1 Tem 3:16 - BAEBOLO ANZƐƐ BULUKU NWUANZANWUANZA

¹⁶ Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

1 Tem 3:16 ပူးပေါင်းရင်းမြစ်များ

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Mateyu hɛlɛle la 28:2

Kenle ko ne nɔe ne, azɛlɛ kpusule kpole bie, ɔluakɛ Awulae soanvolɛ dwule aze rahundole bolɛ ne wɔ nla ne anloa na ɔdɛnlanle zolɛ.

Edwɛkpa ne kɛmɔ Mateyu hɛlɛle la 3:16

Mɔɔ bɛzɔnenle Gyisɛse bɛwiele la, ɔvi azule ne anu ɔvole file zo ndɛndɛ ne ala. Anwuma bukele na ɔnwunle kɛ Nyamenle Sunsum ne ɛlɛdwu kɛ abubule la na ɔrazinzele ɔ nwo zo.

Edwɛkpa ne kɛmɔ Mateyu hɛlɛle la 4:11

Abɔnsam akee gyakyile Gyisɛse hɔle, na nea, Nyamenle soanvolɛma raboale ye.

Edwɛkpa ne kɛmɔ Maake hɛlɛle la 1:13

Ɔlile kenle abulanla wɔ ɛkɛ ne, na Seetan zɔle ye nleanle. Ɔ nee ɛbɔ nu nanemgbole dɛnlanle, na Nyamenle soanvolɛma raboale ye.

Edwɛkpa ne kɛmɔ Maake hɛlɛle la 16:19

Awulae Gyisɛse nee ye ɛdoavolɛma ne dendɛle wiele la, bɛvale ye bɛhɔle anwuma na ɔhɔdɛnlanle Nyamenle asa fema zo.

Edwɛkpa ne kɛmɔ Maake hɛlɛle la 16:5

Bɛwolole nla ne anu na bɛnwunle kɛ kpavolɛ bie wula tɛladeɛ fufule de fema zo ɛkɛ ne, na bɛ ahonle dule.

Edwɛkpa ne kɛmɔ Luku hɛlɛle la 2:32

Ɔle wienyi mɔɔ baye wɔ ɛhulolɛdeɛ ne yeahile menli mɔɔ ɛnle Dwuuma la, na yeava anyunlunyia yearɛlɛ wɔ menli Yizilayɛma.”

Edwɛkpa ne kɛmɔ Luku hɛlɛle la 20:44

Saa Devidi vɛlɛle ye ‘Awulae’ a, ɛnee kɛ ɔsi mɔɔ Mɛzaya ne yɛ ye anlɔnra ɛ?”

Edwɛkpa ne kɛmɔ Luku hɛlɛle la 22:43

Nyamenle soanvolɛma vi anwuma rale na bɛramanle ye anwosesebɛ.

Edwɛkpa ne kɛmɔ Luku hɛlɛle la 24:4

Bɛ adwenle yɛle bɛ kpomgbondee, na arɛlevilɛ nu ala mrenya nwiɔ mɔɔ wula adɛladeɛ nwohyee la ragyinlanle bɛ nwo ɛkɛ ne.

Edwɛkpa ne kɛmɔ Luku hɛlɛle la 24:51

Mɔɔ ɔyila bɛ la, ɔdele ɔ nwo ɔvile bɛ nwo [na bɛvale ye bɛhɔle anwuma.]

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 13:3

Gyisɛse ze kɛ Selɛ ne ɛmaa ye tumi bɔkɔɔ; ɔze kɛ ɔdaye Gyisɛse, ɔvi Nyamenle anwo lɔ a ɔrale a na eza ɔbazia yeahɔ Nyamenle anwo lɔ.

Dw 15:26

“Boavolɛ ne mɔɔ le Sunsum ne, mɔɔ ye nɔhalɛ ne mɔɔ fane Nyamenle anwo la finde, na ɔvi Selɛ ne ɛkɛ ne la bara. Mebazoa ye wɔ bɛ nwo meamaa ɔvi Selɛ ne ɛkɛ yearaha me nwo edwɛkɛ yeahile bɛ.

Dw 16:28

Mevi Selɛ ne anwo lɔ a membale ewiade a; yɛɛ kɛkala melɛfi ewiade meahɔ Selɛ ne anwo lɔ.”

