1 Tem 1:9 - BAEBOLO ANZƐƐ BULUKU NWUANZANWUANZA

⁹ Ɔwɔ kɛ yɛnwu kɛ tɛ menli mɔɔ di boɛ la ati a mɛla ne wɔ ɛkɛ a, mɛla ne wɔ ɛkɛ maa atuadelɛma, anzosesebɛma, bɛdabɛ mɔɔ bɛnze Nyamenle nee ɛtanevolɛma, bɛdabɛ mɔɔ bɛ nwo ɛnde, menli mɔɔ ku bɛ ze mɔ anzɛɛ bɛ nli mɔ, ahɔdiawu,

1 Tem 1:9 ပူးပေါင်းရင်းမြစ်များ

2 Sam 16:11

Akee Devidi zele Abehyae nee ye mgbanyima ne mɔ amuala kɛ, “Me kunlu ralɛ bɔbɔ ɛlɛpɛ me nwo adenle yeahu me, na Bɛngyamanenli ye ɛdeɛ mɔɔ ɛlɛyɛ la yɛɛ yɛ bɛ azibɛnwo a. Bɛgyakyi ye bɛmaa ɔbɔ me sasa. Ɛdɛnkɛma a se ɔyɛ a.

2 Arl 19:37

Kenle ko ɔwɔ ye bozonle Nezelɔko amonle sua ne anu la, ɔ mra mrenya ne mɔ anu nwiɔ, Adelamɛlɛke nee Hyalizɛ rahunle ye na bɛnriandile bɛhɔle Arelalate. Ɔ mra ne mɔ ko mɔɔ bɛfɛlɛ ye Yisaahadɔn la lile ebia ne.

2 Edk 32:21

Na Nyamenle manle ye soanvolɛ rahunle Aseleama safohyenlema nee mgbanyima nee katakyiema kɔsɔɔti mɔɔ wɔ Aseleama azokoɛleɛ ne la. Yemɔti Aselea belemgbunli ne vale nyiane ziale hɔle ye maanle nu. Mɔɔ ɔhɔdwule ye bozonle ne anyunlu la, ɔdaye ɔ kunlu mralɛ mrenya ne bie mɔ rahunle ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:13

“Bɛmmaku sonla.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:14

Na saa sonla anye fuu teta ɔ gɔnwo ku ye a, bɛhɔhwe ye bɛvi me azukponle ne anwo bɛhu ye.

Mrɛlɛbulɛ Buluku ne 20:20

Saa sonla wa ɔ ze anzɛɛ ɔ nli amonle a, ye kɛnlaneɛ banlu yeamaa awozinli kabii ava ye.

Mrɛlɛbulɛ Buluku ne 28:17

Bɛmaa sonla mɔɔ di fɔlɛ kɛ yehu sonla la ɛyɛ nriandivolɛ toonwo ɛhɔ ewule nu; awie biala mmaboa ye.

Mrɛlɛbulɛ Buluku ne 28:24

Sonla mɔɔ wua ɔ ze anzɛɛ ɔ nli na ɔka kɛ “Ɔnle mɛladonlɛ” la, le sonla mɔɔ sɛkye ninyɛne la agɔnwo.

Mrɛlɛbulɛ Buluku ne 30:11

Menli bie wɔ ɛkɛ mɔɔ bɛwa bɛ ze mɔ amonle yɛɛ bɛmbu mɔɔ bɛ nli mɔ yɛ maa bɛ la.

Mrɛlɛbulɛ Buluku ne 30:17

Awie biala mɔɔ si ɔ ze amgbu na ɔmbu ɔ nli bie la, mbɔnza nu ahɔhɔsɛlɛ badudu ɔ nye na mgbɔtɛ arali.

Gyɛlɛmaya Buluku ne 23:11

Ɛdɛnkɛma se, “Nyamenle kpɔmanvolɛma nee sɛlɛvolɛma ɛnze Nyamenle; menwu kɛ bɛdi ɛtane wɔ me Ɛzonlenlɛ Sua ne bɔbɔ anu.

Yizikeɛle Buluku ne 21:25

“Wɔmɔ Yizilayɛ belemgbunli, amumuyɛnli mɔɔ anwo ɛnde a, wɔ kɔpo ne ɛyi, na yedwu mɔɔ akee ɔwɔ kɛ bɛsɛkye wɔ bɔkɔɔ a.

Sɛlɛ 20:9

“Awie biala mɔɔ kɛwa ɔ ze anzɛɛ ɔ nli amonle la, bɛhu ye. Yewa ɔ ze nee ɔ nli amonle, yemɔti ye mogya gua ɔdaye ɔ ti zo.

Edwɛkpa ne kɛmɔ Mateyu hɛlɛle la 10:21

“Adiema baye adiema amaa kɛ bɛhu ye. Selɛ baye ralɛ amaa, mralɛ badwazo bɛ awovolɛma anwo zo na bɛaye bɛ bɛamaa bɛahu bɛ.

Wulo 1:30

bɛka bɛ gɔnwo mɔ anwo edwɛkɛ ɛtane ɛtane, bɛkyi Nyamenle, bɛtu bɛ nwo, bɛyɛ mgbanyizonle, bɛkile bɛ nwo, bɛboɔboa bɛdwenle ɛtane nwo bɛyɛ, yɛɛ bɛndie bɛ awovolɛma;

Wulo 4:13

Nyamenle bɔle Ebileham ɛwɔkɛ kɛ azɛlɛ ne bayɛ ye nee ɔ bo zo amra ɛdeɛ. Nyamenle bɔle ɛwɔkɛ ɛhye, tɛ kɛ Ebileham lile mɛla ne azo la ati ɔ, na ɔliele Nyamenle ɔlile, na ɔlua zolɛ Nyamenle manle ɔzɔle ɔ nye.

