1 Tem 3:2 - BAEBOLO ANZƐƐ BULUKU NWUANZANWUANZA

² Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Tem 3:2 ပူးပေါင်းရင်းမြစ်များ

Ayezaya Buluku ne 56:10

Ɔse, “Me sinzavolɛma ne anye ɛzi, bɛ biala ɛnlɛ adwenle; bɛle ahwea mumule, bɛngola kpo bɔbɔ; mɔɔ bɛze ye yɛ la a le nafelɛ mgbole nee ɛlalɛ mgbole ɛhanlɛ.

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Edwɛkpa ne kɛmɔ Luku hɛlɛle la 2:36

Nyamenle kpɔmanvolɛ raalɛ bie noko wɔ ɛkɛ ne, bɛfɛlɛ ye Ana. Raalɛ ɛhye, bɛfɛlɛ ɔ ze Fanuwɛle, ɔvi Ahya abusua nu. Raalɛ ɛhye hɔle agyalɛ la ye ɛvolɛ nsuu ne azo yɛɛ ɔ hu wule a, na kɛkala yeyɛ kpanyinli kpalɛ, na yeyɛ kunlanvolɛ ɛvolɛ abulatwɛ nee nna. Ɔ gyakɛ amkpa Ɛzonlenlɛ Sua ne anu ɛlɛ; dahuu ɔvale ɛhɔnehyelɛ nee nzɛlɛlɛ ɔzonlenle ye Nyamenle nɔɔzo nee ewiazo.

Wulo 12:13

Bɛmaa bɛ sa ɛdwu mediema Kelaese ɛdoavolɛma mɔɔ ɛhyia la anwo zo, na bɛlie nyɛvolɛ wɔ bɛ azua nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

1 Tem 3:12

Sonla mɔɔ le asɔne nu boavolɛ la ɔwɔ kɛ gya raalɛ ko, na ɔkola ɔ mra nwo zo nee ye awuke zo nea kpalɛ.

1 Tem 3:8

Zɔhane ala yɛɛ ɔwɔ kɛ asɔne nu boavolɛma yɛ menli mɔɔ lɛ subane kpalɛ na bɛdi nɔhalɛ a; ɔnle kɛ bɛyɛ nzama anzɛɛ bɛyɛ ezukoa nwo anyebolo.

1 Tem 4:3

Zɛhae menli ne kilehile kɛ ɔnle kpalɛ kɛ menli kɛgya bɛ nwo, yɛɛ ɔnle kɛ bɛdi aleɛ bie mɔ. Noko Nyamenle bɔle aleɛ kɛ bɛdabɛ mɔɔ bɛdie bɛdi na bɛnwu nɔhalɛ ne la ɛva moyɛlɛ nzɛlɛlɛ ɛli.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

1 Tem 5:22

Mmapele ndɛ ɛfa ɛ sa ɛgua awie biala ati zo kɛ ɔrayɛ Awulae gyima. Mmafa ɛ nwo ɛdielie awie mɔ nyɛleɛ ɛtane ɛtane nu; nea maa ɛ nwo ɛde.

1 Tem 5:9

Mmakɛlɛ kunlanvolɛ biala duma ɛboka ahunlanvolɛ ne mɔ anwo kyesɛ yeli ɛvolɛ abulasia nee ɔ nzi, na eza ɔhɔle agyalɛ ko ala,

2 Tem 2:24

Ɔnle kɛ Awulae sonvolɛ biala di butule. Ɔwɔ kɛ ɔyɛ atiakunlukɛnlɛma ɔmaa awie biala, na ɔyɛ kilehilevolɛ kpalɛ mɔɔ lɛ abotane a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:2

Kilehile mrenya mgbanyinli ne mɔ maa bɛyɛ bɛ nye gyɛlɛmgbɛɛnye, bɛdwenle, bɛzie bɛ nwo diinyi, bɛmaa bɛ diedi ɛyɛ nla, na bɛnyia ɛhulolɛ nee abotane.

Kɛlata mɔɔ bɛhɛlɛle bɛhɔmanle Hibuluma la 13:2

Bɛhakye kɛ bɛkɛlie nyɛvolɛ wɔ bɛ azua nu. Bie mɔ ɛyɛ bie zɔhane na bɛlie Nyamenle soanvolɛma wɔ bɛ azua nu mɔɔ bɛnze a.

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

1 Pit 4:9

Bɛmaa adenle bɛmaa bɛ mediema Kelaese ɛdoavolɛma ɛwolo bɛ mɔɔ adendɛbɛnzoabo biala ɛnle nu a.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.