1 Tem 1:16 - BAEBOLO ANZƐƐ BULUKU NWUANZANWUANZA

¹⁶ Ɔlua ɛhye ati yɛɛ Nyamenle nwunle me anwunvɔne a, amaa Kelaese Gyisɛse abotane kpole ne mɔɔ ɔnyianle ye wɔ medame, ɛtanevolɛma kpanyinli me nwo la, ala ali na yeayɛ ndonwo yeamaa bɛdabɛ mɔɔ nzinlii bɛbalie ye bɛali na bɛanyia ngoane mɔɔ ɛnlɛ awieleɛ la.

1 Tem 1:16 ပူးပေါင်းရင်းမြစ်များ

2 Edk 33:19

Akee belemgbunli ne nzɛlɛlɛ nee kɛ Nyamenle zile diele ye, ye ɛtane ne mɔ mɔɔ ɔyɛle nee ye anzosesebɛ, mɔɔ ɔluale zo ɔsisile ɛleka ne mɔ mɔɔ bɛsonle, nee bozonle raalɛ Ahyela ne ananze mɔɔ ɔyɛle kolaa na nzinlii yeanlu ɔ nwo la, bɛhɛlɛ bɛ kɔsɔɔti wɔ Nyamenle Kpɔmanvolɛma Tetedwɛkɛ Buluku ne anu.

Edwɛndolɛ Buluku ne 25:11

O Ɛdɛnkɛma, wɔ duma ne ati, fa me ɛtane kyɛ me, ɔluakɛ ɔle kpole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:8

Na Mosisi bɔle ɔ ti aze ndɛndɛ na ɔzonlenle.

Ayezaya Buluku ne 1:18

Ɛdɛnkɛma se, “Bɛrɛla bɛmaa yɛbɔ yɛ avinli, bɛ ɛtane ne mɔ ɛla zo kɛ ɛbenle bɔbɔ ɛdeɛ, noko bɛbayɛ fufule kɛ ezukɔtweaba. Bɛ ɛtane ne mɔ ɛbolo kɛ ebo bɔbɔ ɛdeɛ, noko bɛbayɛ nwohyee kɛ boane enrinli.

Ayezaya Buluku ne 43:25

Medame, medame a mele Nyamenle, mɔɔ medame me ti, mefa bɛ ɛtane mekyɛ bɛ a. Menrɛhakye bɛ ɛtane ne mɔ bieko.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:3

Akee Beelam hanle hilele Beelake kɛ, “Gyinla wɔ ɛyelalɛ azubɔdeɛ ye anwo. Mekɔ meahɔnlea saa Ɛdɛnkɛma nee me kɛyia a, na edwɛkɛ biala mɔɔ ɔkɛha la, mebaraha meahile wɔ.” Yemɔti ɔdaye ɔ ngomekye ɔhɔle boka bie azo,

Edwɛkpa ne kɛmɔ Luku hɛlɛle la 15:10

Meka meahile bɛ kɛ, zɔhane ala yɛɛ Nyamenle soanvolɛma di fɛlɛko wɔ ɛtanenli ko mɔɔ kɛnlu ɔ nwo la anwo a.”

Edwɛkpa ne kɛmɔ Luku hɛlɛle la 23:43

Gyisɛse zele ye kɛ, “Mebɔ wɔ ɛwɔkɛ kɛ, ɛnɛ kenle ye, me nee wɔ bahɔ Paladaese.”

Edwɛkpa ne kɛmɔ Luku hɛlɛle la 7:47

Ɛhye ati meka meahile wɔ kɛ, ɛhulolɛ kpole ne mɔɔ yehile la, kile kɛ bɛva ye ɛtane bebelebe ne bɛhyɛ ye. Mɔɔ bɛkɛva ekyi bɛkɛhyɛ ye la ɛhulolɛ le ekyi bie ala.”

Dw 20:31

Mɔɔ bɛhɛlɛ ye wɔ ɛke la, bɛhɛlɛ amaa bɛalie bɛali kɛ Gyisɛse a le Mɛzaya ne mɔɔ le Nyamenle Ara ne la, na ɔlua bɛ diedi mɔɔ bɛlɛ ye wɔ ye nu la azo bɛanyia ngoane.

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

Dw 6:37

Awie biala mɔɔ Egya bava ye amaa me la bara me nwo. Awie biala mɔɔ kɛra me nwo la menrɛvoa ye,

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 6:54

Mɔɔ kɛli me nwonane ne bie na ɔkɛnlo me mogya ne bie la lɛ ngoane mɔɔ ɛnlɛ awieleɛ, na mebadwazo ye meara ngoane nu wɔ mekɛ mɔɔ li awieleɛ la.

Wulo 15:4

Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

1 Kɔl 7:25

Mɔɔ le edwɛkɛ mɔɔ fane bɛdabɛ mɔɔ bɛngya bie la anwo la, menlɛ Awulae ɛkɛ ne mɛla biala memmaa bɛ, medame me adwenle a meka a, kɛ sonla mɔɔ Awulae ɛnwu ye anwunvɔne na menli kola die ye di la.

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:12

Yemɔti bɛmaa yɛdayɛ mɔɔ yɛlumuale yɛnyianle anyelazo wɔ Kelaese anu la yɛye Nyamenle anyunlunyia ne ayɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:7

Ɔyɛle ɛhye amuala ɔhilele ye ɛlolɛ totohyia ne mɔɔ bɛngola bɛnzuzu la nee atiakunlukɛnlɛma mɔɔ ɔlua Kelaese Gyisɛse ati dahuu ɔlɛ ye wɔ yɛ nwo la.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

1 Tem 1:13

Mekɛ bie mɔɔ ɛraze ɛhɔ la menganle munzule edwɛkɛ mentiale ye, menyɛle ye kpɔdekpɔde na menguale ɔ nyunlu aze. Na Nyamenle nwunle me anwunvɔne, ɔluakɛ ɛnee menlɛ diedi, yemɔti ɛnee menze mɔɔ melɛyɛ la.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

2 Pit 3:15

Bɛde ɔ bo kɛ yɛ Awulae abotane ne le ngoanelielɛ maa bɛ, kɛmɔ adiema Pɔɔlo ɛlua nrɛlɛbɛ mɔɔ Nyamenle ɛva ɛmaa ye la azo ɛhɛlɛ ɛrɛlɛ bɛ la.

2 Pit 3:9

Tɛ kɛ Awulae ɛngola ye ɛwɔkɛ mɔɔ yebɔ la azo di, kɛmɔ bɛ bie mɔ dwenle kɛ ɔde la, na yemɔ a le kɛ Awulae lɛ bɛ nwo abotane, ɔluakɛ ɔngulo kɛ bɛsɛkye awie biala. Ɔkpondɛ kɛ awie biala nu ɔ nwo na ɔtwe ɔ nwo ɔfi ye ɛtane ne mɔ anwo.