1 Tem 1:17 - BAEBOLO ANZƐƐ BULUKU NWUANZANWUANZA

¹⁷ Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Tem 1:17 ပူးပေါင်းရင်းမြစ်များ

1 Edk 29:11

Ɛle kpole, ɛlɛ tumi, ɛle nwuanzanwuanza, ɛle katakyie, ɛle belemgbunli. Debie biala mɔɔ wɔ anwuma nee aze la le wɔ ɛdeɛ, na ɛdi bɛ kɔsɔɔti bɛ nwo zo belemgbunli.

Nihɛmaya Buluku ne 9:5

Akee Livaema ɛhye mɔ: Gyɛhyua, Kademeɛle, Beenae, Hahyabenaya, Hodaya, Hyɛlibaya, Hyɛbanaya yɛɛ Pɛtahaya zele kɛ, “Bɛdwazo bɛye Ɛdɛnkɛma bɛ Nyamenle ne ayɛlɛ; bɛye ye ayɛlɛ dahuu! Kanza dasanli biala ayɛlɛyelɛ le ekyi bɔbɔ a, awie biala ɛye ye duma nwuanzanwuanza ne ayɛlɛ.”

Edwɛndolɛ Buluku ne 10:16

Ɛdɛnkɛma le belemgbunli dahuu; bɛdabɛ mɔɔ bɛnzonle ye la abo zo baminli ye azɛlɛ ne azo.

Edwɛndolɛ Buluku ne 106:48

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi tete kɔdwu mekɛ mɔɔ ɛnlɛ awieleɛ. Na menli ne amuala ɛha kɛ “Amen!” Bɛye Ɛdɛnkɛma ayɛlɛ!

Edwɛndolɛ Buluku ne 145:13

Wɔ belemgbunlililɛ ne ɛmbɔ aze ɛlɛ, yɛɛ ɛle belemgbunli dahuu wɔ awolɛndoazo kɔsɔɔti anu. Ɛdɛnkɛma le nɔhalɛ wɔ ye edwɛkɛ kɔsɔɔti anu, yɛɛ ɔle dovolɛ wɔ ye nyɛleɛ kɔsɔɔti anu.

Edwɛndolɛ Buluku ne 41:13

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi aloamɔleɛ kɔdwu melɛ mɔɔ ɛnlɛ awieleɛ! Amen! Amen!

Edwɛndolɛ Buluku ne 45:1

Adwenle kpalɛ ɛyi me ahonle nu tɛkɛɛ, meto edwɛne memaa belemgbunli ne; me tafinlima le kɛ kɛlɛvolɛ mɔɔ anwo yɛ ndɛ la pɛne.

Edwɛndolɛ Buluku ne 45:6

Wɔ belemgbunlililɛ nwuanzanwuanza ne wɔ ɛkɛ ne dahuu. Ɛfa pɛlepɛlelilɛ a ɛdi wɔ ebia ne a;

Edwɛndolɛ Buluku ne 57:11

O Nyamenle, kile wɔ kpoleyɛlɛ ne wɔ anwuma lɔ! Maa wɔ anyunlunyia ne ɛda ewiade amuala!

Edwɛndolɛ Buluku ne 90:2

Mekɛ mɔɔ ɛkabɔ awoka, anzɛɛ azɛlɛ ye nee ewiade ye la, ɔvi tete, mɔɔ kɔdwu mekɛ mɔɔ ɛnlɛ awieleɛ, ɛle Nyamenle.

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Daneɛle Buluku ne 4:34

“Ɛvolɛ nsuu ne dwule la, medame Nɛbukadenɛza, mendole me nye anwomanyunlu, na me nye rale me nwo zo. Menyele Anwuma Anwumanli ne ayɛlɛ na menyeyɛle teasenli ne menlile ye eni kɛ: “Ye belemgbunlililɛ ɛnrɛbɔ aze ɛlɛ, ye belemgbunlililɛ vi awolɛndoazo dwu awolɛndoazo.

