1 Sam 6:4 - BAEBOLO ANZƐƐ BULUKU NWUANZANWUANZA

⁴ Menli ne bizale kɛ, “Ɛnee duzu mgbɔdalɛ azubɔdeɛ a yɛva yɛhɔmaa ye a?” Ahɔmenle ne mɔ buale kɛ, “Bɛdabɛ arelemgbunli nnu ne, bɛbɔ ko biala ati bɛva ezukoa nvutuke ngunguma mɔɔ zɔho mutulemutule yɛɛ ko noko mɔɔ le kɛ kila la bɛgua Ɛlɛka ne anu, ɔluakɛ ewule nzane ne hanle menli ne nee arelemgbunli ne mɔ noko.

1 Sam 6:4 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:35

Ɛnee Yizilayɛma ɛyɛ mɔɔ Mosisi hanle hilele bɛ la. Bɛbizale Yigyibitima bɛliele dwɛtɛ fufule nee ezukoa nvutuke anwoneɛ nee ndanlɛ.

Dwɔhyua Buluku ne 13:3

nee Evem azɛlɛ ne (mɔɔ vi azudenle Saehɔn ne anloa wɔ Yigyibiti aduduleɛ, ɔlua ɛbɔ nu ɔkɔdwu Ɛkelɔn ɛweɛne zo, mɔɔ bɛfa ye kɛ ɔle Keenama azɛlɛ la; Filisitia arelemgbunli nnu dɛnlanle Gaza, Ahyedɔdo, Ahyekɛlɔn, Gate, yɛɛ Ɛkelɔn).

Maanlebuvolɛma Buluku ne 14:19

Na Ɛdɛnkɛma Sunsum ne dwule ɔ nwo zo kpole bie. Ɔhɔle Ahyekɛlɔn ɔhɔhunle sua ne azo amra abulasa, na ɔyeyele bɛ nwo ɛvoyialilɛ adɛladeɛ ne mɔ ɔrɛlɛle menli mɔɔ yele ye agyebɛ ne anloa la. Ɔvale ɛya kpole, na ɔziale ɔhɔle ɔ ze sua zo.

Maanlebuvolɛma Buluku ne 3:3

Maanle maanle ne mɔ ɛne: Filisitia arelemgbunli nnu ne, Keenama amuala, Saedɛnema, yɛɛ Haevaema mɔɔ gua Lɛbanɔn Boka ne azo la, ɔvi Beeyale Hɛmɔn Boka toonwo mɔɔ kɔdwu Heemate Ademgbolezo la.

1 Sam 5:12

Bɛdabɛ mɔɔ bɛanwu la nyianle mutulemutule, na menli ne zunle manle ɔyɛle alɔbɔlɛ na bɛvɛlɛle bɛ awozonle ne mɔ kɛ bɛralie bɛ.

1 Sam 5:6

Ɛdɛnkɛma duale Ahyedɔdoma kakɛ na ɔhanle bɛ ɛzulolɛ kpole. Ɔvale ewule mutulemutule ɔduale Ahyedɔdoma nee maanlema mɔɔ zua bɛ la kakɛ.

1 Sam 5:9

Ɛdɛnkɛma duale suakpole ne azo amra kakɛ. Ɔhanle bɛ ɛzulolɛ, ɔmanle mutulemutule zanenle suakpole ne azo amra, ngakula nee mgbanyinli kɔsɔɔti.

1 Sam 6:5

Yemɔti bɛyɛ mutulemutule ne nee ahila ne mɔ mɔɔ zɛkyele bɛ maanle ne la ananze bɛwula Yizilayɛ Nyamenle ne anyunlunyia, na wɔannea a ɔkɛgyakyi bɛ nee bɛ awozonle ne mɔ nee bɛ maanle ne kakɛdualɛ.

1 Sam 6:8

Akee bɛva Ɛdɛnkɛma Ngyekyeleɛ Ɛlɛka ne bɛzie ehwili ne azo, na bɛva ɛlɛka ne mɔɔ bɛgua ezukoa nvutuke mgbɔdalɛ azubɔdeɛ ne mɔ nu la bɛzie ye foa ko; bɛha nlankɛ ne mɔ bɛmaa bɛ ngome bɛva ehwili ne bɛdɔ adenle zo.