1 Sam 8:3 - BAEBOLO ANZƐƐ BULUKU NWUANZANWUANZA

³ Noko bɛanva bɛ ze agyakɛ. Bɛ nye bolole ezukoa, bɛliele ndoloboa na bɛbule bɛ nye bɛguale pɛlepɛlelilɛ zo.

1 Sam 8:3 ပူးပေါင်းရင်းမြစ်များ

2 Sam 15:4

Eza ɔfa ɔsɔ zolɛ kɛ, “Me kunlu a anrɛɛ mame a mele maanle ye ndɛnebuavolɛ a! Anrɛɛ awie biala mɔɔ kɛva ye edwɛkɛ kɛrɛlɛ me la menwɔli ye nɔhalɛ nu menwɔmaa ye.”

Edwɛndolɛ Buluku ne 15:5

Ɔmbɔ bosea ɔnlie nzinwo, yɛɛ ɔnlie ndoloboa ɔntia mɔɔ ɛnze nwolɛ bie la. Sonla mɔɔ yɛ ɛhye mɔ la anwo kɔlɔnwo dahuu.

Edwɛndolɛ Buluku ne 26:10

Menli zɛhae mɔ dwenle ɛtane nwo, bɛ sa fema nu le ndoloboa ngome.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:21

Akee ye menli mɔɔ di munli wɔ menli ne anu la, menli mɔɔ sulo Nyamenle, menli mɔɔ di nɔhalɛ, yɛɛ menli mɔɔ kyi ndoloboa la, na maa menli zɛhae mɔ ɛnlea menli apenle apenle, menli ɛya ɛya, menli abulanlu abulanlu, yɛɛ menli bulu bulu nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:6

“Saa ehyianvolɛ nyia edwɛkɛ a, bɛmmakyea nɔhalɛ ne anye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:8

Bɛmmadie ndoloboa, ɔluakɛ ndoloboa si mgbanyima mɔɔ di edwɛkɛ la anye na ɔsɛkye menli mɔɔ di benle la edwɛkɛ.

Nolo 2:19

na nwane a ze a, saa ɔle nrɛlɛbɛvolɛ anzɛɛ ɔle koasea a? Noko akee ɔbahendehende debie biala mɔɔ meva me nrɛlɛbɛ mevɛ mekpondɛ la azo. Ɛhye noko le mgbane.

Ayezaya Buluku ne 1:23

Bɛ arelemgbunli le atuadelɛma yɛɛ bɛva nwule agɔnwolɛ. Awie biala kulo ndoloboa yɛɛ bɛpele bɛkpondɛ ahyɛlɛ ninyɛne. Bɛnlie mɔɔ ɛnlɛ ɔ ze la ati, yɛɛ bɛndwenle ahunlanvolɛ mraalɛ ne mɔ anwo.

Ayezaya Buluku ne 33:15

Sonla ne mɔɔ dua tenlene adenle nu na ɔtendɛ fɔɔnwo, mɔɔ kpo nzisima nvasoɛ, ɔkpɔlɔkpɔla ɔ sa anwo wɔ ndoloboalielɛ nwo, ɔtuodua ɔ nzo wɔ kɔdiawu ɛbɛla nwo, na ɔmuomua ɔ nye wɔ ɛtaneyɛlɛ nwo la,

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Mɛla 16:19

Bɛmmadi mɔguazo, bɛmmanea sonla nyunlu yɛɛ bɛmmadie ndoloboa, ɔluakɛ ndoloboa ɛlielɛ si nrɛlɛbɛvolɛ bɔbɔ anye na ɔsɛkye mɔɔ di pɛlepɛle la adenle ɔmaa ɔbua mgbɔvodɛne.

1 Tem 3:3

ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

1 Sam 12:2

Kɛkala, bɛnyia belemgbunli mɔɔ bali bɛ ti a. Akee meyɛ kpanyinli; me ti zo ɛyɛ nwohyee. Eza bɛnlea, me mra mrenya ne mɔ wɔ bɛ avinli. Sumunli me mgbavolɛ nu, meli bɛ ti toonwo a yeradwu ɛnɛ a.

1 Sam 2:35

Mebaye sɛlɛvolɛ mɔɔ bali nɔhalɛ amaa me na yeayɛ debie biala mɔɔ menwɔze ye kɛ ɔyɛ la. Mebamaa ye nlɔnra mɔɔ dahuu bazonle me wɔ belemgbunli ne mɔɔ mebaye ye la abo a.