1 Tem 1:2 - BAEBOLO ANZƐƐ BULUKU NWUANZANWUANZA

² Mefa meahɔmaa Temɔte, mɔɔ le me ra kpalɛ wɔ diedi ne anu la. Nyamenle Selɛ ne nee Kelaese Gyisɛse yɛ Awulae ne ɛlo wɔ, ɛnwu wɔ anwunvɔne na ɔmaa wɔ anzonudwolɛ.

1 Tem 1:2 ပူးပေါင်းရင်းမြစ်များ

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:3

Nyamenle Selɛ ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

2 Tem 1:2

Mefa meahɔmaa me ra Temɔte mɔɔ la me ahonle nwo la. Nyamenle Selɛ ne nee yɛ Awulae Kelaese Gyisɛse ɛlo wɔ, ɔnwu wɔ anwunvɔne na ɔmaa wɔ anzonudwolɛ.

2 Tem 2:1

Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:4

Melɛkɛlɛ wɔ, Taetɛse, mɔɔ ɛle me ra kpalɛ la wɔ diedi ne mɔɔ yɛlɛ nu la ati. Egya Nyamenle nee Kelaese Gyisɛse, yɛ Ngoanedievolɛ ne ɛlo wɔ na ɔmaa wɔ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:2

Kilehile mrenya mgbanyinli ne mɔ maa bɛyɛ bɛ nye gyɛlɛmgbɛɛnye, bɛdwenle, bɛzie bɛ nwo diinyi, bɛmaa bɛ diedi ɛyɛ nla, na bɛnyia ɛhulolɛ nee abotane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:15

Bɛdabɛ mɔɔ bɛ nee me wɔ ɛke la amuala biza wɔ ahye. Yɛbiza yɛ gɔnwo mɔ mɔɔ yɛ muala yɛlɛ diedi ko la ahye. Nyamenle ɛlo bɛ na ɔ nee bɛ ɛdɛnla.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

2 Dw 1:3

Nyamenle Selɛ ne nee Gyisɛse Kelaese, Selɛ ne Ara ne, ɛlo yɛ, ɛnwu yɛ anwunvɔne, na ɔmaa yɛ nzo nu ɛdwo yɛ dahuu wɔ nɔhalɛ nee ɛhulolɛ nu.

3 Dw 1:4

Debie biala ɛnyɛ me anyelielɛ ɛndɛla kɛ menwɔde kɛ me mra ne mɔ lua nɔhalɛ adenle ne anu a.

Dwuudu Kɛlata ne 1:2

Nyamenle ɛnwu bɛ anwunvɔne, ɔmaa bɛ anzonudwolɛ, na ɔva ɛhulolɛ ɔyi bɛ tɛkɛɛ.