1 Sam 6:5 - BAEBOLO ANZƐƐ BULUKU NWUANZANWUANZA

⁵ Yemɔti bɛyɛ mutulemutule ne nee ahila ne mɔ mɔɔ zɛkyele bɛ maanle ne la ananze bɛwula Yizilayɛ Nyamenle ne anyunlunyia, na wɔannea a ɔkɛgyakyi bɛ nee bɛ awozonle ne mɔ nee bɛ maanle ne kakɛdualɛ.

1 Sam 6:5 ပူးပေါင်းရင်းမြစ်များ

1 Edk 16:28

Ewiade amra amuala, bɛwula Ɛdɛnkɛma anyunlunyia, bɛwula ye anyunlunyia na bɛyeyɛ ye tumi ne!

1 Edk 16:29

Bɛmaa anyunlunyia mɔɔ fɛta Ɛdɛnkɛma la ɛha ye; bɛva azubɔdeɛ bɛrɛla ɔ nyunlu. Bɛzie bɛ nwo nwuanzanwuanza bɛyeyɛ Ɛdɛnkɛma, na bɛbɔ bɛ ti aze bɛmaa ye.

Edwɛndolɛ Buluku ne 18:44

Maanle gyɛne nu amra rabɔle bɛ ti aze manle me; bɛte me ne ala a bɛtie me.

Edwɛndolɛ Buluku ne 32:4

Ɔluakɛ alehyenlɛ nee aledwolɛ kɔsɔɔti ɛ sa yɛle ɛnlomboɛ me nwo zo; me anwosesebɛ ne wiele, ɔwele kɛ nzule mɔɔ wawaa ewia ɛsesa ye la.

Edwɛndolɛ Buluku ne 39:10

Gyakyi me ɛbolɛ; wɔ adɛka ne mɔ ɛbo me nwo zo.

Edwɛndolɛ Buluku ne 66:3

Bɛha bɛhile Nyamenle kɛ, “Wɔ gyima yɛ ɛzulolɛ! Wɔ tumi ne kpole ti wɔ kpɔvolɛma tu gua ɛ nyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:12

“Ɔluakɛ mebapɛ nu Yigyibiti azɛlɛ zo kenle ko ne nɔe ne. Mebahu Yigyibiti belamunli mralɛ muala, menli nee nyɛmoa, na meabua Yigyibiti awozonle kɔsɔɔti ndɛne. Medame a mele Ɛdɛnkɛma a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:17

Na bɛyɛle ye zɔhane; Aalɔn dendenle ye kpɔma ne finle aze, na ngɔkɔwule vale menli nee nyɛmoa; Yigyibiti azɛlɛ mumua ne azo yɛle ngɔkɔwule ngome.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:24

Na Ɛdɛnkɛma yɛle ye zɔhane; nrɛzenra adɔka ravale belemgbunli ne nee ye mgbanyima ne mɔ azua ne. Nrɛzenra ne mɔ zɛkyele Yigyibiti azɛlɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:5

Ɛdɛnkɛma zele Mosisi kɛ, “Ka kile Aalɔn kɛ, ‘Fa wɔ kpɔma ne tende azule ne mɔ, azudenle mɔɔ bɛdudu, nee nzubula ne mɔ azo ye ahɛlɛne maa bɛva Yigyibiti azɛlɛ ne.’ ”

Ayezaya Buluku ne 19:1

Ɛdɛnkɛma nrɛlaleɛ mɔɔ fane Yigyibiti anwo la ɛne. Bɛnlea, Ɛdɛnkɛma de amungu zo ɛlɛba waa zɛhae, ɔlɛba Yigyibiti. Awozonle mɔɔ wɔ Yigyibiti la nwu ye a bɛ nwo bawozo bɛ, na Yigyibitima ahonle badu.

Ayezaya Buluku ne 42:12

Bɛmaa bɛwula Ɛdɛnkɛma anyunlunyia, na bɛbɔ ye ayɛlɛyelɛ ne nolo bɛhile ɛnweanloa amra.

Gyɛlɛmaya Buluku ne 13:16

Bɛwula Ɛdɛnkɛma bɛ Nyamenle ne anyunlunyia kolaa na yeamaa awozinli ava bɛ, na bɛandu koti wɔ awoka ne mɔ azo, amaa saa bɛkpondɛ wienyi a yeangakyi awozinli kabii.

Gyɛlɛmaya Buluku ne 3:13

Wɔmɔ die to nuhua kɛ ɛdi fɔlɛ kɛ ɛdele medame Ɛdɛnkɛma, wɔ Nyamenle ne anwo atua na ɛhɔle mbaka bo ɛhɔzonlenle nyamenle gyɛne gyɛne, na wɔandie me ne. Medame Ɛdɛnkɛma a mese a.

