1 Sam 7:4 - BAEBOLO ANZƐƐ BULUKU NWUANZANWUANZA

⁴ Yemɔti Yizilayɛma vuandinle Beeyale ne mɔ nee Asetate ananze ne mɔ guale na bɛzonlenle Ɛdɛnkɛma angomekye.

1 Sam 7:4 ပူးပေါင်းရင်းမြစ်များ

1 Arl 11:33

Ɔboalekɛ Sɔlɔmɔn ɛkpo me yehɔzonle Saedɛn bozonle raalɛ Asetate nee Mowabe bozonle Kimɔhye nee Amɔn bozonle Melekɔn ne. Sɔlɔmɔn ɛdu me nloa ɛdo. Yeyɛ ɛtane, kɛmɔ ɔ ze Devidi yɛle la.

1 Arl 11:5

Sɔlɔmɔn hakyile zonlenle Saedɛnema bozonle raalɛ ne mɔɔ bɛfɛlɛ ye Asetate la nee Amɔnoma bozonle anwo ɛzulolɛ ne mɔɔ bɛfɛlɛ ye Molɛke la.

1 Arl 8:48

Saa bɛnu bɛ nwo wɔ azɛlɛ ne mɔɔ bɛ kpɔvolɛma hyele bɛ donvula hɔle zo la azo na bɛyeye bɛ munli nu, bɛkakyi bɛ nye wɔ bɛ ze mɔ azɛlɛ ye, nee suakpole ɛhye mɔɔ wɔkpa nu wɔye, nee Ɛzonlenlɛ Sua ye mɔɔ mezi memaa wɔ la anwo bɛsɛlɛ wɔ a,

2 Arl 23:15

Belemgbunli Dwosaya manle bɛbubule ɛzonlenlɛ sua bie mɔɔ Belemgbunli Gyɛlɔbowam, Nibate ara ne zile wɔ Bɛtɛle la. Gyɛlɔbowam ɛhye a manle Yizilayɛma kɔsɔɔti yɛle ɛtane la. Dwosaya bubule azukponle ne, ɔbubule ye awolɛ ne mɔ anu na ɔmanle bɛpele ye motomoto. Eza ɔmanle bɛyelale Ahyela ananze ne.

Hozia Buluku ne 14:3

Aselea ɛnrɛhola yɛ die, yɛɛ yɛnrɛvo konle mgbɔnwɔ zo bieko. Yɛnrɛha yɛnrɛhile yɛ mmonle ne mɔ mɔɔ yɛdayɛ yɛyɛ la bieko kɛ bɛle ‘Yɛ Nyamenle.’ O Ɛdɛnkɛma, ɛse nrisa anwunvɔne.”

Hozia Buluku ne 14:8

O Yifelaem, duzu a me nee mmonle lɛ yɛ a? Medame a mebua bɛ nzɛlɛlɛ nwo, menea bɛ nwo zo a. Mele kɛ sepelɛse baka dokodoko, medame a memaa bɛso ma a.”

Maanlebuvolɛma Buluku ne 2:11

Yizilayɛma bɔle munzule ɛbɛla tiale Ɛdɛnkɛma. Bɛkpole Ɛdɛnkɛma, mɔɔ le bɛ ze mɔ Nyamenle ne, mɔɔ yele bɛ vile Yigyibiti azɛlɛ zo la, na bɛzonlenle awozonle Beeyale ne mɔ. Bɛlile nyamenle gyɛne bie mɔ anzi, bɛzonlenle menli mɔɔ ɛbɔ bɛ ɛyia la nyamenle ne mɔ. Bɛbɔle bɛ ti aze bɛmanle bɛ, na Ɛdɛnkɛma vale ɛya kpole.

Maanlebuvolɛma Buluku ne 2:13

Bɛkpole Ɛdɛnkɛma na bɛzonlenle Beeyale ne mɔ nee mmonle Asetate ne mɔ.

1 Sam 7:3

Samoɛle zele Yizilayɛma kɛ, “Saa bɛfa bɛ ahonle kɔsɔɔti bɛazia bɛara Ɛdɛnkɛma ɛkɛ ne a ɛnee bɛkpo bɛ maanle gyɛne nu nyamenle ne mɔ kɔsɔɔti nee bɛ bozonle raalɛ Asetate ananze ne ɛzonlenlɛ. Bɛdu bɛ nwo kɔsɔɔti bɛmaa Ɛdɛnkɛma na bɛzonle ɔ ngomekye na ɔkɛlie bɛ ɔkɛvi Filisitiama asa anu.”

1 Sam 7:5

Akee Samoɛle zele Yizilayɛma kɛ, “Bɛ kɔsɔɔti bɛhɔyia Mezepa na mebazɛlɛ Ɛdɛnkɛma meamaa bɛ.”