Dw 17:5

Egya, fa me anyunlunyia maa me, anyunlunyia ne mɔɔ bɛkabɔ ewiade ye la ɛnee melɛ ye la, fa maa me wɔ ɛ nyunlu ɛke kɛkala.

Dw 20:12

Na ɔnwunle Nyamenle soanvolɛma nwiɔ mɔɔ wula adɛladeɛ fufule la kɛ bɛde ɛleka mɔɔ anrɛɛ Gyisɛse funli ne la la, ko de ɔ ti sɔlɔ yɛɛ ko de ɔ gyakɛ anu.

Dw 6:62

Na saa akee bɛnwu Sonla Ra ne kɛ ɔlɛkɔ anwuma, ɛleka mɔɔ ɔvi ɔrale la ɛ?

Ɛzoanvolɛma Gyima ne 1:19

Awie biala mɔɔ de Gyɛlusalɛm la dele ɛhye. Yemɔti bɛvɛlɛle azɛlɛ ne wɔ Hibulu aneɛ nu “Akɛledɛma.” Ɔ bo a le “Mogya azɛlɛ.”)

Ɛzoanvolɛma Gyima ne 10:34

Na Pita zele bɛ kɛ, “Nɔhalɛ, menwu ye wienyi kɛ Nyamenle bu menli kɔsɔɔti kɛ bɛsɛ.

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Wulo 10:18

Na mebiza kɛ, asoo ɔle nɔhalɛ kɛ bɛtɛtele Edwɛkpa ne? Bɛde ye bɔkɔɔ, ɔluakɛ Nyamenle Edwɛkɛ ne se, “Bɛ ne ɛdwu ewiade muleɛ muala azo; bɛ edwɛkɛ ɛdwu azɛlɛ ye kodoka biala anu.”

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 3:4

Kyɛkyɛ, ɔnle zɔhane fee. Saa menli ɛnli nɔhalɛ bɔbɔ a Nyamenle bahɔ zolɛ ali nɔhalɛ dahuu. Nyamenle Edwɛkɛ ne se, “Ɔwɔ kɛ bɛkile wɔ bɛmaa ɛka nɔhalɛ; na bɛdi wɔ edwɛkɛ a wɔali benle.”

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

Wulo 9:5

Bɛ bo vi Hibulu abusua mgbole ne mɔ anu, yɛɛ Kelaese ne bayɛ sonla la, ɔvi bɛ nu. Ayɛlɛyelɛ ɛha Nyamenle mɔɔ di ɔ muala azo belemgbunli la dahuu. Amen.

1 Kɔl 15:47

Ndɛtɛlɛ a Nyamenle vale bɔle sonla ne mɔɔ lumua la a, na sonla ne mɔɔ tɔ zolɛ nwiɔ la vi anwuma a rale a.

1 Kɔl 2:7

Nrɛlɛbɛ ne mɔɔ yɛbɔ ye nolo la le Nyamenle nrɛlɛbɛ mɔɔ vea na menli ɛnze a. Nyamenle vale ziele yɛ ɛkɛ dɛba kolaa na yeabɔ ewiade ye kɛ ɔbava yeade yɛ nyunlu.

2 Kɔl 1:19

Ɔluakɛ Gyisɛse Kelaese mɔɔ le Nyamenle Ara ne, mɔɔ me nee Seleveenɛse nee Temɔte yɛbɔle ɔ nwo edwɛkɛ ne nolo yɛhilele bɛ la, ɛnle “Ɛhɛe” nee “Kyɛkyɛ” sonla. Ɔle Nyamenle nu “Ɛhɛe”;

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:8

Bɛnwunle ye wienyi kɛ Nyamenle ko ne ala mɔɔ manle Pita rayɛle ɛzoanvolɛ wɔ Dwuuma ati la, ye ko ne ala yɛɛ ɛyɛ me ye ɛzoanvolɛ ɛmaa bɛdabɛ mɔɔ bɛnle Dwuuma la a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:19

na bɛzɛlɛ bɛmaa medame noko kɛ saa menyia nwo mebadendɛ a, Nyamenle kɛmaa me edwɛkɛ mɔɔ mebaha la, amaa meahola meadendɛ akɛnrasesebɛ zo meabɔ mɔɔ vea Edwɛkpa ne anu la nolo.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 1:6

Edwɛkpa ne ɛlɛso ma yɛɛ ɔlɛnyi wɔ ewiade ɛleka kɔsɔɔti, kɛmɔ ɔzile la pɛpɛ wɔ bɛ nuhua wɔ mekɛ mɔɔ bɛlumuale bɛdele Nyamenle ɛlolɛ ɛhye anwo edwɛkɛ ne na bɛdele ɔ bo bɛnwunle ye deɛ holɛ la.

