1 Sam 9:16 - BAEBOLO ANZƐƐ BULUKU NWUANZANWUANZA

¹⁶ “Ɛhyema, bekezɛ ala, mebamaa nrenya bie mɔɔ vi Bɛngyaman abusua ekpunli ne anu la ara ɛ nwo ɛke. Kpokpa ye nwole kɛ ɔli belemgbunli ɔzie me menli Yizilayɛma. Ɔbalie bɛ yeavi Filisitiama asa anu. Menwu bɛ amaneɛnwunlɛ ne amuala yɛɛ mede bɛ ɛzunlɛ ne mɔɔ bɛlɛsu bɛabiza moalɛ la.”

1 Sam 9:16 ပူးပေါင်းရင်းမြစ်များ

2 Sam 3:18

Kɛkala, mekɛ ne akee ɛdwu, ɔluakɛ Ɛdɛnkɛma ɛbɔ Devidi ɛwɔkɛ kɛ, ‘Mebalua me sonvolɛ Devidi anwo zo mealie me menli Yizilayɛma meavi Filisitiama nee bɛ kpɔvolɛma mɔɔ ɛha la asa anu.’ ”

2 Arl 20:5

kɛ ɔzia ɔhɔ Hɛzikaya mɔɔ sie Ɛdɛnkɛma menli ne la anwo ɛkɛ ɔhɔze ye kɛ, “Medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne, menwu wɔ monle mɔɔ wɔhwi la. Mebayɛ wɔ ayile na ɛnɛ anwo zo kenle nsa, ɛbahɔ Ɛzonlenlɛ Sua ne anu.

Edwɛndolɛ Buluku ne 102:1

O Ɛdɛnkɛma, tie me nzɛlɛlɛ; maa me ɛzunlɛ ɛdwu ɛ nyunlu.

Edwɛndolɛ Buluku ne 106:44

Noko akee ɔdele bɛ ɛzunlɛ ne la, ɔ kunlu yelɛyelale ye wɔ bɛ amaneɛnwunlɛ nwo.

Edwɛndolɛ Buluku ne 25:18

Nea me nyane nee me amaneɛnwunlɛ ne mɔ, na fa me ɛtane muala kyɛ me.

Mrɛlɛbulɛ Buluku ne 16:9

Sonla fa ye adwenle suzu mɔɔ ɔbayɛ la, na Ɛdɛnkɛma a kile mɔɔ ɔwɔ kɛ ɔyɛ la a.

Gyɛlɛmaya Buluku ne 32:8

Kɛmɔ Ɛdɛnkɛma zele me ala la, me diema Hanamili rale me nwo ɛkɛ wɔ belemgbunli sinzavolɛma sua nu ɛkɛ, na ɔzele me kɛ, ‘Tɔ me azɛlɛ ne mɔɔ wɔ Anato mɔɔ wɔ Bɛngyaman azɛlɛ zo la, ɔluakɛ wɔmɔ a ɛlɛ nwolɛ adenle kɛ ɛtɔ a. Zɔhane ati tɔ azɛlɛ ne maa ɔrali ɛ sa nu.’ Yemɔti menliele edwɛkɛ ne mendole nuhua kɛ Ɛdɛnkɛma a ɛdendɛ ɛhile me a.

1 Sam 10:1

Akee Samoɛle vale dwora mɔɔ nwole wɔ nu la, ɔwolale ɔguale Sɔɔlo ati zo, ɔvole ɔ nvoka anwo na ɔzele kɛ, “Ɛdɛnkɛma ɛye wɔ kɛ ɛzie ye menli Yizilayɛma. Ɛbazie bɛ na wɔalie bɛ wɔavi bɛ kpɔvolɛma asa anu. Na ɛhye a le sɛkɛlɛneɛ mɔɔ bahile kɛ Ɛdɛnkɛma ɛye wɔ kɛ ɛzie ye menli ne la a.

1 Sam 14:20

Sɔɔlo boɔboale ye ɛlɔnema ne anloa na ɔvale konle ɔdoale Filisitiama. Mekɛ ne anu ɛnee Filisitiama adwenle ɛha ɛbɔ nu, na anyezota ɛmaa bɛdabɛ bɛ ngome bɛpɛ bɛ nwo bɛlɛko bɛahuhu bɛ nwo.

1 Sam 14:23

toonwo hɔle Bɛtehavɛn anzi lɔ a. Na Ɛdɛnkɛma liele Yizilayɛma kenle ko ne.

1 Sam 15:1

Samoɛle zele Sɔɔlo kɛ, “Ɛdɛnkɛma zoanle me manle memkpokpale wɔ nwole menziele wɔ Yizilayɛma belemgbunli, zɔhane ati tie Ɛdɛnkɛma nrɛlaleɛ ne.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:3

Anrɛɛ to ɛsalɛ fɛlɛ Gyɛsi wɔ azubɔlɛ ne abo, na mebahile wɔ debie mɔɔ ɔwɔ kɛ ɛyɛ la. Ahenle mɔɔ mebaye ye meamaa wɔ la, fa nwole gua ɔ ti zo sie ye belemgbunli.”