1 Sam 9:6 - BAEBOLO ANZƐƐ BULUKU NWUANZANWUANZA

⁶ Na sonvolɛ ne zele ye kɛ, “Nyamenle sonla bie wɔ suakpole ɛhye azo. Awie biala di ye eni, ɔluakɛ edwɛkɛ biala mɔɔ ɔkɛha la yɛ zɔhane. Maa yɛhɔ ɔ nwo ɛkɛ, wɔannea a ɔkɛhola ɔkɛhile yɛ ɛleka mɔɔ yɛkɛnwu asoaso ne mɔ la.”

1 Sam 9:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:42

“Ɛnɛ ala a membandwule nzubula ne anwo a, na menganle kɛ, ‘O Ɛdɛnkɛma, me menle Ebileham Nyamenle, saa amgba ala me adendulɛ ye kɛyɛ saleɛ a,

2 Sam 15:27

Belemgbunli ne eza zele sɛlɛvolɛ Zeedɔko kɛ, “Fa ɛ ra nrenya Ahaemaze nee Abayata ara nrenya Dwɔnatan sia kɔ suakpole ne azo anzonudwolɛ nu.

1 Arl 13:1

Mekɛ ne anu ɛnee Ɛdɛnkɛma ɛva ɔ nloa edwɛkɛ ɛzoa Dwuda Nyamenle kpɔmanvolɛ ko wɔ Bɛtɛle. Ɔhɔdwule ɛkɛ ne wɔ mekɛ mɔɔ ɛnee Gyɛlɔbowam gyi azukponle ne anwo ɛlɛkpu ɛyɛlɛ la.

2 Arl 5:8

Na mɔɔ Nyamenle kpɔmanvolɛ Yilaehya dele edwɛkɛ ne nee kɛ belemgbunli ne zile suosuanle ye tɛladeɛ mɔɔ ɔwula la anu la, ɔzoanle ɔmanle bɛhɔzele ye kɛ, “Na duzu ati yɛɛ wɔsuosua wɔ tɛladeɛ ne anu a? Maa ɔrɛla me nwo ɛke amaa yeanwu kɛ Nyamenle kpɔmanvolɛ wɔ Yizilayɛ.”

2 Arl 6:6

Yilaehya bizale ye kɛ, “Nienwu a ɔdɔle a?” Nrenya ne hilele ye ɛleka mɔɔ ɔdɔle la. Yilaehya pɛle baka ekyi ko vuandinle dole azule ne anu na akuma tile ne tulule.

Edwɛndolɛ Buluku ne 25:12

Nwane a le sonla ne mɔɔ sulo Ɛdɛnkɛma la? Yemɔ yɛɛ Ɛdɛnkɛma bahilehile ye adenle mɔɔ ɔwɔ kɛ ɔfa nu la a.

Ayezaya Buluku ne 44:26

Medame a memaa me sonvolɛma edwɛkɛ di munli, na meyɛ mɔɔ me soanvolɛma kɛha la. Meka ye Gyɛlusalɛm anwo kɛ, ‘Menli baradɛnla zolɛ,’ na meka mekile Dwuda azuamgbole kɛ, ‘Bɛbakyekye bɛ fofolɛ, na mebakyekye bɛ azuamgbole mɔɔ ɛzɛkye la.’

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

Mɛla 33:1

Nyilalɛ mɔɔ Nyamenle sonla Mosisi zɛlɛle manle Yizilayɛma kolaa na yeawu la ɛne:

1 Tɛs 2:10

Bɛ nee Nyamenle bɛdi yɛ daselɛ kɛ yɛ subane mɔɔ yɛhilele yɛhilele bɛdabɛ mɔɔ bɛliele bɛlile la le bɔkɔbɔkɔ, ɔle fɔɔnwo mɔɔ evinli biala ɛnle nwo a.

1 Tɛs 5:13

Bɛli bɛ eni kpole kpalɛ na bɛhulo bɛ wɔ bɛ gyima ne mɔɔ bɛyɛ la ati. Bɛmaa bɛ muala bɛ nloa ɛzɛ bɛ nwo.

1 Tem 6:11

Na wɔmɔ, Nyamenle sonla, twe ɛ nwo fi ninyɛne ɛhye mɔ anwo, na pele kpondɛ pɛlepɛlelilɛ, anwondelɛ, diedi, ɛhulolɛ, abotane yɛɛ bɛtɛɛyɛlɛ bo zo.

1 Sam 2:27

Nyamenle kpɔmanvolɛ bie vale Ɛdɛnkɛma nrɛlaleɛ rɛlɛle Yilae kɛ, “Ɛdɛnkɛma se, ‘Mekɛ mɔɔ bɛ nlenya Aalɔn nee ye abusua ne wɔ akɛlɛ ɛzonlenlɛ nu wɔ Yigyibiti belemgbunli ne abo la, menyele me nwo mengilele bɛ.

1 Sam 9:8

Sonvolɛ ne buale ye kɛ, “Melɛ dwɛtɛ fufule ekyi ko; mebava meamaa ye, na yeahile yɛ ɛleka mɔɔ yɛkɛnwu asoaso ne mɔ la.”