1 Tem 4:1 - BAEBOLO ANZƐƐ BULUKU NWUANZANWUANZA

¹ Nyamenle Sunsum ne ka ye wienyi kɛ menli ne bie mɔ bakpo bɛ diedi ne kenle bie; bɛbadie sunsum adalɛma edwɛkɛ na bɛali mbɔnsam ngilehilelɛ ne mɔ azo.

1 Tem 4:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:13

Ɛdɛnkɛma Nyamenle bizale raalɛ ne kɛ, “Duzu debie a wɔyɛ la?” Raalɛ ne buale kɛ, “Ɛwɔlɛ ne bɛlɛbɛlale me, lile me adwenle yɛɛ menlile bie a.”

1 Arl 13:18

Nyamenle kpɔmanvolɛ kpanyinli ne mɔɔ de Bɛtɛle la buale mɔɔ vi Dwuda la kɛ, “Medame noko mele Nyamenle kpɔmanvolɛ kɛ ɛdawɔ la, na Ɛdɛnkɛma ɛzoa ɛmaa bɛraha bɛhile me kɛ me nee wɔ ɛhɔ sua nu memaa ɛhɔkpula ɛ sa.” Noko ɛnee ɔlɛbɔ adalɛ.

Ayezaya Buluku ne 2:2

Ɔbara kɛ mekɛ ne mɔɔ li awieleɛ la, boka ne mɔɔ Ɛdɛnkɛma Ɛzonlenlɛ Sua ne gyi zolɛ la bayɛ boka mɔɔ wale tɛla boka biala; bɛbamaa ye zo wɔ awoka kɔsɔɔti avinli, na maanle maanle kɔsɔɔti banriandi ahɔ zo.

Gyɛlɛmaya Buluku ne 23:26

Kenlenzu a Nyamenle kpɔmanvolɛma ɛhye mɔ kɛgyakyi adalɛ nrɛlaleɛ ɛhanlɛ a? Bɛbɔ bɛ ti anu bɛka nrɛlaleɛ biala bɛfa bɛbɛlɛbɛla bɛdabɛ bɛ ngome bɛ nwo.

Gyɛlɛmaya Buluku ne 48:47

“Noko mekɛ bie bara mɔɔ mebamaa Mowabe akpazi bieko a. Medame Ɛdɛnkɛma a mese a.” Ɛnee kɛ bɛbazi bɛadea Mowabe la ɛne.

Gyɛlɛmaya Buluku ne 49:39

Noko nzinlii mebamaa Yilamma akpazi bieko. Medame Ɛdɛnkɛma a mese a.”

Yizikeɛle Buluku ne 1:3

Na Ɛdɛnkɛma dendɛle hilele me wɔ Azule Kibaa ne anloa wɔ Babelonia azɛlɛ zo; eza mendele Ɛdɛnkɛma tumi ne wɔ me nu.

Yizikeɛle Buluku ne 38:16

wɔara me menli Yizilayɛma anwo zo kɛ amungu la wɔaraheda maanle ne azo. Mekɛ ne mɔɔ li amozi la anu, mebamaa wɔara me azɛlɛ ne azo, na saa medua ɛdawɔ Gɔɔgo ɛ nwo zo meye me nwuanzanwuanzayɛlɛ ne mekile a, maanle maanle kɔsɔɔti anwu me.

Daneɛle Buluku ne 10:14

yɛɛ mera kɛ mebaha mɔɔ kenle bie bazi wɔ menli ne anwo zo la meahile wɔ a. Ɛnyelɛzodeɛnwunlɛ ɛhye kile wɔ mɔɔ kenle bie basisi la.”