Wulo 5:20

Bɛvale mɛla ne bɛrale ala la yɛɛ mɛladonlɛ liele ebia a; noko ɛleka mɔɔ ɛtaneyɛlɛ ne zonle la, Nyamenle ɛlolɛ ne yɛle dɔɔnwo bole zolɛ.

Wulo 6:14

Ɔluakɛ ɔnle kɛ ɛtane yɛ bɛ menle bieko; bɛnle mɛla ne abo, bɛwɔ Nyamenle ɛlolɛ ne abo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:19

Saa ɔle zɛhae a ɛnee mɛla ne kpɔkɛ mɔɔ gyi zolɛ la a le boni? Nyamenle vale mɛla ne manle, amaa sonla anwu ɛtane deɛ holɛ. Mɛla ne hilehilele yɛ ekyii hɔdwule kɛ Ebileham anlɔnra ne mɔɔ yemɔti bɛbɔle ɛwɔkɛ ne la rale la. Nyamenle manle ye soanvolɛma a vale mɛla ne luale sonla nwo zo rale a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:18

Saa bɛmaa Nyamenle Sunsum ne kile bɛ adenle a, mɛla ne ɛngola ɛnkyekye bɛ bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:21

anyebolo, kɔdiawuyɛlɛ, nza ɛbolɛ, anyelielɛ mgbane mgbane nee ninyɛne mɔɔ le zɛhae mɔ la. Meha mehile bɛ dɛba, na eza mekakye bɛ bieko kɛ bɛdabɛ mɔɔ bɛyɛ ninyɛne ɛhye mɔ la ɛnrɛnwu Nyamenle Belemgbunlililɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:23

mɛlɛbɛnwoaze, yɛɛ bɛ nwo zo ɛhomolɛ. Ɛhye mɔ, mɛla biala ɛnle ɛkɛ mɔɔ tia bɛ a.

Mɛla 27:16

“ ‘Munzule ɛha sonla mɔɔ yeanli ɔ ze nee ɔ nli eni la.’ “Menli ne amuala baha kɛ, ‘Amen!’

2 Tɛs 2:8

kolaa na akee Amumuyɛnli ne ara. Na saa Awulae Gyisɛse ba a, ɔbava ɔ nloa anu anwoma mgbane yeahu ye na yeava ɔ nyunlu ɛdalɛ wienyi kpole ne yeazɛkye ye bɔkɔɔ.

1 Tem 4:7

Twe ɛ nwo fi yɛ nlenya mɔ anwo koasea nwɔra mgbane mgbane ne mɔ mɔɔ ɛnle nyamenlezonlenlɛ la anwo, na mia ɛ nwo sonle Nyamenle kpalɛ.

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

2 Tem 2:16

Twe ɛ nwo fi bɛdabɛ mɔɔ bɛsu zɛhae munzule nee koasea kpolera la anwo. Ɛhye te menli fi Nyamenle anwo.

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:10

Menli mɔɔ anzo yɛ se la dɔɔnwo wɔ ɛkɛ mɔɔ ko tia ngilehilelɛ ɛhye a. Bɛ nuhua titile a le bɛdabɛ mɔɔ ɛnee bɛli Dwuuma nyamenlezonlenlɛ ne anzi na bɛhakyi bɛrayɛ Kelaese ɛdoavolɛma la. Bɛka mgbole na bɛbɛlɛbɛla awie mɔ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6

Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

Kɛlata mɔɔ bɛhɛlɛle bɛhɔmanle Hibuluma la 11:31

Diedi zo yɛɛ ɔlua mɔɔ bɛangu tuutuunli Releehabe kɛ menli anzosesebɛ ne mɔ mɔɔ kpole Nyamenle la a, ɔluakɛ ɔliele Yizilayɛma mɔɔ rale banleɛnlea maanle ne anu na bɛahɔha la azie, na ɔnleanle bɛ gyɛlɛɛnye.

Kɛlata mɔɔ bɛhɛlɛle bɛhɔmanle Hibuluma la 12:16

Bɛnlea boɛ na bɛ bie annyia subane ɛtane anzɛɛ anyɛ kɛ Yisɔ mɔɔ nyamenlezonlenlɛ ɛnle ye nu la ati, yeangola ɔ nwo sɔ na aleɛ ti ɔdɔnenle ye kpanyinli la.

1 Pit 2:7

Bolɛ ɛhye sonle bolɛ kpole kpalɛ maa bɛdabɛ mɔɔ bɛdie bɛdi la, na bɛdabɛ mɔɔ bɛnlie bɛnli la, Nyamenle Edwɛkɛ ne se, “Bolɛ ko ne ala mɔɔ suatovoma ne kpole kɛ ɔle debie mgbane la, yemɔ ala a ɔrayɛle bolɛ mɔɔ anwo hyia kpalɛ la a.”

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

1 Pit 4:18

Nyamenle Edwɛkɛ ne se, “Saa ɔyɛ se ɔmaa kpalɛma kɛ bɛkɛvi ɛsalɛ a ɛnee kɛ ɛtanevolɛma mɔɔ ɛnzonle Nyamenle la kɛwie ye ɛ?”

Dwuudu Kɛlata ne 1:15

arabua awie biala ndɛne, na yeadea bɛdabɛ mɔɔ bɛnze Nyamenle la wɔ bɛ ninyɛndane mɔɔ bɛyɛ ye atisesebɛ nu nee amumuyɛ edwɛkɛ mɔɔ menli ɛhye mɔ mɔɔ ɛnze Nyamenle la ɛha ɛtia ye la anwo.”

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.