1 Sam 7:9 - BAEBOLO ANZƐƐ BULUKU NWUANZANWUANZA

⁹ Samoɛle hunle boane ralɛ mɔɔ tɛno nyɛfonlɛ la yelale ye mumua ne bɔle azu manle Ɛdɛnkɛma. Akee ɔzɛlɛle Ɛdɛnkɛma kɛ ɔboa Yizilayɛma na Ɛdɛnkɛma diele ye nzɛlɛlɛ ne.

1 Sam 7:9 ပူးပေါင်းရင်းမြစ်များ

Edwɛndolɛ Buluku ne 50:15

Bɛzu bɛvɛlɛ me kenle biala mɔɔ ngyegyelɛ kɛdo bɛ la, na mebalie bɛ, na bɛaye me ayɛlɛ.”

Edwɛndolɛ Buluku ne 99:6

Mosisi nee Aalɔn boka ye sɛlɛvolɛma ne, Samoɛle boka bɛdabɛ mɔɔ bɛzonlenle ye la. Bɛdeanle bɛvɛlɛle Ɛdɛnkɛma, na ɔliele bɛ zo.

Gyɛlɛmaya Buluku ne 15:1

Akee Ɛdɛnkɛma zele me kɛ, “Saa Mosisi nee Samoɛle bɔbɔ bagyinla me nyunlu kpa kyɛlɛ a, menrɛva menli ɛhye mɔ anwo edwɛkɛ menrɛhyɛ bɛ ɛlɛ. Ye bɛ fi me nye zo,

Sɛlɛ 22:27

“Saa ɛnlankɛ, boane anzɛɛ abɔnkye wo fofolɛ a, ɔwɔ kɛ ɔboa ɔ nli anwo ɛkɛ kenle nsuu. Ɔvi kenle mɔtwɛ ne azo mɔɔ kɔ la, saa bɛfa bɛbɔ ɛyelalɛ azu bɛmaa Ɛdɛnkɛma a ɔkɛlie.

Mɛla 9:26

Na menzɛlɛle Ɛdɛnkɛma kɛ, ‘O Ɛdɛnkɛma Nyamenle, mmabɔ wɔ menli ne mɔɔ le wɔ agyadeɛ, mɔɔ wɔva wɔ kpoleyɛlɛ nee tumi kpole wɔlie bɛ, na wɔye bɛ wɔvi Yigyibiti la abo zo.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

Maanlebuvolɛma Buluku ne 6:26

Akee fa awolɛ siezie bɛ gyɛlɛɛnye na si azukponle wɔ ezukue ɛhye azo maa Ɛdɛnkɛma wɔ Nyamenle ne. Fa Ahyela baka ne mɔɔ ɛbapɛ la wuda senle na yela ɛnlankɛ nyinli ne fa bɔ azu maa Ɛdɛnkɛma.”

Maanlebuvolɛma Buluku ne 6:28

Nwonlomɔ mangyee ne mɔɔ ezuavolɛ ne vi nla nu dwazole la, bɛnwunle kɛ bɛbubu Beeyale azukponle ne, bɛpɛ Ahyela baka ne mɔɔ gyi nwolɛ la, na bɛva ɛnlankɛ ne mɔɔ tɔ zolɛ nwiɔ ne la bɛbɔ azu wɔ azukponle ne mɔɔ bɛzi la azo.

1 Sam 10:8

Ɛbalumua me nyunlu wɔ Gelegale, na mebarayia wɔ ɛkɛ na mearabɔ ɛyelalɛ nee anzonudwolɛ azu. Anrɛɛ kendɛ me ɛkɛ ne kenle nsuu kɔkpula kɛ menwɔrahile wɔ deɛ mɔɔ ɔwɔ kɛ ɛyɛ la.”

1 Sam 12:17

Bɛ muala bɛze kɛ yɛwɔ wawaa mekɛ nu. Mebazɛlɛ ye meamaa yeamaa maanle nu ahulu na ezule adɔ. Saa ɛhye si a, bɛbanwu kɛ bɛyɛ ɛtane kpole bɛtia Ɛdɛnkɛma kɛ bɛdabɛ bɛbizale bɛliele belemgbunli a.”

1 Sam 16:2

Samoɛle bizale Ɛdɛnkɛma kɛ, “Kɛ menzi mengɔ ye ɛ? Saa Sɔɔlo te nwolɛ bie a, ɔbahu me.” Ɛdɛnkɛma buale ye kɛ, “Fa ɛnlankɛ ekyi ko kɔ, na ka ye kɛ, ‘Mera mebabɔ azu meamaa Ɛdɛnkɛma.’

1 Sam 2:35

Mebaye sɛlɛvolɛ mɔɔ bali nɔhalɛ amaa me na yeayɛ debie biala mɔɔ menwɔze ye kɛ ɔyɛ la. Mebamaa ye nlɔnra mɔɔ dahuu bazonle me wɔ belemgbunli ne mɔɔ mebaye ye la abo a.

1 Sam 7:17

Ɔwie a akee ɔsia ɔkɔ ye sua zo Releema na ɔkɔtoto ɛkɛ ne noko boɛ. Ɔzile azukponle wɔ Releema ɔmanle Ɛdɛnkɛma.

1 Sam 9:12

Mbɛlɛra ne mɔ buale bɛ kɛ, “Ɛhɛe, ɔwɔ ɛkɛ; kɛ ɔdwu suakpole ye azo ala la ɛne. Bɛsa bɛ gyakɛ anu ekyii a bɛbado ye. Saa bɛdwu sua ne azo ala a, bɛbanwu ye kolaa na yeahɔ azubɔlɛ ne, ɔboalekɛ menli ne babɔ azu wɔ azukponle ne mɔɔ wɔ boka ne azo la azo. Menli mɔɔ bɛdo ɛsalɛ bɛvɛlɛ bɛ la bahendɛ toonwo kɔkpula mekɛ mɔɔ ɔkɛyila aleɛ ne azo la na bɛali. Saa bɛka bɛ nwo a, bɛbado ye yeahyɛ kolaa na yeahɔ boka ne azo kɛ ɔkali debie.”