Dwowɛle Buluku ne 2:25

Ɛvolɛ dodo ma mɔɔ abɛbɛ ne mɔ lile la mebava ɔ muala meamaa bɛ. Abɛbɛ bɛnyebɛnye, sɛkyera nee mɔɔ pɛ ma ne mɔ la, ɛlɔne kpole ne, medame a menzoanle ɛlɔne ɛhye bɛ nwo zo a.

Dwona Buluku ne 3:9

Awie ɛnze; bie a ɛnee Nyamenle ɛnwu yɛ anwunvɔne, yehakyi ye adwenle na yegyakyi ye ɛya kpole ne, amaa yɛanwu.”

Malakae Buluku ne 2:2

Saa bɛnrɛdie me edwɛkɛ, bɛnrɛva bɛnrɛzie bɛ ahonle nu kɛ bɛwula me duma ne anyunlunyia a, mebamaa munzule ara bɛ nwo zo na meamaa bɛ nyilalɛ ahakyi munzule. Nɔhalɛ, memaa bɛ nyilalɛ ɛhakyi munzule dɛbadɛba, ɔboalekɛ bɛambu me edwɛkɛ ne bie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 33:4

wɔ mekɛ mɔɔ ɛnee Yigyibitima anye ɛbolo bɛlɛsie bɛ belamunli mralɛ mrenya mɔɔ Ɛdɛnkɛma ɛhu bɛ la avunli ne mɔ la. Ɛdɛnkɛma yɛle ɛhye hilele kɛ ɔlɛ tumi ɔtɛla Yigyibiti awozonle kɔsɔɔti.

Dw 9:24

Eza bɛvɛlɛle nrenya ne mɔɔ bɛwole ye anyenzinliravolɛ la bieko na bɛzele ye kɛ, “Nea Nyamenle anyunlu na ka nɔhalɛ ne! Yɛze kɛ nrenya ɛhye mɔɔ dukuele ɛ nye ne la le ɛtanenli.”

Dwɔhyua Buluku ne 7:19

Na Dwɔhyua zele ye kɛ, “Me ra nrenya, ka nɔhalɛ ne na fa anyunlunyia maa Ɛdɛnkɛma mɔɔ le Yizilayɛ Nyamenle ne, na ye ye ayɛlɛ; to mɔɔ wɔyɛ la kpaa nu. Ka mɔɔ wɔyɛ la kile me. Mmafa ɛfea me.”

Yekile 11:13

Mekɛ ne anu ala, azɛlɛ kpusule kpole bie; suakpole ne anu hyɛle bulu na ko zɛkyele bɔkɔɔ. Menli apenle nsuu wule azɛlɛkpusulɛ ne anu. Na menli mɔɔ hale la ahonle dule kpole na bɛyeyɛle Nyamenle mɔɔ wɔ anwuma la.

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 16:9

Menli nwo dwele bɛ kpalɛ, na bɛdendɛle ɛtane bɛtiale Nyamenle, mɔɔ lɛ tumi wɔ amaneɛnwunlɛ ngakyile ɛhye mɔ azo la duma ne. Na bɛangyakyi ɛtane ɛyɛlɛ, bɛanye Nyamenle ayɛlɛ kɛ ɔle bedevinli.

1 Sam 5:11

Yemɔti bɛzoanle bɛmanle bɛhɔvale Filisitia arelemgbunli ne mɔ na bɛzele bɛ kɛ, “Bɛye Yizilayɛ Nyamenle ne Ngyekyeleɛ Ɛlɛka ne ɛke; bɛva bɛhɔzie ɔ bo zo dɛba ne wɔ Yizilayɛ, amaa yeangu yɛ nee yɛ mbusuafoɔ.” Ahunlundetelɛ hanle suakpole ne azo amra kɔsɔɔti, ɔboalekɛ ɛnee Nyamenle ɛmaa bɛ nwo ɛhyele bɛ kpalɛ.

1 Sam 5:9

Ɛdɛnkɛma duale suakpole ne azo amra kakɛ. Ɔhanle bɛ ɛzulolɛ, ɔmanle mutulemutule zanenle suakpole ne azo amra, ngakula nee mgbanyinli kɔsɔɔti.

1 Sam 6:8

Akee bɛva Ɛdɛnkɛma Ngyekyeleɛ Ɛlɛka ne bɛzie ehwili ne azo, na bɛva ɛlɛka ne mɔɔ bɛgua ezukoa nvutuke mgbɔdalɛ azubɔdeɛ ne mɔ nu la bɛzie ye foa ko; bɛha nlankɛ ne mɔ bɛmaa bɛ ngome bɛva ehwili ne bɛdɔ adenle zo.