1 Sam 7:12 - BAEBOLO ANZƐƐ BULUKU NWUANZANWUANZA

¹² Akee Samoɛle vale bolɛ kpɔnlanle Mezepa nee Hyɛn avinli na ɔvɛlɛle ye “Ɛbɛnizɛ” na ɔzele kɛ, “Ɛdɛnkɛma ɛboa yɛ toonwo a, yeradwu ɛnɛ a.”

1 Sam 7:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:14

Yemɔti Ebileham vɛlɛle ɛleka ne, “Ɛdɛnkɛma bahile.” Na kɛkala bɔbɔ menli ka kɛ, “Wɔ Ɛdɛnkɛma Boka ne azo, ɔdaye ɔbahile.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:14

Na Gyekɔbo kpɔnlanle bolɛ sika wɔ ɛleka mɔɔ Nyamenle dendɛle hilele ye la, ɔguale nza zolɛ ɔbɔle azu, na ɔguale ɔlivi nwole zolɛ.

Edwɛndolɛ Buluku ne 71:17

O Nyamenle, ɔvi me mgbavolɛ nu yɛɛ ɛvale me ɛhilehilelɛ a, yɛɛ metɛbɔ wɔ nwanwane nyɛleɛ ne mɔ nolo.

Edwɛndolɛ Buluku ne 71:6

Ɔvi me awolɛ nu yɛɛ mengisale wɔ a, wɔmɔ yɛɛ ɛyele me ɛvile ɔmɔ akunlu a. Mebaye wɔ ayɛlɛ dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:15

Na Mosisi zile azukponle, na ɔdonle ye “Ɛdɛnkɛma le me Fɛlɛnra.”

Ayezaya Buluku ne 19:19

Mekɛ ne anu bɛbazi Ɛdɛnkɛma azukponle wɔ Yigyibiti azɛlɛ zo na bɛakpɔnla Ɛdɛnkɛma mpila wɔ maanle ne ɛweɛne zo.

Ɛzoanvolɛma Gyima ne 26:22

Noko Nyamenle moalɛ ti, ɛnɛ megyi ɛke metɛdi daselɛ metɛkile bɛ mgbanyinli nee bɛ ngakula muala. Mɔɔ Mosisi nee Nyamenle kpɔmanvolɛma hanle dole ɛkɛ ne kɛ ɔbazi la, yemɔ ala a le mɔɔ melɛka la.

2 Kɔl 1:10

Ewule ɛzulolɛ zɛhae anu yɛɛ ɔyele yɛ ɔvile a, yɛɛ ɔkɛye yɛ nu somaa; yɛɛ eza yɛ rɛle wɔ ye nu kɛ ɔkɛye yɛ nu bieko,

Dwɔhyua Buluku ne 4:9

Dwɔhyua noko huohuanle awolɛ bulu nee nwiɔ anloa wɔ Azule Dwɔdan ne avinli, ɛleka mɔɔ sɛlɛvolɛma ne mɔɔ zo Ngyekyeleɛ Ɛlɛka ne la gyinlanle la. (Awolɛ zɔhane tɛbɔ ɛkɛ ne ɛnɛ nee ɛnɛ ala.)

1 Sam 14:35

Na Sɔɔlo zile azukponle manle Ɛdɛnkɛma. Ɛhye a le azukponle mɔɔ lumua mɔɔ Sɔɔlo zile manle Ɛdɛnkɛma a.

1 Sam 4:1

Mekɛ ne anu, Filisitiama boɔboale bɛ ɛlɔnema anloa kɛ bɛ nee Yizilayɛma baho. Yemɔti Yizilayɛma noko dule bɛ bo kɛ bɛ nee bɛ kaho. Yizilayɛma yɛle azokoɛleɛ wɔ Ɛbɛnizɛ yɛɛ Filisitiama noko yɛle bɛ azokoɛleɛ wɔ Efɛke.

1 Sam 5:1

Mekɛ mɔɔ Filisitiama vale Nyamenle Ngyekyeleɛ Ɛlɛka ne la, bɛ nee ye vi Ɛbɛnizɛ hɔle Ahyedɔdo.

1 Sam 7:11

Yizilayɛma vi Mezepa vindele na bɛbelele bɛzile Filisitiama zo toonwo bɛhɔdwule Bɛtekaa. Bɛhunle awie biala mɔɔ bɛdole ye adenle nu la.