1 Tem 2:9 - BAEBOLO ANZƐƐ BULUKU NWUANZANWUANZA

⁹ Eza mekpondɛ kɛ mraalɛ ne mɔ noko siezie bɛ nwo kɛnlɛma wɔ adenle mɔɔ kile kɛ bɛze deɛ na nyiane wɔ bɛ nye zo la azo; tɛ tileyɛlɛ mɔɔ bie ɛtɛbale ewiade ɛlɛ anzɛɛ avikpa nee mgbɔba mɔɔ bɛfa bɛayɛ bɛ nwo sɔɔnwo, bɛawula adɛladeɛ anzɛɛ bɛaheda ndanlɛ awolɛ ɛsesebɛ la yɛɛ melɛka a.

1 Tem 2:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:53

Akee ɔvale anwoneɛ mɔɔ bɛva dwɛtɛ fufule bɛyɛ yɛɛ anwoneɛ mɔɔ bɛva ezukoa nvutuke bɛyɛ la ɔmanle Relɛbɛka. Eza ɔmanle ye adɛladeɛ. Ɔvale ninyɛne mɔɔ sonle bolɛ la noko ɔmanle Leeban nee ɔ nli.

2 Arl 9:30

Gyihu rale Gyɛzɛlii. Ɛnee Gyɛzɛbɛle ɛde mɔɔ ɛzi la ati ɔdole ɔ nye anzi na ɔyɛle ɔ ti kɛnlɛma bie na ɔ nye gyi nvɛnzɛlɛ ne anu ɔlɛnea gua ne azo lɔ.

Ɛseta Buluku ne 5:1

Kenle nsa ne dwule la, Ɛseta wulale ye belemgbunli raalɛ tɛladeɛ ne na ɔhɔgyinlanle suakunlu ɛkɛ ne alie ne anwo, ɛleka mɔɔ nee belemgbunli asalo kpole ne anye bɔ zolɛ la. Mekɛ ne anu ɛnee belemgbunli ne de ye ebia nu wɔ ye sua ne anu, ɛleka mɔɔ nee suakunlu ɛkɛ ne anuhɔlɛ ne anye bɔ zolɛ la.

Edwɛndolɛ Buluku ne 149:4

Ɛdɛnkɛma anye die ye menli ne anwo; ɔmaa mɔɔ le bɛlɛvo la di konim.

Mrɛlɛbulɛ Buluku ne 31:22

Ɔnwo ɔdaye ye ɛkpa zo ndanlɛ, na ɔwula lenen adɛladeɛ nee adɛladeɛ ngɛnlɛma anye buluwu nee kɔkɔlɛ afonla.

Mrɛlɛbulɛ Buluku ne 31:25

Ɔ nwo yɛ se, yɛɛ bɛdi ye eni; ɔnzulo mekɛ mɔɔ bara la.

Mrɛlɛbulɛ Buluku ne 7:10

Na nea, raalɛ bie mɔɔ ɛheda ye ɛdanlɛ kɛ tuutuu, na yeyɛ ye adwenle kɛ ɔbɛlɛbɛla ye yeahwe ye yeahɔ la yiale ye.

Ayezaya Buluku ne 3:16

Ɛdɛnkɛma zele kɛ, “Kɛmɔ Gyɛlusalɛm mraalɛ memaa bɛ nwo zo, bɛtia a bɛtoto bɛ kɔme, bɛtwe bɛ nye anzi bɛkile mrenya, bɛbɔ bɛ gyakɛ aze bɛtia ahulomrenya nu la,

Ayezaya Buluku ne 61:4

Bɛbakyekye azuamgbole mɔɔ bɛzɛkye bɛ la, Bɛbasisi azua mɔɔ bɛgologolo bɛ la fofolɛ; Azuamgbole mɔɔ bɛzɛkyele bɛ mɔmoane mɔmoane la, Bɛbakyekye bɛ muala fofolɛ.

Gyɛlɛmaya Buluku ne 2:32

Asoo bɛlɛra arɛle fi ye anwoneɛ? Asoo atɔfolɛ raalɛ arɛle fi ye atɔfolɛ ndanlɛ? Noko me menli ne arɛle ɛvi me mekɛ dɔɔnwo mɔɔ bɛngola ye tia a.

Gyɛlɛmaya Buluku ne 4:30

O Gyɛlusalɛm, wɔdɔ mgbane! Duzu ati a ɛheda arelemgbunli ɛdanlɛ kɔkɔlɛ ɛ? Duzu ati a ɛfa ezukoa nvutuke anwoneɛ ɛsiezie ɛ nwo, na ɛto ɛ nye anzi ɛ? Ɛlɛsiezie ɛ nwo mgbane! Wɔ kulovolɛma ɛkpo wɔ; bɛlɛkpondɛ wɔ bɛahu wɔ.

Edwɛkpa ne kɛmɔ Mateyu hɛlɛle la 11:8

Na duzu a bɛhɔle ye ɛnleanlɛ a? Awie mɔɔ heda ɛdakpa la ɔ? Bɛdabɛ mɔɔ bɛheda ɛdakpa la dede arelemgbunli azua nu.

1 Tem 2:10

Meka ɛbɛla kpalɛ ɛbɔlɛ mɔɔ fɛta mraalɛ mɔɔ sonle Nyamenle la.