1 Tem 3:3 - BAEBOLO ANZƐƐ BULUKU NWUANZANWUANZA

³ ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 3:3 ပူးပေါင်းရင်းမြစ်များ

Mrɛlɛbulɛ Buluku ne 1:19

Bɛdabɛ mɔɔ bɛfa menli ɛhunlɛ bɛkpondɛ anwonyia la adenle kɛ de la ɛne; bɛdabɛ bɛ ngome bɛ kɔdiawu anwonyia ne pɛ ɔ nwo ku bɛ.

Mrɛlɛbulɛ Buluku ne 15:27

Sonla mɔɔ anye sɔ kpondɛ nvasoɛ amile nu la twehwe edwɛkɛ maa ye sua nu amra, na mɔɔ kyi ndoloboa la lɛ ngoane.

Nolo 7:8

Debie biala awieleɛ le kpalɛ tɛla ye mɔlebɛbo; yɛɛ abotanezilɛ le kpalɛ tɛla mgbanyizonleyɛlɛ.

Ayezaya Buluku ne 28:1

Munzule ɛha Yizilayɛ suakpole kɛnlɛma ne mɔɔ nzabovoma ɛyi ye tɛkɛɛ la! Munzule ɛha ye, ye anyunlunyia ɛlɛkpa kɛ ndotolo abɔtile mɔɔ bobɔ menli mɔɔ nza ɛgya bɛ la ati wɔ anwonyia bɔnza nu la.

Ayezaya Buluku ne 28:7

Menli ɛhye mɔ noko no nwanye bo yɛɛ bɛno nza ɛsesebɛ bɛtinda. Sɛlɛvolɛma nee Nyamenle kpɔmanvolɛma no nza ɛsesebɛ tinda. Nwanye maa bɛ adwenle ka bɔ nu yɛɛ nza ɛsesebɛ maa bɛtinda. Bɛfo wɔ bɛ ɛnyelɛzodeɛnwunlɛ nu, yɛɛ bɛmbua ndɛne fɔɔnwo.

Gyɛlɛmaya Buluku ne 6:13

Ɔluakɛ ngakula nee mgbanyinli kɔsɔɔti ɛva ɛzie bɛ nyunlu kɛ bɛkpondɛ ezukoa awule nu. Nyamenle kpɔmanvolɛma nee sɛlɛvolɛma amuala sisi menli ne.

Gyɛlɛmaya Buluku ne 8:10

Yemɔti mebava bɛ ye mɔ meamaa mrenya fofolɛ, na meava bɛ egyinli ne mɔ meamaa menli mɔɔ bali bɛ nwo zo konim la, ɔluakɛ bɛ mgbanyinli nee bɛ ngakula kɔsɔɔti ɛlɛkpondɛ ezukoa anyebolo nu. Ɔvi Nyamenle kpɔmanvolɛma anwo zo mɔɔ badwu sɛlɛvolɛma anwo zo la, biala ɛnli nɔhalɛ.

Yizikeɛle Buluku ne 44:21

Ɔnle kɛ sɛlɛvolɛ biala no nza na yeahɔwolo Ɛzonlenlɛ Sua ne akunlu lɔ.

Sɛlɛ 10:9

“Mmano nza nwanye anzɛɛ nza ɛsesebɛ. Ɛdawɔ o, anzɛɛ ɛ mra mrenya ne mɔ o, bɛmmano nza kolaa na bɛahɔ Ɛdɛnkɛma Ndanlɛ Sua ne anu, anrɛɛ bɛkɛwu. Ɛhye bayɛ mɛla ala ɛkɛ dahuu amaa wɔ awolɛndoazo kɔsɔɔti.

Maeka Buluku ne 2:11

Saa awie duolua nuhua aheha mgbane mgbane, abɔ adalɛ kɛ, “Mebabɔ nwanye nee nza ɛsesebɛ nwo nolo meahile bɛ” a, anrɛɛ yemɔ a ɔkɛyɛ nolobɔvo kpalɛ ɔkɛmaa menli ɛhye mɔ a.

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Maeka Buluku ne 3:5

Nyamenle kpɔmanvolɛma bɛlɛbɛla Nyamenle menli ne minli bɛ. Saa bɛnyia ye bɛdi a ɛnee bɛse, “Anzonudwolɛ!” Awie mɔɔ annyia bie ammaa bɛ la ɛnee bɛzo konle bɛdoa ye. Yemɔti kɛ Ɛdɛnkɛma se la ɛne,

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Edwɛkpa ne kɛmɔ Mateyu hɛlɛle la 21:13

na ɔzele bɛ kɛ, “Bɛhɛlɛ ye wɔ Nyamenle Edwɛkɛ ne anu kɛ: Nyamenle se, ‘Bɛbavɛlɛ me Ɛzonlenlɛ Sua ne nzɛlɛlɛ sua.’ Na bɛmɛ, bɛyɛ ye awulema fealeka!”

Ɛzoanvolɛma Gyima ne 20:33

Me nye ambolo awie biala ezukoa nvutuke, dwɛtɛ fufule anzɛɛ ndanlɛ.

Wulo 16:18

Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

1 Tɛs 5:14

Yɛkakye bɛ, bɛbɔ mɔɔ le mgbovonle la kɔkɔ, bɛzi mɔɔ le foanvoanle la ahonle, bɛboa mɔɔ ɛnlɛ anwosesebɛ la, na bɛnyia biala anwo abotane.

1 Tem 3:8

Zɔhane ala yɛɛ ɔwɔ kɛ asɔne nu boavolɛma yɛ menli mɔɔ lɛ subane kpalɛ na bɛdi nɔhalɛ a; ɔnle kɛ bɛyɛ nzama anzɛɛ bɛyɛ ezukoa nwo anyebolo.

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:11

Ɔwɔ kɛ ɛtua bɛ, ɔboalekɛ ɔlua ezukoakpondɛlɛ ti bɛlɛkilehile mɔɔ ɔnle kɛ bɛkilehile la, na bɛlɛsɛkye mbusua dɔɔnwo bɛabɔ bɛ awuke.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7

Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:2

Ka kile bɛ kɛ bɛmmaka awie anwo edwɛkɛ ɛtane anzɛɛ bɛmmadi butule, na bɛva anzonudwolɛ nee agɔnwolɛyɛlɛ bɛdɛnla na bɛli awie biala eni.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”

Gyemise Kɛlata ne 4:1

Duzu a twehwe konle ba a, yɛɛ duzu a fa butule ba bɛ avinli a? Asoo tɛ bɛdabɛ bɛ angomedi atiakunluwɔzo ne mɔ a dahuu nee bɛ ko bɛ nuhua la?

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

1 Sam 8:3

Noko bɛanva bɛ ze agyakɛ. Bɛ nye bolole ezukoa, bɛliele ndoloboa na bɛbule bɛ nye bɛguale pɛlepɛlelilɛ zo.