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Maeka Buluku ne 4:1

Ɔbara ye kɛ, mekɛ ne mɔɔ li amozi la anu, boka ne mɔɔ Ɛdɛnkɛma Ɛzonlenlɛ Sua ne gyi zolɛ la bayɛ boka tendenle adɛla ewiade boka biala. Maanle maanle bapia ara nwolɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:14

Beelam hanle hilele Beelake kɛ, “Melɛsia meahɔ me menli ne mɔ anwo lɔ; bɛla maa menga mɔɔ kenle bie Yizilayɛma bava ayɛ wɔ menli ne la mengile wɔ.”

Edwɛkpa ne kɛmɔ Mateyu hɛlɛle la 18:7

Munzule ɛha aleɛabo amra kɛ ninyɛne mɔɔ maa sonla diedi kakyi la dɔɔnwo wɔ ewiade ye anu a! Kɛ ɔkɛyɛ biala la, zɛhae ngyegyelɛ ne mɔ bara, noko sonla ne mɔɔ ɔkɛlua ɔ nwo zo ɔkɛra la, ye gyakɔ!

Edwɛkpa ne kɛmɔ Luku hɛlɛle la 17:1

Gyisɛse zele ye ɛdoavolɛma ne kɛ, “Ɔwɔ kɛ ninyɛne mɔɔ twehwe sonla kɔ ɛtane nu la sisi, na mɔɔ ɔkɛlua ɔ nwo zo ɔkɛzi la, ye gyakɔ.

Dw 16:13

Na saa Sunsum ne mɔɔ baye nɔhalɛ ne mɔɔ fane Nyamenle anwo la ba a, ɔbamaa bɛanwu nɔhalɛ ne amuala. Ɔnrɛva ɔdaye ye tumi ɔnrɛdendɛ, na ɔbaha mɔɔ ɔkɛde, na yeaha ninyɛne mɔɔ bara la anwo edwɛkɛ yeahile bɛ.

Ɛzoanvolɛma Gyima ne 13:2

Mɔɔ ɛnee bɛlɛyɛ nzɛlɛlɛ na bɛlɛkye ɛhɔne la, Sunsum Nwuanzanwuanza ne zele bɛ kɛ, “Bɛdu Baanabase nee Sɔɔlo bɛzie ahane bɛmaa me na memaa bɛhɔyɛ gyima mɔɔ yemɔti menvɛlɛle bɛ la.”

Ɛzoanvolɛma Gyima ne 17:18

Eku nwiɔ bie mɔɔ Ɛpekulɛse nee Zɛno a dele la anu kilehilevolɛma rale na bɛ nee Pɔɔlo razule kpolera na bɛzele kɛ, “Na sonlamgbane ɛhye, duzu edwɛkɛ yɛɛ ɔkpondɛ yeaha a?” Bie mɔ noko se, “Ɔzɔho kɛ ɔlɛbɔ ɛzonlenlɛ fofolɛ bie anwo nolo.” Bɛhanle ɛhye, ɔluakɛ Pɔɔlo hanle Gyisɛse nee ewudwazo nwo edwɛkɛ.

Ɛzoanvolɛma Gyima ne 20:23

mɔɔ meze la a le kɛ Sunsum Nwuanzanwuanza ne ɛhakye me wɔ sua biala azo kɛ efiadedolɛ nee esiane yɛɛ ɛlɛkendɛ me a.

Ɛzoanvolɛma Gyima ne 21:11

Ɔrale yɛ nwo ɛkɛ ne na ɔvale Pɔɔlo akyeso ne ɔkyekyele ɔdaye ɔ ngome ɔ sa nee ɔ gyakɛ na ɔhanle kɛ, “Kɛ Sunsum Nwuanzanwuanza ne se la ɛne: Sonla ne mɔɔ lɛ akyeso ɛhye la, Dwuuma bakyekye ye zɛhae wɔ Gyɛlusalɛm, na bɛava ye bɛawula bɛdabɛ mɔɔ bɛnle Dwuuma la asa anu.”

