1 Sam 7:3 - BAEBOLO ANZƐƐ BULUKU NWUANZANWUANZA

³ Samoɛle zele Yizilayɛma kɛ, “Saa bɛfa bɛ ahonle kɔsɔɔti bɛazia bɛara Ɛdɛnkɛma ɛkɛ ne a ɛnee bɛkpo bɛ maanle gyɛne nu nyamenle ne mɔ kɔsɔɔti nee bɛ bozonle raalɛ Asetate ananze ne ɛzonlenlɛ. Bɛdu bɛ nwo kɔsɔɔti bɛmaa Ɛdɛnkɛma na bɛzonle ɔ ngomekye na ɔkɛlie bɛ ɔkɛvi Filisitiama asa anu.”

1 Sam 7:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:2

Yemɔti Gyekɔbo hanle hilele ye abusua ne nee bɛdabɛ mɔɔ bɛwɔ ye sua nu ɛkɛ ne la kɛ, “Bɛvuandi bɛ nyamenle gyɛne gyɛne ne mɔɔ bɛlɛ la bɛgua, bɛnlua bɛ nwo na bɛhakyi bɛ adɛladeɛ mɔɔ bɛwula la.

1 Arl 11:33

Ɔboalekɛ Sɔlɔmɔn ɛkpo me yehɔzonle Saedɛn bozonle raalɛ Asetate nee Mowabe bozonle Kimɔhye nee Amɔn bozonle Melekɔn ne. Sɔlɔmɔn ɛdu me nloa ɛdo. Yeyɛ ɛtane, kɛmɔ ɔ ze Devidi yɛle la.

1 Arl 8:48

Saa bɛnu bɛ nwo wɔ azɛlɛ ne mɔɔ bɛ kpɔvolɛma hyele bɛ donvula hɔle zo la azo na bɛyeye bɛ munli nu, bɛkakyi bɛ nye wɔ bɛ ze mɔ azɛlɛ ye, nee suakpole ɛhye mɔɔ wɔkpa nu wɔye, nee Ɛzonlenlɛ Sua ye mɔɔ mezi memaa wɔ la anwo bɛsɛlɛ wɔ a,

2 Arl 17:39

Ɔwɔ kɛ bɛyɛ tieyɛ bɛmaa medame, Ɛdɛnkɛma bɛ Nyamenle ne, na mebalie bɛ meavi bɛ kpɔvolɛma asa anu.”

2 Arl 23:15

Belemgbunli Dwosaya manle bɛbubule ɛzonlenlɛ sua bie mɔɔ Belemgbunli Gyɛlɔbowam, Nibate ara ne zile wɔ Bɛtɛle la. Gyɛlɔbowam ɛhye a manle Yizilayɛma kɔsɔɔti yɛle ɛtane la. Dwosaya bubule azukponle ne, ɔbubule ye awolɛ ne mɔ anu na ɔmanle bɛpele ye motomoto. Eza ɔmanle bɛyelale Ahyela ananze ne.

1 Edk 22:19

Zɔhane ati bɛva bɛ ahonle nee bɛ ɛkɛla muala bɛzonle Ɛdɛnkɛma bɛ Nyamenle ne. Bɛdwazo bɛzi Ɛdɛnkɛma bɛ Nyamenle ne Ɛzonlenlɛ Sua ne, amaa bɛanyia ɛleka kpalɛ bɛava Ɛdɛnkɛma Ngyekyeleɛ Ɛlɛka ne nee Nyamenle ahyɛnze nwuanzanwuanza ne mɔ mɔɔ bɛfa bɛsonle ye la bɛazie.”

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 19:3

Noko akee, bɛnwu kpalɛ ekyi bie wɔ wɔ nuhua, ɔluakɛ wɔzɛkye bozonle raalɛ Ahyela ne ananze ne mɔ na wɔdua bɛ ɛzonlenlɛ wɔ maanle ye anu. Eza wɔva wɔzie wɔ ahonle nu kɛ ɛsonle Ɛdɛnkɛma ala.”

