1 Sam 9:3 - BAEBOLO ANZƐƐ BULUKU NWUANZANWUANZA

³ Sɔɔlo ɔ ze Kehye asoaso ne bie mɔ minlinle. Yemɔti Kehye zele Sɔɔlo kɛ, “Fa sonvolɛma ne mɔ ko na ɛ nee ye ɛhɔ bɛhɔkpondɛ asoaso ne mɔ.”

1 Sam 9:3 ပူးပေါင်းရင်းမြစ်များ

Maanlebuvolɛma Buluku ne 10:4

Ɔwole mrenya abulasa yɛɛ ɛnee bɛlɛ asoaso abulasa. Eza bɛlɛ azuamgbole mɔɔ bɛfɛlɛ bɛ Gyeeyɛɛ namunamu la abulasa wɔ Geleade maanle ne anu. Na ɛnɛ nee ɛnɛ ala bɛtɛfɛlɛ bɛ zɔhane ala.

Maanlebuvolɛma Buluku ne 5:10

Bɛmɛ mɔɔ bɛtɛnla asoaso fufule zo, na bɛtɛnla asoaso mbia fondonloo zo, nee bɛmɛ mɔɔ bɛdua aze la, bɛbɔ nolo!

1 Sam 10:14

Sɔɔlo awuvuanyi ne nwunle Sɔɔlo nee ye sonvolɛ ne; ɔbizale bɛ kɛ, “Nienwu a bɛhɔle a?” Sɔɔlo buale kɛ, “Yɛhɔle asoaso ne mɔ ɛkpondɛlɛ. Mɔɔ yɛkpondɛle bɛ toonwo na yɛannwu bɛ la, yɛhɔle Samoɛle anwo lɔ.”

1 Sam 10:2

Saa ɛvi me nwo ɛke ɛnɛ a, ɛ nee mrenya nwiɔ bayia Relahyɛle sɛka ne anwo wɔ Zɛleza mɔɔ wɔ Bɛngyaman maanzinli nu la. Bɛbaze wɔ kɛ asoaso ne mɔ mɔɔ ɛhɔle bɛ ɛkpondɛlɛ la, bɛnwu bɛ, yemɔti ɛ ze ɛndwenle bɛ nwo bieko na wɔmɔ yɛɛ akee ɔlɛdi ɛ nwo nyane a, na ɔbiza ɔ nwo kɛ, ‘Na me ra ne, duzu a menyɛ a?’

1 Sam 9:2

Kehye wole ralɛ nrenya na ɔdonle ye Sɔɔlo. Wɔ Yizilayɛ maanle ne anu, nrenya biala anwo ɛnyɛ fɛ nee Sɔɔlo ɛnzɛ. Ɔle nrenya tendenle ɔtɛla awie biala.

1 Sam 9:20

Wɔ asoaso ne mɔ mɔɔ ɛnɛ kenle nsa minlinle la, mmadwenle nwolɛ na bɛnwu bɛ. Na nwane yɛɛ Yizilayɛma ɛlɛkpondɛ ye ɛsesebɛ a? Ɛdawɔ ɔ, wɔmɔ nee ɛ ze sua nu amra.”

1 Sam 9:4

Bɛhɔluoluale Yifelaem awoka ne mɔ azo nee mbɔnza ne mɔ anu nee Hyalehya maanzinli ne anu, na bɛannwu bɛ. Bɛhɔkpondɛle bɛ wɔ Hyeeyalem azɛlɛ zo, na bɛannwu bɛ. Eza bɛhɔkpondɛle bɛ wɔ Bɛngyaman azɛlɛ zo, na bɛannwu bɛ.