Ɛzoanvolɛma Gyima ne 28:25

Na bɛ adwenle anzɛ yɛɛ bɛzandele a. Na mɔɔ bɛbahɔ la Pɔɔlo hanle edwɛkɛ ko ɛhye kɛ, “Mɔɔ Sunsum Nwuanzanwuanza ne luale Nyamenle kpɔmanvolɛ Ayezaya anwo zo hanle hilele yɛ nlenya mɔ la le nɔhalɛ somaa!

1 Kɔl 10:20

Menga ye zɔhane. Mɔɔ melɛka la a le kɛ ewiade amra fa ninyɛne bɔ azu maa mbɔnsam, bɛmbɔ bɛmmaa Nyamenle. Memkpondɛ kɛ bɛ nee mbɔnsam nyia debie yɛ.

1 Kɔl 11:19

(Kɛ ɔkɛyɛ biala la ɔwɔ kɛ mgbakyemgbakye ba bɛ nu, amaa bɛdabɛ mɔɔ bɛgyi pi la anwo ala ali kpalɛ.)

1 Kɔl 12:11

Nyamenle Sunsum ko ne ala a yɛ ɛhye mɔ amuala a; Sunsum ko ne ala a maa awie biala ahyɛlɛdeɛ, kɛmɔ ɔdaye (Sunsum ne) ɔkulo la a.

1 Kɔl 2:10

Yɛmɛ yɛɛ Nyamenle ɛlua ye Sunsum ne azo ɛye fealeranu debie zɛhae ɛhile yɛ a, ɔluakɛ Sunsum ne fedevede ninyɛne kɔsɔɔti anu, bɔbɔ kɛ Nyamenle ngyehyɛlɛ ne kuma ne kuloonwu si de la.

2 Kɔl 11:3

Noko mesulo kɛ, kɛmɔ ɛwɔlɛ ne vale adalɛ nrɛlɛbɛ bɛlɛbɛlale Yivi la, zɔhane ala yɛɛ bɛbazɛkye bɛ adwenle a, amaa bɛahwe bɛ nwo bɛavi Kelaese ɛzonlenlɛ kpalɛ ne mɔɔ di munli la anwo.

Mɛla 32:29

Saa bɛze nrɛlɛbɛ a anrɛɛ bɛkɛde ɛhye abo, anrɛɛ bɛbanwu mɔɔ nzinlii bazi bɛ nwo zo la.

Mɛla 4:30

Saa ngyegyelɛ kpole bie ba bɛ nwo zo, na ɛhye mɔ sisi bɛ nwo zo a, bɛzia bɛdoa Ɛdɛnkɛma bɛ Nyamenle ne, na bɛdie ɔ ne,

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

2 Tem 3:13

Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

2 Tem 4:4

Bɛbaduodua bɛ nzo wɔ nɔhalɛ ne anwo, na bɛadie nwɔra.

Gyemise Kɛlata ne 3:15

Nrɛlɛbɛ zɛhae ɛnvi anwuma lɔ a ba a; ɔle ewiade nrɛlɛbɛ yɛɛ Nyamenle Sunsum ɛnle sonla ne mɔɔ lɛ ye la nu; sonla zɔhane le abɔnsam.

1 Pit 1:20

Nyamenle vale ye ziele ɛkɛ dɛba kolaa na bɛabɔ ewiade, yɛɛ bɛmɛ bɛ ti bɛye ye bɛhile wɔ mekɛ ye mɔɔ li amozi la anu a.

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

2 Pit 3:3

Mɔɔ lumua la a le kɛ, ɔwɔ kɛ bɛnyia ndelebɛbo kɛ mekɛ mɔɔ li awieleɛ la amgbuzilɛma bie mɔɔ di bɛ atiakunluwɔzo nzi la badwazo na bɛarazi bɛ amgbu. Bɛbagolo bɛ nwo,

1 Dw 2:18

Me mra ngakula, awieleɛ mekɛ ne ɛbikye! Bɛde ye dɛba kɛ Kelaese Kpɔvolɛ ne mɔɔ bayɛ ɔ nwo kɛ yemɔ a ɔle Kelaese ne la bara, na kɛkala bɔbɔ, Kelaese kpɔvolɛma dɔɔnwo ɛye bɛ nyunlu, yemɔti yɛnwu kɛ awieleɛ mekɛ ne ala ɛne.

