1 Sam 9:7 - BAEBOLO ANZƐƐ BULUKU NWUANZANWUANZA

⁷ Sɔɔlo bizale ye kɛ, “Saa yɛkɔ a, duzu debie yɛɛ yɛbava yɛamaa ye a? Yɛnlɛ aleɛ biala wɔ yɛ bɔlɛ nu, yɛɛ yɛnlɛ debie biala mɔɔ yɛfa yɛamaa ye a.”

1 Sam 9:7 ပူးပေါင်းရင်းမြစ်များ

1 Arl 13:7

Na belemgbunli ne hanle hilele Nyamenle kpɔmanvolɛ ne kɛ, “Maa yɛhɔ sua nu kɔnlo nzule, di debie, na mɔɔ wɔyɛ la, ɔwɔ kɛ meyɛ wɔ nyele.”

1 Arl 14:3

Fa kpanwo ahunguma bulu nee ‘Keeki’ nee wolɛ toba ko kɔmaa ye na biza yɛ ra ye ewule ne ati; ɔbaha mɔɔ bazi ɔ nwo zo la yeahile wɔ.”

2 Arl 4:42

Mekɛ bie noko, nrenya bie vi Beeyale-Hyalehya vale kpanwo ahunguma abulanwiɔ yɛɛ abɛlɛ mɔɔ bɔ zo mɔɔ bɛlɛbu zolɛ la kodoku nu rɛlɛle Yilaehya. Na Yilaehya zele ye sonvolɛ ne kɛ, “Fa maa Nyamenle kpɔmanvolɛma asa azo ne mɔ maa bɛli.”

2 Arl 5:15

Yemɔti ɔziale ɔrale Yilaehya ɛkɛ ne na ɔhanle kɛ, “Kɛkala, akee menwu kɛ Nyamenle ɛnle ɛleka biala kɛ Yizilayɛ ala; zɔhane ati, yɛmenle, die me sa nu ahyɛlɛdeɛ.”

2 Arl 5:5

Na Belemgbunli ne zele kɛ, “Ɛnee kɔ ɛ. Mekɛlɛ kɛlata meamaa wɔahɔmaa Yizilayɛ belemgbunli ne.” Yemɔti Neeman vale dwɛtɛ fufule apenle ngoko abulasa, ezukoa nvutuke apenle nsia yɛɛ ɛvoyialilɛ adɛladeɛ ngakyile bulu na ɔzile nu ɔhɔle.

2 Arl 8:8

Belemgbunli zele Hazeeyɛle kɛ, “Fa ahyɛlɛdeɛ, na kɔyia Nyamenle kpɔmanvolɛ ne, na maa ɔbiza Ɛdɛnkɛma saa menwɔde kpɔkɛ a.”

2 Arl 8:9

Yemɔti Hazeeyɛle vale Dɛmasekɛse ninyɛne dɔɔnwo wulowulale bɛ ahodoku nu zoale afunlumu abulanla na ɔvale ɔhɔyiale Yilaehya kɛ, “Wɔ dehelɛ, Belemgbunli Bɛneheedade ɛnde kpɔkɛ, na yezoa me kɛ membambiza saa ɔkɛde kpɔkɛ a.”

Yizikeɛle Buluku ne 13:19

Bɛbɔ adalɛ bɛhile me menli ne mɔ mɔɔ kulo adalɛ la, bɛgua me nyunlu aze wɔ me menli ne anyunlu, bɛlie baale nee kpanwo, bɛhu menli mɔɔ ɔnle kɛ wu la, na bɛlie menli mɔɔ fɛta ewule la ngoane.

Maanlebuvolɛma Buluku ne 6:18

Mesɛlɛ wɔ, mmafi ɛke ɛkɔ, kɔkpula mekɛ mɔɔ menwɔva me aleɛ ahyɛlɛdeɛ menwɔrɛlɛ wɔ la.” Ɛdɛnkɛma soanvolɛ ne zele ye kɛ, “Mebahendɛ toonwo kɔkpula mekɛ mɔɔ ɛkɛzia ɛkɛra la.”