1 Tem 2:5 - BAEBOLO ANZƐƐ BULUKU NWUANZANWUANZA

⁵ Nyamenle kokye a wɔ ɛkɛ a, yɛɛ pepɛdievolɛ kpɔdavolɛ ko a gyi Nyamenle nee sonla avinli a, yemɔ a le Kelaese Gyisɛse

1 Tem 2:5 ပူးပေါင်းရင်းမြစ်များ

Dwobu Buluku ne 9:33

Kpɔdavolɛ biala ɛngyi yɛ avinli, mɔɔ kɛkpɔda yɛ mu nwiɔ a.

Ayezaya Buluku ne 44:6

Ɛdɛnkɛma, Yizilayɛ Belemgbunli nee Kpɔnevolɛ, Tumivolɛ Ɛdɛnkɛma se, “Medame a mele mɔlebɛbo ne, yɛɛ medame a mele awieleɛ ne; ɛye me a nyamenle bieko ɛnle ɛkɛ.

Edwɛkpa ne kɛmɔ Mateyu hɛlɛle la 1:1

Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Luku hɛlɛle la 14:22

Yeangyɛ biala yɛɛ sonvolɛ ne ziale rale a na ɔrahanle ɔhilele ɔ menle ne kɛ, ‘Yɛmenle, mɔɔ ɛhanle la meyɛ ye zɔhane, noko ɛleka tɛbɔ ɛkɛ ne.’

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

Wulo 1:3

Edwɛkpa ɛhye fane ɔ Ra ne, mɔɔ le yɛ Awulae Gyisɛse Kelaese, mɔɔ saa nwonane nu a ɔle Devidi anlɔnra,

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

1 Kɔl 8:4

Zɔhane ati, mɔɔ fane aleɛ mɔɔ bɛva bɛzɔ amonle la ɛlilɛ nwo, yɛze kɛ amonle ɛnle debie biala, yɛɛ nyamenle biala ɛnle ɛkɛ ne kɛ Nyamenle kokye ne ala.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:20

Ɛwɔkɛ ne ɛdeɛ, ɔdaye Nyamenle mumua ne yɛɛ ɔbɔle a, yeanva yeanlua awie anwo zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:6

Nyamenle kokye mɔɔ le menli kɔsɔɔti yɛ Ze na ɔle abɔdeɛ muala bɛ Awulae na ɔyɛ gyima wɔ bɛ muala bɛ nu la a de bɛ muala bɛ nu a.

Mɛla 6:4

“Yizilayɛma, bɛdie, Ɛdɛnkɛma yɛ Nyamenle ne le Ɛdɛnkɛma kokye ala.

1 Tem 6:13

Megyi Nyamenle mɔɔ maa ninyɛne kɔsɔɔti ngoane, nee Kelaese Gyisɛse mɔɔ gyinlanle Pɔntɛse Paelɛte anyunlu lile ye diedi nwo daselɛ la anyunlu, meka meahile wɔ kɛ

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

Kɛlata mɔɔ bɛhɛlɛle bɛhɔmanle Hibuluma la 8:6

Na kɛ ɔde la a le kɛ bɛmaa Gyisɛse sɛlɛvolɛ gyima mɔɔ sonle bolɛ kpole tɛla dɛba ne la. Ɔboalekɛ ɔgyi ninyɛne kpalɛ nwo ɛwɔkɛ zo.

Kɛlata mɔɔ bɛhɛlɛle bɛhɔmanle Hibuluma la 9:15

Ɛhye ati Kelaese a le sonla mɔɔ de ngyekyeleɛ fofolɛ ne abo a, amaa bɛdabɛ mɔɔ Nyamenle ɛvɛlɛ bɛ la anyia ye nyilalɛ ne mɔɔ ɛnlɛ awieleɛ mɔɔ ɔvale ɔbɔle ɛwɔkɛ la bie. Ɛhye kola yɛ zɔhane, ɔboalekɛ bɛha mogya bɛgua, bɛva bɛye menli kɔsɔɔti bɛvi bɛ ɛtane mɔɔ bɛyɛle wɔ mekɛ mɔɔ bɛwɔ alumua ngyekyeleɛ ne abo la anu.

1 Dw 2:1

Me mra ngakula, melɛkɛlɛ bɛ kɛlata ɛhye, amaa bɛanyɛ ɛtane, na saa bɛ nuhua bie yɛ ɛtane a, yɛlɛ kamaavolɛ wɔ Selɛ ne anwo lɔ mɔɔ kpa yɛ ti kyɛlɛ a, yemɔ a le Gyisɛse Kelaese, mɔɔ le fɔɔnwonli ko ne.

Yekile 1:13

Debie mɔɔ le kɛ sonla la gyi bɛ avinli, ɔwula tɛladeɛ tendenle mɔɔ dwu ye aze na yeva ezukoa nvutuke akyeso yehye ye avinli.