1 Dw 4:6

Na yɛmɛ yɛle Nyamenle menli. Awie biala mɔɔ ze Nyamenle la tie yɛ, yɛɛ awie biala mɔɔ ɛnle Nyamenle ɛdeɛ la ɛndie yɛ. Ɛhye yɛɛ maa yɛnwu nɔhalɛ sunsum ne nee adalɛ sunsum ne a.

Dwuudu Kɛlata ne 1:18

Bɛzele bɛ kɛ, “Saa awieleɛ mekɛ ne ba a, menli mɔɔ ɛnze Nyamenle na bɛdi bɛ ngome bɛ atiakunluwɔzo nzi la bara, na bɛarazi bɛ amgbu.”

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 16:14

Bɛle sunsum ɛtane mɔɔ kola yɛ nwanwane ninyɛne a. Na bɛluolua nu bɛkpɔsa arelemgbunli mɔɔ wɔ ewiade la amuala anwo zo na bɛboɔboa bɛ nloa kɛ bɛbaho Nyamenle Bedevinli ne Kenle kpole ne anu.

Yekile 18:2

Ɔvale ɛnelɛ kpole ɔhanle kɛ, “Yebɔ! Suakpole Babelɔn ɛbɔ bɔkɔɔ! Yeyɛ suadu, ɛnɛ sunsum ɛtane nee mbɔnsam a wɔ zolɛ a, yɛɛ nloma ɛtane anwo kpokpɔtɔɔ a wɔ zolɛ a.

Yekile 18:23

Bɛnrɛzɔ kɛnlaneɛ wɔ zolɛ bieko ɛlɛ, yɛɛ bɛnrɛde atɔfolɛ nee ɔ hu bɛ ne wɔ zolɛ. Wɔ gualilɛma a ɛnee le menli mgbole wɔ ewiade a, na ɔvale ngonyia ɔbɛlɛbɛlale menli mɔɔ wɔ ewiade la amuala.

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

Yekile 2:11

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la, ewule ne mɔɔ tɔ zolɛ nwiɔ la bakpa ɔ ti.

Yekile 2:17

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.

Yekile 2:29

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 20:10

Na bɛvuandinle Abɔnsam ne mɔɔ rabɛlɛbɛlale bɛ la bɛdole sendɔlɔra nee sɔlefa tandane ne mɔɔ bɛguale nane ne nee ye kpɔmanvolɛ alane ne nu la anu; na bɛbahile bɛ nyane alehyenlɛ nee aledwolɛ mekɛ mɔɔ ɛnlɛ awieleɛ.

Yekile 20:8

na ɔbahɔ yeahɔbɛlɛbɛla maanle maanle mɔɔ wɔ aleɛabo la amuala, meka Gɔgo nee Magɔgo, na ɔ nee bɛ ahɔ konle. Bɛ somaa bayɛ kɛ ɛnweazo anwea.

Yekile 3:13

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.

Yekile 3:22

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.”

Yekile 3:6

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.

Yekile 9:20

Aleɛabo amra mɔɔ hale, mɔɔ ewule ɛhye angu bɛ la, annu bɛ nwo, angyakyi bɛ ɛbɛla ɛtane ne mɔ mɔɔ bɛbɔ la. Bɛangyakyi awozonle ɛzonlenlɛ nee mmonle mɔɔ bɛva ezukoa nvutuke, dwɛtɛ fufule, ayera, bolɛ, nee baka a bɛyɛ, mɔɔ bɛnnwu debie, bɛnde edwɛkɛ na bɛadia la ɛzɔlɛ.