1 Tem 1:5 - BAEBOLO ANZƐƐ BULUKU NWUANZANWUANZA

⁵ Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

1 Tem 1:5 ပူးပေါင်းရင်းမြစ်များ

Edwɛndolɛ Buluku ne 24:4

Kyesɛ sonla mɔɔ ahonle nu te na ɔnli ɛzonle, sonla mɔɔ ɛnzɔ mmonle, yɛɛ ɔnga ndane adalɛ la.

Edwɛndolɛ Buluku ne 51:10

O Nyamenle, bɔ ahonle mɔɔ anu te la wula me nu, na maa me sunsum fofolɛ mɔɔ gyi kpundii la.

Gyɛlɛmaya Buluku ne 4:14

O Gyɛlusalɛm, ye ɛtane fi wɔ ahonle nu, amaa bɛalie wɔ ngoane. Bɛfa ɛtaneyɛlɛ adwenle bɛazie bɛ adwenle nu toonwo yeahɔdwu kenlenzu?

Zɛfanaya Buluku ne 3:7

Menganle kɛ, ‘Nɔhalɛ, ɔbazulo me na yealie me ndeanlɛ ne. Akee bɛnrɛzɛkye ye azua ne mɔ, nee mɔɔ meva memaa ye la amuala.’ Noko bɛmɛ, debie biala anu bɛbɔle mɔdenle kɛ bɛyɛ amumuyɛ.

Edwɛkpa ne kɛmɔ Mateyu hɛlɛle la 12:35

Sonlakpalɛ biala yɛ debie kpalɛ, yɛɛ sonlatane biala yɛ ninyɛndane.

Edwɛkpa ne kɛmɔ Mateyu hɛlɛle la 5:8

“Nyilalɛ ɛha bɛdabɛ mɔɔ bɛ ahonle nu te la; Bɛbanwu Nyamenle!

Ɛzoanvolɛma Gyima ne 15:9

Yeangile kɛ asolo yɛmɛ nee bɛmɛ. Ɔluale bɛ diedi zo yɛɛ ɔvale bɛ ɛtane ɔhyɛle bɛ a.

Ɛzoanvolɛma Gyima ne 23:1

Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 24:16

Ɛhye ati yɛɛ mebɔ mɔdenle kɛ menwɔnyia adwenle mɔɔ nuhua te la wɔ Nyamenle nee menli nyunlu a.

Wulo 10:4

Ɔluakɛ Kelaese rale la yɛɛ mɛla ne tumi bɔle aze a, amaa mɔɔ kɛlie kɛli la azɔ Nyamenle anye.

Wulo 12:9

Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

Wulo 14:15

yɛɛ saa ɛmaa aleɛ mɔɔ ɛdi la amaa ɛ gɔnwo ali nyane a ɛnee ɛngulo ye. Mmamaa wɔ aleɛ mɔɔ ɛdi la sɛkye sonla mɔɔ Kelaese ɛwu ɛlie ye ngoane la.

Wulo 9:1

Kelaese ati nɔhalɛ kpalɛ a melɛka meahile bɛ la, membɔ adalɛ. Me adwenle nu wienyi, Sunsum Nwuanzanwuanza ne ɔdaye ɔze kɛ membɔ adalɛ,

1 Kɔl 13:1

Saa mekola menli nee anwuma soanvolɛma aneɛ ngakyile ne mɔ ka, na menlɛ ɛhulolɛ a, me ɛdendɛlɛ le kɛ ɛlawule anzɛɛ awa mɔɔ ɛlɛyɛ alɛra la.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Mɛla 10:12

“Yizilayɛma, akee bɛdie. Mɔɔ Ɛdɛnkɛma bɛ Nyamenle ne kpondɛ wɔ bɛ ɛkɛ ne la a le kɛ: bɛzulo Ɛdɛnkɛma bɛ Nyamenle ne, bɛlua ye ndenle ne mɔ anu, bɛhulo ye, na bɛva bɛ ahonle nee bɛ ɛkɛla muala bɛzonle ye,

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

1 Tem 1:19

na nyia diedi nee adwenle kpalɛ mɔɔ anu te la. Menli ne bie mɔ ɛminli bɛ diedi, ɔluakɛ bɛnlɛ adwenle kpalɛ mɔɔ anu te a.

1 Tem 3:9

Ɔwɔ kɛ bɛfa adwenle mɔɔ anu te la bɛsɔ diedi ne mɔɔ bɛye bɛhile bɛ la anu nɔhalɛ nu.

2 Tem 1:3

Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

2 Tem 1:5

Mekakye nɔhalɛ diedi ne mɔɔ ɛlɛ ye, diedi ne mɔɔ ɛnee ɛ nla Loyese nee ɛ nli Yunaesi lɛ ye la bie, na medie medi kɛ ɛdawɔ noko ɛlɛ zɔhane diedi ne.

2 Tem 2:22

Yemɔti kpo wɔ mgbavolɛ nu atiakunluwɔzo ne mɔ na ɛ nee bɛdabɛ mɔɔ bɛfa ahonle mɔɔ nuhua te bɛfɛlɛ Awulae la ɛpele ɛkpondɛ pɛlepɛlelilɛ, diedi, ɛhulolɛ, nee anzonudwolɛ bo zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15

Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 13:18

Bɛhɔ zolɛ bɛzɛlɛ bɛmaa yɛ. Yɛsi pi kɛ yɛ adwenle nu le wienyi, ɔboalekɛ yɛkpondɛ kɛ dahuu yɛyɛ mɔɔ le kpalɛ la.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Gyemise Kɛlata ne 4:8

Bɛhwe bɛbikye Nyamenle, na ɔdaye noko ɔkɛbikye bɛ. Bɛmɛ ɛtanevolɛma, bɛhakyi bɛ subane! Bɛde bɛ ahonle nu, bɛmɛ nabalabama!

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

2 Pit 1:7

bɛva mediema ɛyɛlɛ bɛboka bɛ nyamenlezonlenlɛ nwo na bɛva ɛhulolɛ bɛboka bɛ mediema ɛyɛlɛ nwo.

1 Dw 3:10

Ngakyile mɔɔ wɔ bɛdabɛ mɔɔ bɛle Nyamenle amra nee bɛdabɛ mɔɔ bɛle Abɔnsam amra la avinli la ɛne: awie biala mɔɔ ɛmbɔ ɛbɛla kpalɛ anzɛɛ ɛngulo ɔ diema la ɛnle Nyamenle ara.

1 Dw 3:23

Ye mɛla ne a le kɛ yɛlie ɔ Ra Gyisɛse Kelaese yɛli na yɛhulo yɛ nwo ngoko ngoko, kɛmɔ Kelaese ɔdaye ɔzele yɛ la.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.