1 Sam 6:3 - BAEBOLO ANZƐƐ BULUKU NWUANZANWUANZA

³ Bɛzele kɛ, “Saa bɛfa Yizilayɛ Nyamenle ne Ngyekyeleɛ Ɛlɛka ne bɛahɔzie ɔ bo zo ne a ɛnee bɛmmafa ye mgbane bɛkɔ. Wɔ adenle biala anu, ɔwɔ kɛ bɛfa mgbɔdalɛ azubɔdeɛ bɛboka nwolɛ, amaa bɛanyia bɛ ti na bɛanwu debie mɔɔ yemɔti sumunli kɛ de la yedua bɛ kakɛ kpole ɛhye la.”

1 Sam 6:3 ပူးပေါင်းရင်းမြစ်များ

Dwobu Buluku ne 10:2

Mebaze Nyamenle kɛ, mmabua me ewule fɔlɛ, maa menwu deɛ mɔɔ yemɔti ɛ nee me ɛlɛsi la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:15

“Bɛli Angye Ɛvoyia ne wɔ siane Ebebe ne anu, kɛmɔ menzele bɛ la. Bɛbali kpanwo mɔɔ mgbɔvonle ɛnle nu la kenle nsuu, ɔluakɛ siane ɛhye anu a bɛvile Yigyibiti a. Biala mmafa ɔ sa mgbane ba me nyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:20

Noko akee ɛkola ɛfa boane ralɛ nyinli ɛsie asoaso ralɛ nyinli abo zo. Saa ɛnrɛzie ɔ bo zo a, ɛnee bu ɔ kɔme. Ɔwɔ kɛ bɛkpɔne bɛ belamunli mralɛ mrenya kɔsɔɔti. “Biala mmafa ɔ sa mgbane finde me nyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:15

Na mɔɔ belemgbunli ne nwunle kɛ ahɛlɛne ne mɔ ɛwu la, ɔyɛle dapele bieko, yeandie mɔɔ Ɛdɛnkɛma hanle la.

Sɛlɛ 5:6

na ɔfa fɔlɛlilɛ azubɔdeɛ ɔbɛlɛ Ɛdɛnkɛma wɔ ɛtane ne mɔɔ yeyɛ la anwo. Ɔwɔ kɛ ɔfa boane ralɛ belɛ anzɛɛ abɔnkye belɛ ɔyɛ ɛtane azubɔdeɛ, na sɛlɛvolɛ ne yɛ nzɛlɛlɛ di ɔ ti mgbɔdalɛ wɔ ye ɛtane ne anwo.

Sɛlɛ 6:6

Akee ɔwɔ kɛ ɔfa boane nyinli mɔɔ anwo ɛnlɛ dɛne, na wɔnlea wɔpɛ ye bolɛ la ɔyɛ fɔlɛlilɛ azubɔdeɛ ɔbɛlɛ Ɛdɛnkɛma.

Mɛla 16:16

“Ɔwɔ kɛ mrenya mɔɔ wɔ maanle ne anu la amuala yia nuhua fane nsa wɔ Ɛdɛnkɛma bɛ Nyamenle ne anyunlu, wɔ ɛleka ne mɔɔ ɔkɛhile la. Ayia fane nsa ne a le Angye (Akpabɛnwo) Ɛvoyia ne, Bɛyɔba Ɛvoyia ne, yɛɛ Kpɔda Bo Ɛdɛnlanlɛ Ɛvoyia ne. Bɛlɛba biala a ɔnle kɛ bɛdɛ bɛ sa mgbane bɛba.

1 Sam 5:11

Yemɔti bɛzoanle bɛmanle bɛhɔvale Filisitia arelemgbunli ne mɔ na bɛzele bɛ kɛ, “Bɛye Yizilayɛ Nyamenle ne Ngyekyeleɛ Ɛlɛka ne ɛke; bɛva bɛhɔzie ɔ bo zo dɛba ne wɔ Yizilayɛ, amaa yeangu yɛ nee yɛ mbusuafoɔ.” Ahunlundetelɛ hanle suakpole ne azo amra kɔsɔɔti, ɔboalekɛ ɛnee Nyamenle ɛmaa bɛ nwo ɛhyele bɛ kpalɛ.

1 Sam 5:7

Ahyedɔdoma nwunle kɛ ninyɛne ɛlɛsi ado ahɔ la, bɛzele kɛ, “Ɔnle kɛ Nyamenle Ngyekyeleɛ Ɛlɛka ne boa yɛ nwo ɛke bieko. Ye tumi ne bo yɛ nee yɛ bozonle Deegɔn bɔbɔ anwo zo.”

1 Sam 5:9

Ɛdɛnkɛma duale suakpole ne azo amra kakɛ. Ɔhanle bɛ ɛzulolɛ, ɔmanle mutulemutule zanenle suakpole ne azo amra, ngakula nee mgbanyinli kɔsɔɔti.

1 Sam 6:8

Akee bɛva Ɛdɛnkɛma Ngyekyeleɛ Ɛlɛka ne bɛzie ehwili ne azo, na bɛva ɛlɛka ne mɔɔ bɛgua ezukoa nvutuke mgbɔdalɛ azubɔdeɛ ne mɔ nu la bɛzie ye foa ko; bɛha nlankɛ ne mɔ bɛmaa bɛ ngome bɛva ehwili ne bɛdɔ adenle zo.

1 Sam 6:9

Na akee bɛnlea saa ɔsia ɔkɔ Bɛte Hyimɛhye sua zo a ɛnee Yizilayɛ Nyamenle yɛɛ ɛmaa ewule nzane ne ɛdɔ yɛ nwo a. Saa yeangɔ ɛkɛ ne a ɛnee ɔkile kɛ nzia nee nzia yɛɛ ɛyia nu a.”