1 Sam 9:9 - BAEBOLO ANZƐƐ BULUKU NWUANZANWUANZA

^9-11 Sɔɔlo buale ye kɛ, “Wɔ adwenle ne le kpalɛ, maa yɛhɔ.” Yemɔti bɛhɔle suakpole ne mɔɔ Nyamenle sonla ne wɔ zolɛ la azo. Mɔɔ bɛfo boka ne bɛahɔ sua ne azo la, bɛ nee mbɛlɛra bie mɔɔ ɛlɛkɔ azule la yiale. Bɛbizale mbɛlɛra ne mɔ kɛ, “Sonla ne mɔɔ nwu Nyamenle ɛhulolɛdeɛ la wɔ ɛkɛ ɔ?” (Mekɛ ne anu, wɔ Yizilayɛ maanle nu ɛnee bɛfɛlɛ Nyamenle kpɔmanvolɛma “Sonla mɔɔ nwu Nyamenle ɛhulolɛdeɛ la.” Yemɔti mekɛ biala mɔɔ awie kpondɛ abiza Nyamenle edwɛkɛ la ɛnee ɔse, “Maa yɛhɔ sonla ne mɔɔ nwu Nyamenle ɛhulolɛdeɛ la” ɛkɛ.)

1 Sam 9:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:22

Ɛnee ɔlɛnrenzɛ ndalɛ, na ngakula ne mɔ bɔle ɔ bo kɛ bɛko bɛ nli akunlu. Relɛbɛka zele kɛ, “Na duzu edwɛkɛ a ɛra me nwo zo a?” Yemɔti ɔhɔle kɛ ɔkabiza nwolɛ wɔ Ɛdɛnkɛma ɛkɛ.

2 Sam 24:11

Nwonlomɔ ne mɔɔ Devidi dwazole la, Ɛdɛnkɛma edwɛkɛ ne dwule Nyamenle kpɔmanvolɛ Gaade mɔɔ yemɔ a ɔka Nyamenle nrɛlaleɛ ɔkile Devidi la anwo zo na ɔzele ye kɛ,

2 Arl 17:13

Ɛdɛnkɛma ɛmaa ye soanvolɛma nee kpɔmanvolɛma ɛrahakye Yizilayɛma nee Dwudama fane dɔɔnwo kɛ, “Bɛgyakyi ninyɛndane ɛyɛlɛ, na bɛli me edwɛkɛ nee me ngyehyɛlɛ ne mɔ mɔɔ wɔ Mɛla ne mɔɔ menvale memanle bɛ nlenya mɔ, na menluale me sonvolɛ kpɔmanvolɛma anwo zo menvale membɛlɛle bɛ la azo.”

1 Edk 21:9

Na Ɛdɛnkɛma zele Gaade, Devidi ɔdaye ye Nyamenle kpɔmanvolɛ ne mɔɔ sinza ye la kɛ,

1 Edk 26:28

Hyɛlomete nee ye awuke nu amra a debie biala mɔɔ bɛdu bɛzie ahane kɛ bɛva bɛyɛ gyima wɔ Ɛzonlenlɛ Sua ne anu la wɔ bɛ sa nu a. Ahyɛlɛ ninyɛne mɔɔ Nyamenle Kpɔmanvolɛ, Samoɛle, Belemgbunli Sɔɔlo, Nɛɛ ara Abenɛɛ, yɛɛ Zɛluaya ara Dwowabe vale manle Nyamenle la boka nwolɛ.

1 Edk 29:29

Belemgbunli Devidi anwo edwɛkɛ nee ye nyɛleɛ biala mɔɔ ɔyɛle la, bɛhɛlɛ bɛ wɔ Nyamenle Kpɔmanvolɛma Samoɛle, Neetan, yɛɛ Gaade Mbuluku nsa ne anu.

1 Edk 9:22

Ɛka bɛ muala ɛbɔ nu a ɛnee bɛle menli ɛya nwiɔ, bulu nee nwiɔ yɛɛ bɛyele bɛ kɛ bɛzinza nlenkɛ nee anuhɔlɛ ne mɔ a. Bɛyele bɛ bɛvile bɛ azua zo, kɛmɔ bɛ mbusua mgbanyinli ne mɔ dodo de la. Belemgbunli Devidi nee Nyamenle kpɔmanvolɛ Samoɛle a hyɛle gyima ne manle bɛ mgbanyinli yɛle a.

2 Edk 16:10

Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

2 Edk 16:7

Mekɛ zɔhane anu ala, Nyamenle sonla Haneenae rale Dwuda Belemgbunli Esa ɛkɛ ne razele ye kɛ, “Kɛmɔ ɛvale ɛ rɛle ɛwulale Selea belemgbunli ne anu na wɔanva ɛ rɛle wɔanwula Ɛdɛnkɛma wɔ Nyamenle ne anu la ati, Selea belemgbunli ne ɛlɔnema ɛnriandi wɔ ɛwie ala ɛne.

Ayezaya Buluku ne 29:10

Ɔluakɛ Ɛdɛnkɛma ɛva nafelɛ sunsum ɛwula bɛ na bɛbalafe botoo, na bɛmɛ Nyamenle kpɔmanvolɛma, yeheda bɛ nye, yɛɛ yeheda ɛnyelɛzodeɛnwunlɛma ati zo.

Ayezaya Buluku ne 30:10

Bɛka bɛkile ɛnyelɛzodeɛnwunlɛma kɛ “Bɛmmanwu debie,” na bɛaze Nyamenle kpɔmanvolɛma kɛ, “Bɛmmaka Nyamenle nrɛlaleɛ biala mɔɔ le nɔhalɛ la bɛkile yɛ. Bɛha mɔɔ le menlemenle nee nrɛlaleɛ mɔɔ ɛnle nɔhalɛ la.

Emɔzo Buluku ne 7:12

Akee Amazaya hanle hilele Emɔso kɛ, “Nyamenle kpɔmanvolɛ, wɔha bie a yeyɛ boɛ! Sia kɔ Dwuda, kɔbɔ wɔ Nyamenle nrɛlaleɛ ne nolo wɔ nehane na di nwolɛ aleɛ.

1 Kɔl 12:17

Saa sonlabaka ne kpokpoti le ɛnyelɛ a, kɛ ɔkɛyɛ na yeade edwɛkɛ ɛ? Saa sonlabaka ne kpokpoti le ɛnzolɛ a, kɛ ɔkɛyɛ na yeade nvoanle ɛ?

Maanlebuvolɛma Buluku ne 1:1

Dwɔhyua wule la, Yizilayɛma bizale Ɛdɛnkɛma kɛ, “Nwane yɛɛ ɛlumua ɛhɔteta Keenama ɔ nee bɛ ɛho a?”

Maanlebuvolɛma Buluku ne 18:5

Bɛzele kpavolɛ ne kɛ, “Yɛsɛlɛ wɔ, biza Nyamenle, saa yɛ adendulɛ ye kɛyɛ saleɛ kɛmaa yɛ a.”