1 Tem 2:2 - BAEBOLO ANZƐƐ BULUKU NWUANZANWUANZA

² Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

1 Tem 2:2 ပူးပေါင်းရင်းမြစ်များ

2 Sam 20:19

Anzonudwolɛ menli nee menli mɔɔ di nɔhalɛ wɔ Yizilayɛ la ko a le me. Ɛkpondɛ kɛ ɛbɔ suakpole ɛhye mɔɔ le tete wɔ Yizilayɛ la ɔ? Ɛkpondɛ kɛ ɛsɛkye debie mɔɔ le Ɛdɛnkɛma ɛdeɛ la ɔ”

Ɛzela Buluku ne 6:10

amaa bɛabɔ azu mɔɔ sɔ Nyamenle ne mɔɔ wɔ anwuma la anye na bɛazɛlɛ bɛamaa belemgbunli nee ɔ mra mrenya kpalɛyɛlɛ.

Nihɛmaya Buluku ne 1:11

O Awulae, gyele ɛ nzo tie wɔ sonvolɛ ye nzɛlɛlɛ, na tie wɔ sonvolɛma mɔɔ lɛ wɔ duma ne anwo ɛzulolɛ la nzɛlɛlɛ; maa saleɛ ɛdoa wɔ sonvolɛ na maa maanle maanle belemgbunli ne ɛnwu ye anwunvɔne ɛnɛ.” Mekɛ ne anu ɛnee mame a mesu belemgbunli ne nza a.

Edwɛndolɛ Buluku ne 72:1

O Nyamenle, kilehile belemgbunli ne wɔ pɛlepɛlelilɛ ne, na kilehile ɔ ra nrenya ne wɔ tenleneyɛlɛ ne.

Mrɛlɛbulɛ Buluku ne 24:21

Me ra nrenya, sulo Ɛdɛnkɛma na di belemgbunli eni, yɛɛ mmatu biala anloa ɛto,

Gyɛlɛmaya Buluku ne 29:7

Bɛkpondɛ suakpole ne mɔɔ memaa bɛhɔ zolɛ nlɔnu la boɛyɛlɛ na bɛzɛlɛ Ɛdɛnkɛma moalɛ bɛmaa ye, amaa bɛdabɛ noko kpalɛ adoa bɛ.

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Edwɛkpa ne kɛmɔ Luku hɛlɛle la 2:25

Mekɛ ne anu ɛnee nrenya bie mɔɔ bɛfɛlɛ ye Semɛyɔn la wɔ Gyɛlusalɛm. Nrenya ɛhye le sonlakpalɛ. Nyamenle nwo ɛzulolɛ wɔ ye nu na ɔlɛkendɛ Yizilayɛma ngoanelielɛ ne. Sunsum Nwuanzanwuanza ne wɔ ye nu,

Ɛzoanvolɛma Gyima ne 10:22

Bɛbuale ye kɛ, “Safohyenle Kɔnileɛse a ɛzoa yɛ a. Ɔle sonlakpalɛ somaa, ɔsulo Nyamenle, yɛɛ Dwuuma amuala bu ye bie kpalɛ. Ɛkenle Nyamenle soanvolɛ bie zele ye kɛ ɔrava wɔ ɔhɔ ye sua nu, na ɔdie mɔɔ ɛlɛ ye ɛka wɔahile ye la.”

Ɛzoanvolɛma Gyima ne 24:16

Ɛhye ati yɛɛ mebɔ mɔdenle kɛ menwɔnyia adwenle mɔɔ nuhua te la wɔ Nyamenle nee menli nyunlu a.

Wulo 12:18

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

1 Tɛs 4:11

Bɛva bɛzie bɛ nyunlu kɛ bɛkɛbɔ ɛbɛla mɔɔ le bɛtɛɛ a, bɛdwenle bɛ nwo na bɛbɔ ɛbɛla mɔɔ kɛmaa bɛkɛhola bɛ nwo nea a, kɛmɔ yɛhanle yɛhilele bɛ la.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.