1 Sam 6:6 - BAEBOLO ANZƐƐ BULUKU NWUANZANWUANZA

⁶ Duzu ati a bɛyɛ anzosesebɛ, kɛmɔ Yigyibiti belemgbunli nee Yigyibitima yɛle la ɛ? Bɛhakye kɛ Nyamenle zile dole bɛ agyiba na nzinlii ɔyɛle bɛ koasea ɔmanle Yizilayɛma vile Yigyibiti la.

1 Sam 6:6 ပူးပေါင်းရင်းမြစ်များ

Dwobu Buluku ne 9:4

Ɔle nrɛlɛbɛvolɛ, yɛɛ ye anwosesebɛ le bedevinli; nwane a nee ye ɛdwudwu na yenyia gyinlagyakɛ a?

Edwɛndolɛ Buluku ne 95:8

Bɛmmayɛ anzosesebɛ, kɛmɔ bɛyɛle wɔ Mɛleba, kɛmɔ mekɛ ne anu bɛyɛle wɔ Masa fienemgbole ne anu,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:3

Yemɔti Mosisi nee Aalɔn hɔle belemgbunli ne ɛkɛ hɔzele ye kɛ, “Kɛ Ɛdɛnkɛma, Hibuluma Nyamenle ne se la ɛne, ‘Kenlenzu yɛɛ ɛkɛkpo kɛ ɛnrɛmemaa ɛ nwo zo ɛnrɛhile me a? Maa me menli ne ɛhɔ, amaa bɛazonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:17

Mebamaa Yigyibitima ahonle ayɛ se, bɛbadoa bɛ na ɛhye bamaa meali konim meanyia me nyunlu wɔ Yigyibiti belemgbunli ne nee ye ɛlɔnema, ye konle ehwili ne mɔ, nee ye konlema mɔɔ ka mgbɔnwɔ la ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:23

Yigyibitima, belemgbunli mgbɔnwɔ ne, ye konle ehwili ne mɔ, nee ye menli mɔɔ ka mgbɔnwɔ ne mɔ la kɔsɔɔti hɔluale nyevile ne anu azɛlɛ resee ne azo dinle Yizilayɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:21

Na Ɛdɛnkɛma zele Mosisi kɛ, “Saa ɛsia ɛkɔ Yigyibiti a, yɛ nwanwane ninyɛne ne mɔ mɔɔ meva nwolɛ tumi memaa wɔ la kile belemgbunli ne. Noko akee mebamaa yeayɛ dapele, yemɔti ɔnrɛmaa menli ne ɛnrɛhɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:13

Noko belemgbunli ne akee yɛle dapele kpole kpalɛ, na kɛmɔ Ɛdɛnkɛma hanle la, akee bɔbɔ ɔnrɛdie bɛ edwɛkɛ fee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:14

Akee Ɛdɛnkɛma zele Mosisi kɛ, “Belemgbunli ɛyɛ dapele, yedu ɔ gye kɛ ɔnrɛmaa menli ne ɛnrɛhɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:15

Na mɔɔ belemgbunli ne nwunle kɛ ahɛlɛne ne mɔ ɛwu la, ɔyɛle dapele bieko, yeandie mɔɔ Ɛdɛnkɛma hanle la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:32

Na belemgbunli ne zile ye ɛbolɛ, na ye dapele ne akee yɛle kpole kpalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:34

Belemgbunli ne nwunle kɛ ezule ne nee ezuawolɛ ne nee maanle nu ɛhululɛ ne ɛgyakyi la, ɔyɛle ɛtane bieko, na ɔ nee ye mgbanyima ne mɔ dapele ne akee yɛle kpole.

Wulo 2:5

Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.

Kɛlata mɔɔ bɛhɛlɛle bɛhɔmanle Hibuluma la 3:13

Zɔhane ati, amaa ɛtane ambɛlɛbɛla bɛ biala na yeakpunli ye ahonle la, bɛboa bɛ nwo ngoko alehyenlɛ biala, kɛmɔ “Ɛnɛ” gyi ɛkɛ ne maa yɛ alehyenlɛ biala mɔɔ kɛhye yɛ nyunlu la.