1 Tem 3:6 - BAEBOLO ANZƐƐ BULUKU NWUANZANWUANZA

⁶ Ɔnle kɛ ɔyɛ sonla mɔɔ rale asɔne ne anu la ɛtɛkyɛle a, anrɛɛ ɔkɛmemaa ɔ nwo zo ɔkɛmaa bɛkɛbua ye fɔlɛ kɛ bɛbua Abɔnsam la.

1 Tem 3:6 ပူးပေါင်းရင်းမြစ်များ

2 Arl 14:10

Akee tie, Amazaya, kɛmɔ wɔli Yidɔmma anwo zo konim la ati yɛɛ ɛlɛtu ɛ nloa anu a. Maa ɛ kunlu ɛdwo ɛ nyunlu mɔɔ wɔnyia ye la anwo na tɛnla wɔ ɛleka bie. Duzu ati a ɛtwehwe munzule wɔamaa ɛ nwo nee wɔ menli ne ɛ?”

2 Edk 26:16

Akee mɔɔ ye tumi ne wiele kpole yɛ la, Ɛzaya memanle ɔ nwo zo na ɔzɛkyele ɔ nwo. Ɔbɔle adalɛ ɔhilele Ɛdɛnkɛma ye Nyamenle ne na ɔhɔwolole Ɛdɛnkɛma Ɛzonlenlɛ Sua ne anu kɛ ɔkakpu ɛyɛlɛ wɔ ɛyɛlɛ azukponle ne azo.

2 Edk 32:25

Noko kɛmɔ ɛnee mgbanyizonle ɛmaa Hɛzikaya andɛba ɛmemaa zolɛ la ati, yeanyɛ Nyamenle mo wɔ nyele ɛhye anwo. Yemɔti Nyamenle ɛya ne rale ɔdaye, Gyɛlusalɛmma, yɛɛ Dwudama amuala anwo zo.

Mrɛlɛbulɛ Buluku ne 18:12

Sonla mɔɔ memaa ɔ nwo zo la sɛkye ɔ nwo, na mɔɔ bɛlɛ ɔ nwo aze la, bɛdi ye eni.

Mrɛlɛbulɛ Buluku ne 29:23

Sonla mɔɔ tu ɔ nwo la adubɛnwo ne gua ɔ nyunlu aze, na mɔɔ le bɛlɛvo la banyia ɔ nyunlu.

Ayezaya Buluku ne 2:12

Ɔluakɛ Tumivolɛ Ɛdɛnkɛma lɛ ye mekɛ mɔɔ ɔbava ɔ nee bɛdabɛ mɔɔ bɛmemaa bɛ nwo zo bɛyɛ mgbolede, yɛɛ bɛdabɛ mɔɔ bɛlɛ tumi la bali yeaha bɛ aze fɛɛnye a.

Daneɛle Buluku ne 11:12

Ɔbali fɛlɛko kɛ yeli Selea ɛlɔnema pemgbenleamgbe ne anwo zo konim na yehu menli apenle apenle bulu bulu a, noko ye konimlilɛ ne ɛnrɛhyɛ.

Edwɛkpa ne kɛmɔ Luku hɛlɛle la 10:18

Gyisɛse buale bɛ kɛ, “Menwunle kɛ Seetan vi anwuma kɛ ɛsɛlɛmanye la ɛrade aze.

1 Kɔl 3:1

Mediema, edwɛkɛ nɔhalɛ, meangola meandendɛ meangile bɛ kɛ menli mɔɔ ɛnyia Nyamenle Sunsum ne la; mendendɛle mengilele bɛ kɛ ewiade ɛhye anu amra, kɛ bɛle mbɛda wɔ Kelaese diedi ne anu.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

Mɛla 17:20

Ɛhye bazi ye adenle amaa yeammemaa ɔ nwo zo yeangile ɔ mediema ne mɔ. Eza ɔnrɛmaa ɔnrɛvi mɛla ne nee ngyehyɛlɛ ne mɔ anwo ɔnrɛhɔ fema zo anzɛɛ bɛne zo, na ɔdaye nee ɔ mra bɛali belemgbunli wɔ Yizilayɛ bɛahyɛ.

Mɛla 8:14

anrɛɛ bɛnlea boɛ na bɛammemaa bɛ nwo zo, bɛammaa bɛ rɛle anvi Ɛdɛnkɛma bɛ Nyamenle ne mɔɔ yele bɛ wɔ akɛlɛzonlenlɛ nu vile Yigyibiti azɛlɛ zo rale la.

1 Tem 3:7

Ɔwɔ kɛ ɔyɛ sonla mɔɔ bɛdabɛ mɔɔ bɛngɔ asɔne la di ye eni, amaa yeangua ɔ nyunlu aze, yeangɔndɔ Abɔnsam ɛhane nu.

1 Tem 6:4

memaa ɔ nwo zo ala na ɔnze debie biala. Kpolerazulɛ nee edwɛkɛ kpɔkɛ nwo butulelilɛ ɛyɛ ye subane; na ɛhye noko nee nungunlehwenlɛ, manzonle, aholoba ɛbɔlɛ nee menli nwo adwenle ɛtane ɛvalɛ a lua a.

2 Tem 3:4

bɛbaye bɛ gɔnwo mɔ bɛamaa, bɛbayɛ mgbaha na bɛ ti anu ayɛ bɛ fɛ; bɛbahulo anyelielɛ bɛadɛla Nyamenle,

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”

2 Pit 2:4

Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

Dwuudu Kɛlata ne 1:6

Bɛhakye kɛ Nyamenle soanvolɛma ne mɔ mɔɔ bɛangola bɛanzie bɛ ti ɛleka ko, na bɛkpole bɛ gyinlabelɛ kpalɛ ne la, Nyamenle ɛgua bɛ nwɔnzɔnwɔnzɔ mɔɔ bɛnzianyi bɛ ɛlɛ la wɔ awozinli kabikabi ne anu lɔ kɛ bɛhendɛ Ndɛnebualɛ Kenle kpole ne.