1 Sam 7:10 - BAEBOLO ANZƐƐ BULUKU NWUANZANWUANZA

¹⁰ Mekɛ mɔɔ Samoɛle wɔ zolɛ ɔlɛbɔ azu ne la, Filisitiama rale Yizilayɛma anwo zo, na ɛkɛ ne ala Ɛdɛnkɛma kpakyele ɛsɛnlɛmanye guale Filisitiama anwo zo manle bɛ nye zo danle bɛ, na bɛvale sulosulo bɛbɔle asande bɛguale ɛbɔ nu.

1 Sam 7:10 ပူးပေါင်းရင်းမြစ်များ

Edwɛndolɛ Buluku ne 18:15

Nyevile bo azɛlɛ ne yele dɔle zo, ewiade adiabo ne mɔ anwo yele guale zo, wɔ mekɛ mɔɔ Ɛdɛnkɛma hwile kpɔvolɛma anyunlu, na ɔvale ɔ bonyi nu anwoma ɔkpanle bɛ nu la.

Edwɛndolɛ Buluku ne 29:3

Ɛdɛnkɛma ane dielie azule ne mɔ anye; anyunlunyia Nyamenle ne kuluhulu, Ɛdɛnkɛma ane dielie azule ne mɔ anye.

Edwɛndolɛ Buluku ne 29:4

Tumi wɔ Ɛdɛnkɛma ane ne anu, Ɛdɛnkɛma ane ne kile ye belemgbunlililɛ ne.

Edwɛndolɛ Buluku ne 78:66

Ɔmanle ye kpɔvolɛma guale ɛbɔ nu, na ɔguale bɛ nyunlu aze kpɔtɔɔ.

Zɛkalaya Buluku ne 4:6

Na ɔzele me kɛ, “Edwɛkɛ mɔɔ Ɛdɛnkɛma ɛlɛka ahile Zɛlubabɛle la ɛne: Tɛ anwosesebɛ anzɛɛ tumi, na me Sunsum ne yɛɛ ɛbava wɔali konim a, medame Tumivolɛ Ɛdɛnkɛma a mese a.

Mɛla 28:7

“Ɛdɛnkɛma bamaa bɛali kpɔvolɛma mɔɔ kɛdwazo bɛ nwo zo la anwo zo konim. Bɛ kpɔvolɛma bava bɛ nyunlu ara na bɛava bɛ nzi bɛahɔ.

Dwɔhyua Buluku ne 10:10

Amɔlema nwunle Yizilayɛ ɛlɔnema ne la, Ɛdɛnkɛma manle ɛzulolɛ hanle bɛ na bɛ nye zo danle bɛ. Yizilayɛma hunle bɛ dɔɔnwo wɔ Gebɛyɔn ɛkɛ ne na bɛdoale bɛ ndinlizo, bɛlua Bɛte Hɔlɔn Boka ne ndololeɛ nu adenle zo toonwo bɛrale Azika nee Makidaa.

Maanlebuvolɛma Buluku ne 4:15

Na Ɛdɛnkɛma manle Balake hanle Sesɛla nee ye ɛlɔnema nee ye konle mbulalɛ ehwili ne mɔ senle dwɛɛ, na bɛhunle bɛ bie mɔ. Sesɛla vi ye konle mbulalɛ ehwili ɛdeɛ ne anu dwule na ɔvale ɔ gyakɛ ɔzɔle zolɛ.

Maanlebuvolɛma Buluku ne 5:20

Anwuma nwɔlɔra honle, bɛlua anwomanyunlu nehane la, ɛnee bɛ nee Sesɛla ɛlɛko.

Maanlebuvolɛma Buluku ne 5:8

Yizilayɛma nyianle bɛ nyamenle gyɛne la yɛɛ konle vale bɛ aze a. Ɛlɔnema apenle apenle abulanla, nuhua ko bɔbɔ anva enyinlike na yeayɛ atwɛ.

1 Sam 12:17

Bɛ muala bɛze kɛ yɛwɔ wawaa mekɛ nu. Mebazɛlɛ ye meamaa yeamaa maanle nu ahulu na ezule adɔ. Saa ɛhye si a, bɛbanwu kɛ bɛyɛ ɛtane kpole bɛtia Ɛdɛnkɛma kɛ bɛdabɛ bɛbizale bɛliele belemgbunli a.”

1 Sam 14:15

Ɛzulolɛ kpole hanle Filisitiama mɔɔ wɔ konle azokoɛleɛ ne la kɔsɔɔti. Menli mɔɔ hɔle awule kawua Yizilayɛma akpokpo bɛ la bɔbɔ ahonle dule. Azɛlɛ kpusule, na menli ne anye zo danle bɛ.

1 Sam 2:10

Bɛbazɛkye Ɛdɛnkɛma kpɔvolɛma; ɔbadea bɛ nu wɔ anwuma anwuma lɔ. Ɛdɛnkɛma babua aleɛabo amra ndɛne. Ɔbamaa ye belemgbunli ne anwosesebɛ, ɔbamaa ye belemgbunli ne ali konim.”

1 Sam 7:11

Yizilayɛma vi Mezepa vindele na bɛbelele bɛzile Filisitiama zo toonwo bɛhɔdwule Bɛtekaa. Bɛhunle awie biala mɔɔ bɛdole ye adenle nu la.