1 Tem 1:20 - BAEBOLO ANZƐƐ BULUKU NWUANZANWUANZA

²⁰ Menli zɛhae bie mɔ a le Haemɛneeyɛse nee Alɛzanda, mɔɔ meva bɛ mewula Seetan tumi ne abo la, amaa bɛahile bɛ kɛ ɔwɔ kɛ bɛgyakyi Nyamenle anwo edwɛkɛ ɛtane ɛhanlɛ.

1 Tem 1:20 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 18:17

Saa yeandie bɛ edwɛkɛ a, ka kile asɔnema amuala. Eza saa ɔnrɛdie asɔnema amuala noko edwɛkɛ a, ɛnee fa ye kɛ ɔnze Nyamenle anzɛɛ ɔle kɛ adwuledievolɛ la.

Ɛzoanvolɛma Gyima ne 13:45

Mɔɔ Dwuuma ne nwunle menli dɔɔnwo ne la, anyebolo dɔle bɛ nwo; bɛdendɛle bɛtiale mɔɔ Pɔɔlo ɛlɛka la, na bɛbɔle bɛ aholoba.

Ɛzoanvolɛma Gyima ne 19:33

Bɛ nuhua bie mɔ dwenlenle kɛ Alɛzanda a di nzakadolɛ ne anwo ɛzonle a, ɔluakɛ Dwuuma bie mɔ mɔɔ wɔ ɛkɛ ne la ɛzuhuzuhu ye dedee bɛmaa yeragyinla ɛlɔne ne anyunlu. Alɛzanda bobole bɛ kɛ bɛyɛ koonwu, na ɔyɛle kɛ ɔtendɛ yeahile bɛ.

1 Kɔl 11:32

Na Awulae tea yɛ, ɔtwe yɛ nzo amaa bɛanva yɛ bɛamboka ewiade amra anwo bɛambua yɛ ewule fɔlɛ.

2 Kɔl 10:6

Na saa akee bɛkile kɛ bɛva bɛ nwo bɛmaa Kelaese bɔkɔɔ a, yɛadua awie biala mɔɔ anwo yɛ se la kakɛ wɔ ye nyɛleɛ nwo.

2 Kɔl 13:10

Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

2 Tɛs 3:15

Bɛmmayɛ ye kɛ ɔle kpɔvolɛ; bɛbɔ ye kɔkɔ kɛ adiema.

1 Tem 5:15

Ɔluakɛ ahunlanvolɛ ne bie mɔ kɛkala angome ɛpɛ bɛ nwo ɛhɔ kali Seetan anzi.

2 Tem 2:14

Kakyehakye wɔ menli ne mɔ wɔ ɛhye anwo, na bɔ bɛ kɔkɔ wɔ Nyamenle anyunlu kɛ bɛmmadi edwɛkɛ agbɔkɛ nwo butule. Ɔnle kpalɛ, yɛɛ ɔsɛkye menli mɔɔ tie la adwenle.

2 Tem 2:17

Zɛhae ngilehilelɛ le kɛ hanlɛ mɔɔ ɛdidi nwonane ne abo la. Kilehilevolɛma zɛhae anu nwiɔ a le Haemɛneeyɛse nee Faelitɛse;

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

Kɛlata mɔɔ bɛhɛlɛle bɛhɔmanle Hibuluma la 12:5

Anzɛɛ bɛ rɛle ɛvi akɛnrazilɛ edwɛkɛ ne mɔɔ Nyamenle ka kile bɛ kɛ bɛle ɔ mra la ɔ? Ɔse, “Me ra, saa Awulae tea wɔ a die ye fɛlɛko nu, yɛɛ saa ɔtwi ɛ nyunlu a mmamaa ɛ rɛle bɔ.

Yekile 13:1

Akee menwunle kɛ nane bie vi nyevile ne anu ɛlɛfo ara file zo. Ɔlɛ mɛne bulu yɛɛ ɔ ti le nsuu. Bɛbɔ ye mɛne ne mɔ ko biala abɔtile na bɛhɛlɛ duma ɛtane bie mɔɔ tia Nyamenle la bɛgua nwolɛ.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.