1 Tem 3:7 - BAEBOLO ANZƐƐ BULUKU NWUANZANWUANZA

⁷ Ɔwɔ kɛ ɔyɛ sonla mɔɔ bɛdabɛ mɔɔ bɛngɔ asɔne la di ye eni, amaa yeangua ɔ nyunlu aze, yeangɔndɔ Abɔnsam ɛhane nu.

1 Tem 3:7 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 4:11

Ɔbuale bɛ kɛ, “Bɛmɛ, Nyamenle ɛla ye belemgbunlililɛ ne anwo edwɛkɛ ne mɔɔ vea la ali wienyi ɛhile bɛ, na bɛdabɛ mɔɔ bɛmbikye me la, bɛte ye wɔ mrɛlɛ nu,

Ɛzoanvolɛma Gyima ne 10:22

Bɛbuale ye kɛ, “Safohyenle Kɔnileɛse a ɛzoa yɛ a. Ɔle sonlakpalɛ somaa, ɔsulo Nyamenle, yɛɛ Dwuuma amuala bu ye bie kpalɛ. Ɛkenle Nyamenle soanvolɛ bie zele ye kɛ ɔrava wɔ ɔhɔ ye sua nu, na ɔdie mɔɔ ɛlɛ ye ɛka wɔahile ye la.”

Ɛzoanvolɛma Gyima ne 22:12

“Nrenya bie wɔ Dɛmasekɛse ɛkɛ, bɛfɛlɛ ye Ananayase, ɔdi mɛla ne azo kpalɛ, yɛɛ Dwuuma mɔɔ wɔ Dɛmasekɛse la amuala bu ye.

Ɛzoanvolɛma Gyima ne 6:3

Yemɔti, ayi mɔ, bɛnlea na bɛye bɛ nuhua nsuu mɔɔ menli bu bɛ, mɔɔ Sunsum Nwuanzanwuanza ne wɔ bɛ nwo zo na bɛze nrɛlɛbɛ la bɛmaa yɛ, na yɛva bɛ yɛzie zɛhae gyima ye anloa,

1 Kɔl 10:32

Bɛbɔ bɛ ɛbɛla ne mɔɔ bɛndenda Dwuuma anzɛɛ bɛdabɛ mɔɔ bɛnle Dwuuma la nee Nyamenle menli ne agyakɛ anu a.

1 Kɔl 5:12

Ɔnle me gyima kɛ menwɔbua bɛdabɛ mɔɔ bɛnle yɛ ekpunli ye anu la ndɛne. Nyamenle ɔdaye ɔbabua bɛ ndɛne. Na tɛ bɛmɛ mɔɔ bɛwɔ asɔne ne anu la a ɔwɔ kɛ bɛbua bɛ asɔnema ne mɔ ndɛne ɔ? Bɛye amumuyɛ sonla ɛhye bɛvi bɛ avinli.

2 Kɔl 6:3

Yɛmkpondɛ kɛ yɛtenda awie agyakɛ anu na awie anyia yɛ gyima ne anwo edwɛkɛ ɛtane aha.

2 Kɔl 8:21

Debie titile mɔɔ gyi yɛ nye zo la a le kɛ yɛkɛyɛ mɔɔ tenrɛ wɔ Nyamenle nee menli nyunlu la.

Kɔlɔ 4:5

Bɛdabɛ mɔɔ bɛnlɛ diedi la, bɛ nee bɛ ɛzia nrɛlɛbɛ nu, na bɛdendɛ bɛhile bɛ wɔ mekɛ biala mɔɔ bɛkɛnyia nuhua adenle la.

1 Tɛs 4:12

Saa bɛyɛ ye zɔhane na bɛanva bɛ rɛle bɛanzɔ awie a, bɛdabɛ mɔɔ bɛwɔ amozi na bɛnle diedima la kɛbu bɛ bie.

1 Tɛs 5:22

na bɛhyi ɛtane ngakyile biala.

1 Tem 3:6

Ɔnle kɛ ɔyɛ sonla mɔɔ rale asɔne ne anu la ɛtɛkyɛle a, anrɛɛ ɔkɛmemaa ɔ nwo zo ɔkɛmaa bɛkɛbua ye fɔlɛ kɛ bɛbua Abɔnsam la.

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.

1 Tem 6:9

Bɛdabɛ mɔɔ bɛkpondɛ bɛ nwo bɛanyia la tɔ ngyegyelɛ nu, na munzule atiakunluwɔzo mgbane mgbane mɔɔ sɛkye menli, minli bɛ bo zo la kye bɛ wɔ ye ɛhane nu.

2 Tem 2:26

Na saa bɛ nye zo tete bɛ a bɛanriandi bɛavi Abɔnsam mɔɔ hyele bɛ manle bɛkpole Nyamenle ɛhulolɛdeɛ ne la ɛhane ne anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:5

amaa bɛanwu nrɛlɛbɛ, bɛazie bɛ nwo diinyi, bɛayɛ atiakunlukɛnlɛma, bɛ nwo ade saanwu, na bɛayɛ yelɛma kpalɛ mɔɔ tie bɛ hu mɔ ane a, amaa awie anga Nyamenle edwɛkɛ ne anwo edwɛkɛ ɛtane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:8

Fa ɛdendɛlɛ kpalɛ mɔɔ menli ɛnrɛha nwolɛ edwɛkɛ la kilehile, amaa wɔ agbɔvolɛ asa aha bɛ gye nu, na bɛannyia edwɛkɛ ɛtane bɛanga wɔ yɛ nwo.

3 Dw 1:12

Awie biala ka Dimiteleɛse anwo edwɛkɛ kpalɛ; nɔhalɛ ne ɔdaye ɔka ɔ nwo edwɛkɛ kpalɛ, na medame noko medi ɔ nwo daselɛ, yɛɛ ɛze noko kɛ mɔɔ meka la le nɔhalɛ.

1 Sam 2:24

Me mra, kyɛkyɛ, bɛgyakyi nyɛleɛ ɛhye. Ɔle munzule ɛbɛla, ɔle dumanzɛkyelɛ mɔɔ Ɛdɛnkɛma menli ne ɛlɛbɔ ye nolo wɔ bɛ avinli a.