2 Edk 20:33

Noko yeanzɛkye ɛleka ne mɔ mɔɔ menli mɔɔ ɛnze Nyamenle la sonle la, yɛɛ ɛnee menli ne ɛtɛfale bɛ ahonle muala ɛtɛmanle bɛ ze mɔ Nyamenle ne kɛ yemɔ ala a bɛkɛzonle ye a.

2 Edk 30:19

“Ahunlunyele Ɛdɛnkɛma ɛva awie biala mɔɔ ɛva ye ahonle ɛmaa Nyamenle, bɛ ze mɔ Ɛdɛnkɛma Nyamenle ne, na ɔ nwo ɛnde, kɛmɔ ye ɛzonlenlɛ nu mɛla ne de la ɛtane ɛhyɛ ye.”

Mrɛlɛbulɛ Buluku ne 16:1

Adwenle ngyehyɛlɛ le sonla ɛdeɛ, na nwolɛ mualɛ ne vi Ɛdɛnkɛma ɛkɛ.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Gyɛlɛmaya Buluku ne 24:7

Mebamaa bɛ ahonle meamaa bɛanwu kɛ medame a mele Ɛdɛnkɛma a; bɛbayɛ me menli na meayɛ bɛ Nyamenle, ɔluakɛ bɛbava bɛ ahonle kɔsɔɔti bɛazia bɛara me ɛkɛ.”

Gyɛlɛmaya Buluku ne 36:3

Ɔkɛyɛ kɛ saa Dwudama te kɛ mebazi meazɛkye bɛ la a, bɛ nuhua ko biala bagyakyi ɛtaneyɛlɛ, na meava bɛ amumuyɛ nee bɛ ɛtane ne mɔ meahyɛ bɛ.”

Gyɛlɛmaya Buluku ne 4:1

Ɛdɛnkɛma se, “O Yizilayɛma, saa bɛkulo kɛ bɛsia bɛbatoa me a, ɛnee bɛzia bɛrɛla. Saa bɛfuandi ninyɛne mɔɔ le me kyibadeɛ la bɛgua, na bɛdi nɔhalɛ bɛmaa me,

Yizikeɛle Buluku ne 14:6

“Zɔhane ati ka kile Yizilayɛma kɛ, Awulae Nyamenle ne se: Bɛnlu bɛ nwo na bɛhwe bɛ nwo bɛvi bɛ mmonle ne mɔ nee bɛ bɛkyi nyɛleɛ ne mɔ anwo.

Yizikeɛle Buluku ne 18:31

Bɛgyakyi bɛ mɛladonlɛ ne mɔ na bɛnyia ahonle fofolɛ nee subane fofolɛ. Duzu ati a bɛkulo kɛ bɛwu ɛ, Yizilayɛma?

Hozia Buluku ne 14:1

Yizilayɛma, bɛzia bɛrɛla Ɛdɛnkɛma bɛ Nyamenle ne ɛkɛ, ɔluakɛ bɛ ninyɛndane ɛmaa bɛdu koti.

Edwɛkpa ne kɛmɔ Mateyu hɛlɛle la 15:8

‘Nyamenle se: Menli ɛhye mɔ fa bɛ nloa babonle mgbane kanvo me, na bɛ ahonle ɛdeɛ, ɔmbikye me.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Mateyu hɛlɛle la 6:24

“Awie biala ɛnrɛhola ɛnrɛzonle menlenlɛ nwiɔ, ɔluakɛ saa ɔyɛ ye zɔhane a ɔbahulo ko na yeakpɔ ko, anzɛɛ ɔbali ko eni na yeakpo ko. Zɔhane ala yɛɛ bɛnrɛhola Nyamenle nee ezukoa sonle a.

Edwɛkpa ne kɛmɔ Luku hɛlɛle la 4:8

Gyisɛse buale ye kɛ, “Nyamenle Edwɛkɛ ne se, ‘Yeyɛ Awulae wɔ Nyamenle ne na sonle ɔdaye ɔ ngomekye.’ ”

Dw 4:24

Nyamenle le Sunsum, yemɔti ɔwɔ kɛ bɛdabɛ mɔɔ bɛsonle ye la bɛsonle ye wɔ sunsum nu nee nɔhalɛ nu.”

