1 Tem 2:4 - BAEBOLO ANZƐƐ BULUKU NWUANZANWUANZA

⁴ Ɔluakɛ ɛkpondɛ kɛ menli kɔsɔɔti nwu nɔhalɛ ne na bɛnyia ngoane.

1 Tem 2:4 ပူးပေါင်းရင်းမြစ်များ

Ayezaya Buluku ne 45:22

“Bɛzia bɛ nzi bɛrɛla na bɛnyia ngoane, bɛdabɛ mɔɔ bɛwɔ ewiade amuala la! Ɔluakɛ medame a mele Nyamenle a, bieko ɛnle ɛkɛ.

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 55:1

Ɛdɛnkɛma se, “Awie biala mɔɔ nzuhɔne ɛlɛku ye la ɛrɛla ɛranlo nzule; yɛɛ mɔɔ ɛnlɛ ezukoa la ɛrɛla ɛradɔ aleɛ ɛli. Bɛrɛla, bɛradɔ nwanye nee meleke, bɛnlɛ bolɛ yɛɛ bɛnva ezukoa bɛndɔ.

Yizikeɛle Buluku ne 18:23

Medame Awulae Nyamenle, me nye ɛnlie amumuyɛnli ewule nwo. Mɔɔ mekulo la a le kɛ ɔkɛvi ye ɛtane ne mɔ anwo na ɔkɛnyia ngoane.

Yizikeɛle Buluku ne 18:32

Me nye ɛnlie awie biala ewule nwo. Yemɔti medame Awulae Nyamenle, mese, bɛhakyi na bɛnyia ngoane.”

Yizikeɛle Buluku ne 33:11

Ka kile bɛ kɛ, suzuamgba ala mɔɔ medame Awulae Nyamenle a mele tease Nyamenle ne la, menlɛ anyelielɛ biala wɔ amumuyɛnli ewule nu, kyesɛ amumuyɛnli ne kakyi fi ye ndenle ne mɔ anu na ɔnyia ngoane. Bɛzia bɛ nzi, bɛzia bɛ nzi bɛvi bɛ munzule ndenle ne mɔ anu; Yizilayɛma, duzu ati a bɛkulo kɛ bɛwu a?

Habakɛke Buluku ne 2:14

Ɛdɛnkɛma anyunlunyia ne anwo adwenle bayi azɛlɛ ye tɛkɛɛ kɛ nyevile tɛtɛtɛlɛlɛ ne anu nzule la.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Maake hɛlɛle la 16:15

Na akee ɔzele bɛ kɛ, “Bɛhɔ ewiade ahodoka muala anu na bɛhɔbɔ Edwɛkpa ne nolo bɛhile aleɛabo amra kɔsɔɔti.

Edwɛkpa ne kɛmɔ Luku hɛlɛle la 1:77

na wɔamaa ye menli ne anwu kɛ bɛbava bɛ ɛtane bɛahyɛ bɛ na bɛalie bɛ ngoane.

Edwɛkpa ne kɛmɔ Luku hɛlɛle la 14:23

Yemɔti awuke menle ne zele ye sonvolɛ ne kɛ, ‘Kɔ ademgbole ne mɔ nee ndenle ngyikyi ne mɔ anu na twe menli maa bɛrɛla bɛrayi me sua ye.

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 17:17

Dua nɔhalɛ ne azo te bɛ nwo na fa bɛ yɛ wɔ ɛdeɛ; wɔ edwɛkɛ ne a le nɔhalɛ ne.

Dw 6:37

Awie biala mɔɔ Egya bava ye amaa me la bara me nwo. Awie biala mɔɔ kɛra me nwo la menrɛvoa ye,

Wulo 11:14

amaa meawula me gɔnwo mɔ Dwuuma anyebolo, na ɔlua zo bɛalie bie mɔ ngoane.

1 Tem 4:10

Ɛhye ati yɛɛ yɛpele yɛyɛ gyima ɛsesebɛ a, ɔluakɛ yɛva yɛ nye yɛdo tease Nyamenle ne anwo zo. Yemɔ yɛɛ ɔle menli kɔsɔɔti bɛ Ngoanedievolɛ a, bɔbɔ bɛdabɛ mɔɔ bɛdie bɛdi la.

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

2 Tem 3:7

Mraalɛ zɛhae mɔ dahuu bɔ mɔdenle kɛ bɛkɛzukoa noko bɛngola bɛnnwu nɔhalɛ ne ɛlɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:11

Ɔluakɛ Nyamenle ɛye ye ɛlolɛ ne ɛhile wɔ menli kɔsɔɔti bɛ ngoanelielɛ ti.

Kɛlata mɔɔ bɛhɛlɛle bɛhɔmanle Hibuluma la 10:26

Ɔluakɛ kɛkala mɔɔ yɛnwu nɔhalɛ ne la, saa yɛ nye fuu yɛkɔ zolɛ yɛyɛ ɛtane a, azubɔlɛ bieko ɛnle ɛkɛ mɔɔ kɛhola kɛye yɛ ɛtane ne mɔ a.

Gyemise Kɛlata ne 3:14

Na saa bɛ ahonle nu bɛle anyebolo, bɛle angomedi a, ɛnee bɛmmatu bɛ nloa anu kɛ bɛze nrɛlɛbɛ na bɛyɛ ɛtane bɛtia nɔhalɛ ne.

2 Pit 3:9

Tɛ kɛ Awulae ɛngola ye ɛwɔkɛ mɔɔ yebɔ la azo di, kɛmɔ bɛ bie mɔ dwenle kɛ ɔde la, na yemɔ a le kɛ Awulae lɛ bɛ nwo abotane, ɔluakɛ ɔngulo kɛ bɛsɛkye awie biala. Ɔkpondɛ kɛ awie biala nu ɔ nwo na ɔtwe ɔ nwo ɔfi ye ɛtane ne mɔ anwo.

2 Dw 1:1

Kɛlata ɛhye vi medame Nrenya Kpanyinli ne ɛkɛ. Melɛ mekamaa Raalɛkpa ne nee ɔ mra ne mɔ. Mekulo bɛ nɔhalɛ nu kpole kpalɛ. Tɛ me ngome a mekulo bɛ a, awie biala mɔɔ ze nɔhalɛ ne la kulo bɛ,

Yekile 14:6

Eza menwunle kɛ Nyamenle soanvolɛ ko ɛdu faa lua anwomanyunlu, na ɔlɛ damɛnlangoate nrɛlaleɛ ne, mɔɔ le Edwɛkpa ne ɔlɛba yearabɔ ye nolo yeahile menli ngakyile, mbusua ekpunli ekpunli, aneɛ ngakyile, nee maanle maanle kɔsɔɔti mɔɔ wɔ aleɛabo la.