1 Sam 7:2 - BAEBOLO ANZƐƐ BULUKU NWUANZANWUANZA

² Ɛdɛnkɛma Ngyekyeleɛ Ɛlɛka ne woale Keleate Gyialem hyɛle kpalɛ, ɔlile ɛvolɛ kɛyɛ abulanwiɔ. Mekɛ ɛhye anu, Yizilayɛma kɔsɔɔti vale ɛzunlɛ zɛlɛle Ɛdɛnkɛma moalɛ.

1 Sam 7:2 ပူးပေါင်းရင်းမြစ်များ

1 Edk 13:3

Na yɛhɔ yɛhɔva Nyamenle Ngyekyeleɛ Ɛlɛka ne mɔɔ mekɛ mɔɔ Sɔɔlo di ye belemgbunli ne la bɛamkpo ɔ bo zo la yɛrɛla.”

1 Edk 13:5

Yemɔti Devidi manle Yizilayɛma kɔsɔɔti mɔɔ wɔ maanle ne anu la yiale. Menli vi Yigyibiti ɛweɛne zo lɔ, wɔ nyiakɛ toonwo mɔɔ kɔdwu Heemate wɔ sɔlɔ nehane rale kɛ bɛkɔ Keleate Gyialem bɛahɔva Ngyekyeleɛ Ɛlɛka ne bɛara Gyɛlusalɛm.

Gyɛlɛmaya Buluku ne 26:20

(Sonla ko mɔɔ ɔdaye ɔluale Ɛdɛnkɛma duma nu ɔhanle Nyamenle nrɛlaleɛ la a le Hyɛmaya mɔɔ vi Keleate Gyialem la ara nrenya Yulaya. Ɔhanle Nyamenle nrɛlaleɛ ɔtiale suakpole ɛhye nee maanle ne, kɛmɔ Gyɛlɛmaya ɛha la.

Gyɛlɛmaya Buluku ne 3:13

Wɔmɔ die to nuhua kɛ ɛdi fɔlɛ kɛ ɛdele medame Ɛdɛnkɛma, wɔ Nyamenle ne anwo atua na ɛhɔle mbaka bo ɛhɔzonlenle nyamenle gyɛne gyɛne, na wɔandie me ne. Medame Ɛdɛnkɛma a mese a.

Gyɛlɛmaya Buluku ne 31:9

Yizilayɛma bava ɛzunlɛ ara, mebakyekye bɛ rɛle, meava bɛ meazia meara sua nu, mebava bɛ measianle azudenle nloa, bɛbalua ademgbole fɔɔnwo mɔɔ bɛnrɛdu koti nu la anu, ɔluakɛ mele selɛ memaa Yizilayɛ, yɛɛ me belamunli ralɛ nrenya a le Yifelaem.

Edwɛkpa ne kɛmɔ Mateyu hɛlɛle la 5:4

“Nyilalɛ ɛha bɛdabɛ mɔɔ nyane ɛha bɛ la; Nyamenle bakyekye bɛ rɛle!

Dwɔhyua Buluku ne 9:17

Yemɔti Yizilayɛma zile nu kɛ bɛkɔ ɛleka mɔɔ bɛwɔ la na ye kenle nsa ne azo bɛdwule azua ne mɔ mɔɔ menli zɔhane mɔ vi zolɛ rale la azo. Azua ne mɔ a le Gebɛyɔn, Kɛfaela, Biyɛlo, yɛɛ Keleate Gyialem.

Maanlebuvolɛma Buluku ne 2:4

Mɔɔ Ɛdɛnkɛma soanvolɛ ne hanle edwɛkɛ ɛhye hilele Yizilayɛma la, bɛdukuele nu bɛzunle.

1 Sam 7:1

Yemɔti Keleate Gyialemma ravale Ɛdɛnkɛma Ngyekyeleɛ Ɛlɛka ne na bɛ nee ye hɔle Abenadabe mɔɔ de boka ne azo la sua nu. Bɛdule ɔ ra Ɛlieza bɛziele ɛkɛ bɛmanle Ɛdɛnkɛma na bɛzele ye kɛ ɔnlea zolɛ.

1 Sam 7:3

Samoɛle zele Yizilayɛma kɛ, “Saa bɛfa bɛ ahonle kɔsɔɔti bɛazia bɛara Ɛdɛnkɛma ɛkɛ ne a ɛnee bɛkpo bɛ maanle gyɛne nu nyamenle ne mɔ kɔsɔɔti nee bɛ bozonle raalɛ Asetate ananze ne ɛzonlenlɛ. Bɛdu bɛ nwo kɔsɔɔti bɛmaa Ɛdɛnkɛma na bɛzonle ɔ ngomekye na ɔkɛlie bɛ ɔkɛvi Filisitiama asa anu.”