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Daneɛle Buluku ne 7:14

Bɛmanle ye ebialilɛ tumi, anyunlunyia, yɛɛ enililɛ, amaa aleɛabo maanle maanle mɔɔ ka aneɛ ngakyile la azonle ye. Ye belemgbunlililɛ ne ɛnlɛ awieleɛ, ɔnrɛpɛ nu ɔnrɛze ɛlɛ yɛɛ awie ɛnrɛhola ye sɛkye.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Malakae Buluku ne 1:14

Munzule ɛha nzisi sonla ne mɔɔ lɛ boane nyinli wɔ ye nyɛmoa nu, ɔkɛva ɔkɛbɔ ɛwɔkɛ, na akee ɔkɛva ɛtane bie ɔkɛrabɔ azu ɔkɛmaa Ɛdɛnkɛma la, ɔluakɛ mele belemgbunli kpole, yɛɛ maanle maanle kɔsɔɔti sulo me.”

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 5:44

Bɛkpondɛ kɛ bɛkanvo bɛ ngome bɛ nwo ngoko ngoko, na bɛmpele bɛnlie nganvolɛ bɛnvi Nyamenle kokye ne ɛkɛ ne, na ɛnee kɛ ɔkɛyɛ na bɛalie me bɛali ɛ?

Wulo 1:20

Sumunli kɛ Nyamenle bɔle ewiade la yɛɛ ɔbɔle ɔ bo kɛ ɔye ye su kpalɛ ne mɔɔ yɛ nye ɛnnwu ye la wienyi yeahile sonla a. Ninyɛne ɛhye mɔ a le ye damɛnlangoate tumi ne nee ye nyamenleyɛlɛ ne. Menli nwu ɛhye wɔ ninyɛne mɔɔ Nyamenle ɛbɔ la anu. Yemɔti bɛnlɛ nyelebɛnloa fee!

Wulo 1:23

kɛ bɛkɛzonle damɛnlangoate Nyamenle ne la, bɛsonle ninyɛne mɔɔ bɛdabɛ bɛnwo, mɔɔ le kɛ sonla, nloma, nane anzɛɛ nwɔlɛ la.

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

Wulo 2:10

Nyamenle bava anyunlunyia, enililɛ nee anzonudwolɛ amaa bɛdabɛ mɔɔ bɛdi boɛ la, Dwuuma lumua yɛɛ bɛdabɛ noko mɔɔ bɛnle Dwuuma la doa bɛ.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Kɔlɔ 1:15

Kelaese le Nyamenle ne mɔɔ ɛnyelɛ ɛnnwu ye la sɔhovolɛ. Yemɔ a ɔle abɔdeɛ muala anu belamunli Ralɛ a.

Kɛlata mɔɔ bɛhɛlɛle bɛhɔmanle Hibuluma la 11:27

Diedi zo yɛɛ ɔlua mɔɔ Mosisi anzulo belemgbunli ne ɛya mɔɔ ɔkɛva la na ɔdule ɔvile Yigyibiti a. Yeanzia ɔ nzi, ɔgyinlanle kpundii kɛ sonla mɔɔ ɛnwu Nyamenle ne mɔɔ bɛnnwu ye la.

Kɛlata mɔɔ bɛhɛlɛle bɛhɔmanle Hibuluma la 2:7

Ɛbɔle ye ɛmanle wɔ soanvolɛma dɛlale ye mekɛ ekyi bie ala anu, ɛwulale ye anyunlunyia na ɛmanle bɛlile ye eni,

1 Pit 5:11

Nyamenle ɛhye yɛɛ tumi ne le ye ɛdeɛ dahuu a! Amen.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

1 Dw 4:12

Awie biala ɛtɛnwunle Nyamenle ɛlɛ, na saa yɛkulo yɛ nwo ngoko ngoko a, ɛnee Nyamenle de yɛ nu, na ye ɛhulolɛ ne ɛli munli wɔ yɛ nu.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 19:1

Ɛhye anzi mendele debie bie mɔɔ le kɛ menli dɔɔnwo ane wɔ anwuma, bɛse, “Bɛye yɛ Nyamenle ne ayɛlɛ! Ngoanelielɛ, anyunlunyia, nee tumi le yɛ Nyamenle ne ɛdeɛ!

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”

Yekile 19:6

Akee mendele debie bie mɔɔ le kɛ menli dɔɔnwo ane, kɛ azule kpole bie mɔɔ lua awolɛ zo ɛlɛsonyi gua, na ɔlɛkulu kɛ bokile ezule la, bɛse, “Bɛye Nyamenle ayɛlɛ! Ɔluakɛ Awulae, yɛ Nyamenle Bedevinli ne le Belemgbunli!

Yekile 7:12

bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”