anu, na ɔfa ɔ nwo ɔmaa ye Nyamenle ne la?

Gyɛlɛmaya Buluku ne 17:7

“Nyilalɛ ɛha sonla ne mɔɔ kɛva ɔ rɛle kɛwula medame Ɛdɛnkɛma me nu la.

Daneɛle Buluku ne 3:28

Belemgbunli Nɛbukadenɛza zele kɛ, “Ayɛlɛyelɛ ɛha Hyeedelake, Mihyake, yɛɛ Abɛdenɛgo Nyamenle ne. Ye sonvolɛma ne dule bɛ gye kɛ bɛnrɛli me mɛla ne azo, yɛɛ bɛnrɛdu bɛnrɛgua bɛnrɛzonle nyamenle biala kɛ bɛ Nyamenle ɛdeɛ ne ala. Bɛliele bɛ Nyamenle ne bɛlile na bɛvale bɛ nwonane bɛdole nzeleba, na amgba Nyamenle ɛzoa ye soanvolɛ yemaa yeralie bɛ.

Nahum Buluku ne 1:7

Ɛdɛnkɛma le kpalɛ, ɔle ɛvealeka wɔ ɛmianlɛ nu; ɔsɔ bɛdabɛ mɔɔ bɛnriandi bɛbatane ye la.

Edwɛkpa ne kɛmɔ Mateyu hɛlɛle la 16:16

Saemɔn Pita buale kɛ, “Wɔmɔ a ɛle Kelaese ne, mɔɔ le tease Nyamenle ne Ara ne.”

Edwɛkpa ne kɛmɔ Mateyu hɛlɛle la 27:43

Ɔfa ɔ rɛle ɔwula Nyamenle nu na ɔka kɛ ɔle Nyamenle Ara. Akee bɛmaa yɛnlea saa Nyamenle kɛlie ye ngoane kɛkala a!”

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 4:42

na bɛhanle bɛhilele raalɛ ne kɛ, “Kɛkala, tɛ mɔɔ ɛhanle la ati yɛɛ ɛmaa yɛlie ye yɛli a. Yɛlie ye yɛli, ɔluakɛ yɛdayɛ noko yɛde ɔ nloa edwɛkɛ yɛ nzo nu na yɛnwu kɛ amgba yemɔ a ɔle ewiade Ngoanedievolɛ ne a.”

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

2 Kɔl 1:10

Ewule ɛzulolɛ zɛhae anu yɛɛ ɔyele yɛ ɔvile a, yɛɛ ɔkɛye yɛ nu somaa; yɛɛ eza yɛ rɛle wɔ ye nu kɛ ɔkɛye yɛ nu bieko,

1 Tem 2:3

Zɛhae nzɛlɛlɛ le kpalɛ na ɔsɔ Nyamenle yɛ Ngoanedievolɛ ne anye.

1 Tem 2:4

Ɔluakɛ ɛkpondɛ kɛ menli kɔsɔɔti nwu nɔhalɛ ne na bɛnyia ngoane.

1 Tem 2:6

mɔɔ vale ɔ nwo manle kɛ ɔkpɔne menli kɔsɔɔti yeavi bɛ ɛtane nu la. Mekɛ kpalɛ ne dwule la ɔhilele kɛ Nyamenle kpondɛ kɛ menli kɔsɔɔti nyia ngoane.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

1 Tem 6:17

Tendɛ kile bɛdabɛ mɔɔ bɛlɛ ngoane ɛhye anu anwonyia la kɛ bɛmmamemaa bɛ nwo zo, yɛɛ bɛmmafa bɛ nye bɛto ninyɛne mɔɔ pɛ nu se kɛ anwonyia la azo, bɛmaa bɛ nye ɛla Nyamenle mɔɔ maa yɛ debie biala molozo mɔɔ yɛfa yɛdie yɛ nye la anwo zo.

Kɛlata mɔɔ bɛhɛlɛle bɛhɔmanle Hibuluma la 11:26

Ɔdwenlenle nwo kɛ saa sonla doa Kelaese ne abo zo na ɔnwu amaneɛ a, ɔle kpalɛ ɔtɛla kɛ ɔkɛnyia Yigyibiti anwonyia kɔsɔɔti a, ɔluakɛ ɛnee ɔ nye la ahyɛlɛdeɛ mɔɔ kenle bie Nyamenle bava amaa ye la azo.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

1 Dw 4:14

Yɛnwu ye yɛɛ yɛdi daselɛ kɛ Selɛ ne ɛzoa ɔ Ra ne kɛ yemɔ a ɔle ɛtane ewiade ye amra ngoanedievolɛ a.