Mɛla 10:20

Bɛzulo Ɛdɛnkɛma bɛ Nyamenle ne, bɛzonle ye na bɛva bɛ nwo bɛmaa ye, na bɛva ye duma ne ala bɛha ndane.

Mɛla 13:4

Bɛdoa Ɛdɛnkɛma bɛ Nyamenle ne abo zo na bɛzulo ye, bɛli ye mɛla ne mɔ azo, bɛdie ɔ ne, bɛzonle ye na bɛva bɛ nwo amuala bɛmaa ye.

Mɛla 4:29

Na ɛkɛ ne yɛɛ akee bɛbakpondɛ Ɛdɛnkɛma bɛ Nyamenle ne a. Na saa bɛfa bɛ ahonle kpokpoti nee bɛ ɛkɛla kpokpoti bɛkpondɛ ye ɛdeɛ a, yemɔ bɛbanwu ye.

Mɛla 6:13

Bɛzulo Ɛdɛnkɛma bɛ Nyamenle ne, bɛzonle ye, na bɛva ye duma bɛha ndane.

Dwɔhyua Buluku ne 13:31

Geleade azɛlɛ ne foa ko, Ahyetalo, yɛɛ Ɛdelɛyae mɔɔ le Beehyan Belemgbunli Ɔɔgo azuamgbole wɔ ye maanle ne anu la boka nwolɛ. Bɛvale ɛhye mɔ amuala bɛmanle Manasɛ abusua ekpunli foa ko ne mɔɔ le ɔ ra Meekɛ asa azo la.

Dwɔhyua Buluku ne 24:14

Dwɔhyua vale zɔle zolɛ kɛ, “Ye zɔhane ati bɛli Ɛdɛnkɛma eni na bɛzonle ye nɔhalɛ nu. Awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea nee Yigyibiti la, bɛgua bɛ lɔ na bɛzonle Ɛdɛnkɛma angomekye.

Dwɔhyua Buluku ne 24:23

Dwɔhyua zele bɛ kɛ, “Ɛnee bɛvuandi awozonle ne mɔ mɔɔ bɛlɛ la bɛgua, na bɛvua bɛhile Ɛdɛnkɛma, Yizilayɛ Nyamenle ne kɛ bɛbali nɔhalɛ bɛamaa ye.”

Maanlebuvolɛma Buluku ne 10:16

Akee bɛkpole bɛ nyamenle ne mɔ na bɛzonlenle Ɛdɛnkɛma. Na Yizilayɛma anwubɛnyunlu ne yɛle Ɛdɛnkɛma nyane nee ɛya.

Maanlebuvolɛma Buluku ne 10:6

Eza Yizilayɛma yɛle ɛtane tiale Ɛdɛnkɛma. Bɛzonlenle Beeyale ne mɔ nee Ahyela ne mɔ. Bɛzonlenle Selea, Saedɛn, Mowabe, Amɔn, yɛɛ Filisitia awozonle ne mɔ bɛgyakyile Ɛdɛnkɛma ɛzonlenlɛ.

Maanlebuvolɛma Buluku ne 2:11

Yizilayɛma bɔle munzule ɛbɛla tiale Ɛdɛnkɛma. Bɛkpole Ɛdɛnkɛma, mɔɔ le bɛ ze mɔ Nyamenle ne, mɔɔ yele bɛ vile Yigyibiti azɛlɛ zo la, na bɛzonlenle awozonle Beeyale ne mɔ. Bɛlile nyamenle gyɛne bie mɔ anzi, bɛzonlenle menli mɔɔ ɛbɔ bɛ ɛyia la nyamenle ne mɔ. Bɛbɔle bɛ ti aze bɛmanle bɛ, na Ɛdɛnkɛma vale ɛya kpole.

Maanlebuvolɛma Buluku ne 2:13

Bɛkpole Ɛdɛnkɛma na bɛzonlenle Beeyale ne mɔ nee mmonle Asetate ne mɔ.

1 Sam 31:10

Akee bɛvale ye konle ninyɛne ne mɔ bɛhɔguale bɛ bozonle raalɛ Asetate ɛzonlenlɛ sua ne anu. Bɛbɔle ye sonlabaka ne pɛlɛko bɛmetanle Bɛte Hyan suakpole bane ne anwo.