1 Sam 8:8 - BAEBOLO ANZƐƐ BULUKU NWUANZANWUANZA

⁸ Sumunli kɛ menyele bɛ menvile Yigyibiti la, bɛhakyi bɛ nzi bɛzi me na bɛzonle nyamenle ngakyile ngakyile; mɔɔ bɛyɛle bɛmanle me la, zɔhane ala yɛɛ bɛlɛyɛ bɛamaa wɔ a.

1 Sam 8:8 ပူးပေါင်းရင်းမြစ်များ

Edwɛndolɛ Buluku ne 78:8

amaa bɛanyɛ kɛ bɛ nlenya mɔ, bɛanyɛ awolɛndoazo atuadelɛma nee anzosesebɛ; awolɛndoazo mɔɔ ɛnnea ɛleka ko, mɔɔ ɛnli nɔhalɛ ɛmmaa Nyamenle la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:3

Bɛzele Mosisi nee Aalɔn kɛ, “Ɔle kpalɛ kɛ anrɛɛ Ɛdɛnkɛma hunle yɛ wɔ Yigyibiti azɛlɛ zo. Ɛkɛ ne, yɛdɛnlanle aze yɛlile nane nee aleɛ yɛ ko yile tɛkɛɛ. Bɛva yɛ bɛragua fienemgbole ye anu bɛmaa ɛhɔne ahu menli pemgbenleamgbe ɛhye.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:2

Yemɔti menli ne hɔle Mosisi anwo zo na bɛzele ye kɛ, “Maa yɛ nzule yɛnlo.” Na Mosisi hanle hilele bɛ kɛ, “Duzu ati a bɛra me nwo zo bɛbabɔ me somolɛ a? Duzu ati a bɛlɛsɔ Ɛdɛnkɛma bɛanlea a?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:1

Mɔɔ menli ne nwunle kɛ Mosisi akee ɛhyɛ somaa wɔ boka ne azo na ɔmba la, bɛ muala bɛhɔle Aalɔn anwo ɛkɛ bɛhɔzele ye kɛ, “Maa ɔyɛ ndɛndɛ maa yɛ nyamenle maa ɔli yɛ nyunlu, ɔluakɛ Mosisi ɛhye, mɔɔ yemɔ a le sonla mɔɔ yele yɛ vile Yigyibiti azɛlɛ zo la, yɛnze mɔɔ kɛkala ɛzi ɔ nwo zo a.”

Gyɛlɛmaya Buluku ne 34:14

ɛvolɛ nsuu biala awie biala mɔɔ ɛdɔ ɔ diema Hibulunli kɛ ɔle kanra na yezonle ye ɛvolɛ nsia la, ɔwɔ kɛ gyakyi ye bɔkɔɔ maa ɔfa ɔ nwo ɔdi. Noko bɛ nlenya mɔ andie me ne anzɛɛ bɛampili me bɔbɔ.

Yizikeɛle Buluku ne 2:3

Ɔse, “Sonla ra, mesoa wɔ wɔ Yizilayɛma anwo ɛkɛ. Bɛle maanle mɔɔ te atua a, na bɛde me nwo atua. Bɛ nee bɛ ze mɔ bɛtietia me mɛla zo toonwo a yeradwu ɛnɛ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:41

Aleɛ hyenle bieko la, menli ne kɔsɔɔti dendɛle tiale Mosisi nee Aalɔn hanle kɛ, “Bɛhu Ɛdɛnkɛma menli ne bie mɔ.”

Mɛla 9:24

Sumunli kɛ medame menwunle bɛ ala la, atua ala a bɛte wɔ Ɛdɛnkɛma anwo a.

Maanlebuvolɛma Buluku ne 13:1

Eza Yizilayɛma yɛle ɛtane bieko tiale Ɛdɛnkɛma. Yemɔti Ɛdɛnkɛma vale bɛ wulale Filisitiama abo ɛvolɛ abulanla.

Maanlebuvolɛma Buluku ne 2:20

Ɛdɛnkɛma vale Yizilayɛma anwo ɛya na ɔzele kɛ, “Kɛmɔ menli ɛhye mɔ ɛtulu me ngyekyeleɛ ne mɔɔ me nee bɛ ze mɔ kyekyele, na bɛandie me ne la,

Maanlebuvolɛma Buluku ne 4:1

Yihɛde ewule ne anzi, Yizilayɛma bɔle bɛ munzule ɛbɛla ne bieko tiale Ɛdɛnkɛma.

Maanlebuvolɛma Buluku ne 6:1

Yizilayɛma eza yɛle ɛtane tiale Ɛdɛnkɛma, na Ɛdɛnkɛma manle Medeanema ziele bɛ ɛvolɛ nsuu.

1 Sam 8:7

na Ɛdɛnkɛma zele Samoɛle kɛ, “Edwɛkɛ biala mɔɔ menli ne kɛha kɛhile wɔ la, tie. Tɛ wɔmɔ yɛɛ bɛkpo wɔ a; mame yɛɛ bɛkpo me kɛ ɛnɛ menle bɛ belemgbunli bieko a.

1 Sam 8:9

Yemɔti, wɔmɔ tie bɛ. Noko bɔ bɛ kɔkɔ ɛsesebɛ, na maa bɛnwu adenle mɔɔ bɛ belemgbunli ne balua nu azie bɛ la.”