1 Tem 2:15 - BAEBOLO ANZƐƐ BULUKU NWUANZANWUANZA

¹⁵ Noko saa raalɛ ka ɔ nwo aze, ɔbɔ mɔdenle ɔtɛnla diedi, ɛhulolɛ nee anwondelɛ nu a, ɔlua mralɛ ɛwolɛ ti bɛkɛlie ye ngoane.

1 Tem 2:15 ပူးပေါင်းရင်းမြစ်များ

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Gyɛlɛmaya Buluku ne 31:22

Yizilayɛma mɔɔ ɛnlɛ diedi a, bɛsie kenlenzu? Memaa debie ngakyile ɛzi ewiade ye: raalɛ bawowa nrenya.”

Edwɛkpa ne kɛmɔ Luku hɛlɛle la 2:7

Ɔwole ye belamunli ralɛ ne nrenya na ɔvale avuazinli ɔkyekyele ɔ nwo na ɔdole ye mboane adidi ɛlɛka nu wɔ mboane tunli bie anu, ɔluakɛ bɛannyia ɛleka wɔ nyɛvolɛ sua ne anu.

1 Kɔl 12:23

yɛɛ sonlabaka ne ɛleka mɔɔ yɛdwenle kɛ bɛ nwo ɛngyia biala la yɛɛ yɛnea bɛ boɛ kpalɛ a; nuhua ne mɔɔ ɛnle ngɛnlɛma la yɛɛ yɛdɛ alagye yɛyɛ bɛ kpalɛ a.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

1 Tem 2:9

Eza mekpondɛ kɛ mraalɛ ne mɔ noko siezie bɛ nwo kɛnlɛma wɔ adenle mɔɔ kile kɛ bɛze deɛ na nyiane wɔ bɛ nye zo la azo; tɛ tileyɛlɛ mɔɔ bie ɛtɛbale ewiade ɛlɛ anzɛɛ avikpa nee mgbɔba mɔɔ bɛfa bɛayɛ bɛ nwo sɔɔnwo, bɛawula adɛladeɛ anzɛɛ bɛaheda ndanlɛ awolɛ ɛsesebɛ la yɛɛ melɛka a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:12

Zɔhane ɛlolɛ ne kilehile yɛ kɛ yɛvuandi ɛbɛla mgbane mgbane nee ewiade atiakunluwɔzo ne mɔ yɛgua, na yɛyɛ yɛ nye gyɛlɛmgbɛɛnye, yɛnlea boɛ na yɛbɔ Nyamenlezulolɛ ɛbɛla fɔɔnwo ne wɔ ewiade ye anu,

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.