1 Sam 8:7 - BAEBOLO ANZƐƐ BULUKU NWUANZANWUANZA

⁷ na Ɛdɛnkɛma zele Samoɛle kɛ, “Edwɛkɛ biala mɔɔ menli ne kɛha kɛhile wɔ la, tie. Tɛ wɔmɔ yɛɛ bɛkpo wɔ a; mame yɛɛ bɛkpo me kɛ ɛnɛ menle bɛ belemgbunli bieko a.

1 Sam 8:7 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:8

Na Mosisi hanle kɛ, “Nɔsolɛ nu Ɛdɛnkɛma bamaa bɛ nane bɛali na nwonlomɔ nu yeamaa bɛ kpanwo bɛali bɛ ko ayi, ɔboalekɛ Ɛdɛnkɛma ɛde bɛ ɛdendɛlɛ mɔɔ bɛtendɛ bɛtia ye la, na yɛmɛ, yɛle duzu? Tɛ yɛmɛ yɛɛ bɛtendɛ bɛatia yɛ a, bɛtendɛ bɛtia Ɛdɛnkɛma.”

Ayezaya Buluku ne 66:4

Mebamaa bɛanwu amaneɛ, yɛɛ mebamaa amaneɛnwunlɛ ne mɔɔ bɛsulo ye la ara bɛ nwo zo, ɔboalekɛ menvɛlɛle la, awie anlie zolɛ, mendendɛle la, bɛandie; bɛyɛle mɔɔ le ɛtane wɔ me nye zo la, na bɛvale mɔɔ me nye ɛnlie nwolɛ la.”

Gyɛlɛmaya Buluku ne 34:14

ɛvolɛ nsuu biala awie biala mɔɔ ɛdɔ ɔ diema Hibulunli kɛ ɔle kanra na yezonle ye ɛvolɛ nsia la, ɔwɔ kɛ gyakyi ye bɔkɔɔ maa ɔfa ɔ nwo ɔdi. Noko bɛ nlenya mɔ andie me ne anzɛɛ bɛampili me bɔbɔ.

Yizikeɛle Buluku ne 2:3

Ɔse, “Sonla ra, mesoa wɔ wɔ Yizilayɛma anwo ɛkɛ. Bɛle maanle mɔɔ te atua a, na bɛde me nwo atua. Bɛ nee bɛ ze mɔ bɛtietia me mɛla zo toonwo a yeradwu ɛnɛ a.

Yizikeɛle Buluku ne 3:7

Noko Yizilayɛma ɛdeɛ, bɛnrɛdie wɔ, ɔluakɛ bɛngulo kɛ bɛtie me ne, ɔboalekɛ Yizilayɛma kɔsɔɔti ati anu le bile, yɛɛ bɛ ahonle ɛsolo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:20

Na nɔe ne, Nyamenle rale Beelam anwo ɛkɛ na ɔzele ye kɛ, “Saa menli ne ɛraha ɛhile wɔ kɛ ɛmaa bɛhɔ a, ɛnee boɔboa ɛ nwo ɛ nee bɛ ɛhɔ, na mɔɔ menwɔha menwɔhile wɔ la, yemɔ ala yɛɛ yɛ a.”

Edwɛkpa ne kɛmɔ Mateyu hɛlɛle la 10:40

“Awie mɔɔ kɛlie bɛ la ɛlie medame; mɔɔ kɛlie me noko la ɛlie mɔɔ zoanle me la.

Edwɛkpa ne kɛmɔ Luku hɛlɛle la 10:16

Gyisɛse zele ye ɛdoavolɛma ne kɛ, “Sonla mɔɔ kɛdie bɛ la ɛdie me; sonla mɔɔ andie bɛ la andie me, yɛɛ mɔɔ andie me la andie ahenle mɔɔ zoanle me la.”

Edwɛkpa ne kɛmɔ Luku hɛlɛle la 19:14

Kɛmɔ ɔdaye ye maanle ne anu amra kpɔ ye la ati, bɛdule menli bɛmanle bɛhɔzele kɛ, ‘Yɛngulo kɛ nrenya ɛhye di yɛ belemgbunli.’

Edwɛkpa ne kɛmɔ Luku hɛlɛle la 19:27

Akee me agbɔvolɛ ne mɔ mɔɔ se bɛngulo kɛ medi bɛ belemgbunli la, bɛva bɛ bɛrɛla bɛrahu bɛ wɔ me nyunlu ɛke!’ ”

Dw 13:16

Meka nɔhalɛ meahile bɛ: Akɛlɛ biala ɛnle kpole ɛndɛla ɔ menle; soanvolɛ biala ɛnle kpole ɛndɛla ahenle mɔɔ zoanle ye la,

Maanlebuvolɛma Buluku ne 8:23

Gedɛyɔn buale kɛ, “Menrɛli bɛ nwo zo kpanyinli, yɛɛ me ra noko zɔhane ala. Ɛdɛnkɛma a bali bɛ nwo zo kpanyinli a.”

1 Sam 10:19

Mele bɛ Nyamenle mɔɔ die bɛ fi bɛ ngyegyelɛ nee bɛ ngyianlɛ muala anu a. Noko ɛnɛ bɛkpo me na bɛze me kɛ, memaa bɛ belemgbunli.’ Yemɔti bɛ kɔsɔɔti bɛrɛla bɛrayia Ɛdɛnkɛma anyunlu ɛke, bɛgua ye mbusua ekpunli ekpunli nee mbusua ekpulike ekpulike, kɛmɔ ko biala dodo de la.”

1 Sam 12:1

Akee Samoɛle zele Yizilayɛma kɔsɔɔti kɛ, “Mɔɔ bɛzele me kɛ menyɛ la, meyɛ mewie. Memaa bɛ belemgbunli kɛ ɔzie bɛ.

1 Sam 12:12

Na mɔɔ Amɔn Belemgbunli Neehahye vale konle radoale bɛ la, bɛkpole Ɛdɛnkɛma kɛ ɔnle bɛ belemgbunli bieko na bɛzele me kɛ, ‘Maa yɛ belemgbunli maa ɔzie yɛ.’

1 Sam 8:22

Ɛdɛnkɛma zele Samoɛle kɛ, “Kɛmɔ bɛdabɛ bɛbiza la, yɛ ye zɔhane na ye belemgbunli maa bɛ.” Akee Samoɛle zele Yizilayɛma kɔsɔɔti kɛ awie biala ɛhɔ ye sua zo.

1 Sam 8:8

Sumunli kɛ menyele bɛ menvile Yigyibiti la, bɛhakyi bɛ nzi bɛzi me na bɛzonle nyamenle ngakyile ngakyile; mɔɔ bɛyɛle bɛmanle me la, zɔhane ala yɛɛ bɛlɛyɛ bɛamaa wɔ a.