1 Tem 3:11 - BAEBOLO ANZƐƐ BULUKU NWUANZANWUANZA

¹¹ Zɔhane ala yɛɛ bɛ ye mɔ noko ɔwɔ kɛ yɛ mraalɛ mɔɔ bɛ nye gyi bɛ ti anwo na bɛdi nɔhalɛ wɔ debie biala anu a.

1 Tem 3:11 ပူးပေါင်းရင်းမြစ်များ

Edwɛndolɛ Buluku ne 101:5

Awie biala mɔɔ fea sɛkye ɔ gɔnwo duma la, mebazɛkye ye. Sonla mɔɔ tu ɔ nwo, ɔbu ɔ nwo la, menrɛkponle ye.

Edwɛndolɛ Buluku ne 15:3

sonla zɔhane ɛmbɔ awie mɔ anwo nzekue, ɔnyɛ ɔ gɔnwo mɔ ɛtane yɛɛ ɔnzɛkye ɔ gɔnwo duma.

Edwɛndolɛ Buluku ne 50:20

Bɛtɛnla bɛye bɛ mediema mrenya ndɛne; bɛbɔ bɛdabɛ bɛ nli amra mrenya anwo nzekue.

Mrɛlɛbulɛ Buluku ne 10:18

Sonla biala mɔɔ fea ɛkpɔlɛ zo la le adalɛ, yɛɛ mɔɔ le ngunzi la le koasea.

Mrɛlɛbulɛ Buluku ne 25:13

Soanvolɛ mɔɔ di nɔhalɛ la le kɛ ɛbuhenle nu nzule yɔlɔkɔkɔ; ɔnua ɔ menle ne mɔɔ soa ye la ahonle.

Gyɛlɛmaya Buluku ne 9:4

Awie biala ɛnlea ɔ gɔnwo boɛ, ɔmmafa ɔ rɛle ɔwula ɔ diema biala nu, ɔluakɛ adiema biala le mɛlɛbɛla sonla, agɔnwolɛ biala yɛ ɔ gɔnwo anwo asiayɛ.

Yizikeɛle Buluku ne 44:22

Ɔnle kɛ sɛlɛvolɛ gya kunlanvolɛ anzɛɛ raalɛ mɔɔ ɛbɔ ewole la. Ɔwɔ kɛ sɛlɛvolɛ biala gya raalɛ mɔɔ ɛnze nrenya fee na ɔle Yizilayɛnli la anzɛɛ kunlanvolɛ raalɛ mɔɔ ɛnee ɔ hu le sɛlɛvolɛ la.

Sɛlɛ 21:7

Ɔnle kɛ bɛgya raalɛ tuutuunli anzɛɛ raalɛ mɔɔ awie ɛva ye ɛlɛ la. Eza ɔnle kɛ bɛgya raalɛ mɔɔ ɔ hu ɛbɔ ye ewole la, ɔluakɛ sɛlɛvolɛ biala anwo te maa ye Nyamenle ne.

Edwɛkpa ne kɛmɔ Mateyu hɛlɛle la 4:1

Akee Sunsum ne vale Gyisɛse hɔle fienemgbole ne anu kɛ abɔnsam ɛzɔ ye ɛnlea.

Dw 6:70

Gyisɛse buale kɛ, “Bɛmɛ bulu nee nwiɔ ye, se memkpale nu menyele bɛ o? Noko bɛ nuhua ko le musuɔfoɔ!”

Wulo 1:29

Ninyɛne mɔɔ le kɛ amumuyɛ, asiayɛ, anyebolo, ngunzi, nungule, kɔdiawu, konle, adalɛ nee nwondomgbɔ la ɛyi bɛ tɛkɛɛ. Bɛye ndɛne,

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Tem 6:2

Ahanra mɔɔ bɛ menle mɔ le diedima la mmakpo kɛ bɛnrɛli bɛ menle mɔ eni, kɛmɔ bɛle bɛ mediema la ati. Ɔwɔ kɛ bɛsonle bɛ kpalɛ, ɔboalekɛ bɛ gyimayɛlɛ nwo nvasoɛ ne kɔ diedima mɔɔ bɛkulo bɛ edwɛkɛ la lɔ. Kilehile na bɔ ninyɛne ɛhye mɔ nolo.

2 Tem 3:3

bɛ ti bayɛ se, bɛnrɛze anwunvɔne, bɛbabɔ nzekue, bɛbali mgbonde, bɛbava ɛya mgbane mgbane na bɛahyi kpalɛ,

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:2

Ka kile bɛ kɛ bɛmmaka awie anwo edwɛkɛ ɛtane anzɛɛ bɛmmadi butule, na bɛva anzonudwolɛ nee agɔnwolɛyɛlɛ bɛdɛnla na bɛli awie biala eni.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.