Kɔlɔ 2:2

Meka ɛhye meamaa bɛ akɛnrazilɛ na bɛali ahua wɔ ɛhulolɛ nu, amaa bɛanyia diedi nu anwonyia ne mɔɔ ndelebɛbo kpalɛ fa maa la. Zɛhae adenle zo yɛɛ bɛlua a bɛkɛnwu deɛ ne mɔɔ Nyamenle ɛva ɛvea la a; deɛ ne mɔɔ Nyamenle ɛva ɛvea la a le Kelaese ɔdaye mumua ne.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

2 Tɛs 2:7

Kɛkala, menli somaa ɛlɛyɛ ninyɛndane atia mɔɔ Nyamenle ɛhyehyɛ la, noko mɔɔ bazi la ɛnrɛzi kɔkpula mekɛ mɔɔ bɛkɛye ahenle ne mɔɔ si ye aze la ɛkɛ ne la,

1 Tem 3:9

Ɔwɔ kɛ bɛfa adwenle mɔɔ anu te la bɛsɔ diedi ne mɔɔ bɛye bɛhile bɛ la anu nɔhalɛ nu.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 7:7

Kpolerazulɛ biala ɛnle nwo kɛ mɔɔ maa nyilalɛ la le kpole tɛla mɔɔ die nyilalɛ ne la.

Kɛlata mɔɔ bɛhɛlɛle bɛhɔmanle Hibuluma la 8:1

Mɔɔ yɛlɛka la amuala, saa yɛbɔ ye kpɔkɛ ko a, yemɔ a le ɛhye: yɛlɛ Sɛlɛvolɛ Kpanyinli zɛhae, mɔɔ de Nyamenle Bedevinli ne Belemgbunli Ebia ne fema zo wɔ anwuma.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

1 Pit 1:20

Nyamenle vale ye ziele ɛkɛ dɛba kolaa na bɛabɔ ewiade, yɛɛ bɛmɛ bɛ ti bɛye ye bɛhile wɔ mekɛ ye mɔɔ li amozi la anu a.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.

1 Dw 1:2

Ngoane Edwɛkɛ ɛhye lale ɔ nwo ali na yɛnwunle ye; zɔhane ati yɛdi nwolɛ daselɛ na yɛka ngoane ne mɔɔ ɛnlɛ awieleɛ mɔɔ nee Selɛ ne a wɔ ɛkɛ na ɔyele ɔhilele yɛ la anwo edwɛkɛ.

1 Dw 3:5

Bɛze kɛ Kelaese rale amaa yeaye ɛtane ne mɔ yeavi ɛkɛ. Yemɔ, ɛtane biala ɛnle ye nu.

1 Dw 3:8

Na awie biala mɔɔ yɛ ɛtane la le Abɔnsam ɛdeɛ, ɔluakɛ mɔlebɛbo ne Abɔnsam a lumuale yɛle ɛtane a. Deɛ mɔɔ yemɔti Nyamenle Ara ne rale la a le kɛ ɔbazɛkye Abɔnsam gyima biala mɔɔ yeli la.

Yekile 17:5

Bɛhɛlɛ duma bie mɔɔ ye ndelebɛbo vea la bɛgua ɔ nwoma azo. Yemɔ a le, “Babelɔn mɔɔ ɛlie duma, tuutuuma bɛ nli nee ewiade bɛkyi ninyɛndane.”

Yekile 17:7

Nyamenle soanvolɛ ne bizale me kɛ, “Duzu ati a ɛhye ɛzi ɛ nwo ɛ? Mebahile wɔ raalɛ ne, nee nane ati nsuu ne mɔɔ lɛ mɛne bulu ne mɔɔ ɔde zolɛ la abo.

Yekile 7:9

Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.