1 Sam 6:19 - BAEBOLO ANZƐƐ BULUKU NWUANZANWUANZA

¹⁹ Ɛdɛnkɛma manle Bɛte Hyimɛhye menli abulasuu wule, ɔboalekɛ bɛnleanle Ɛdɛnkɛma Ngyekyeleɛ Ɛlɛka ne anu. Na menli ne vale ɛzunlɛ lile nyane, ɔboalekɛ Ɛdɛnkɛma ɛmaa menli ɛzɛkye bɛ avinli.

1 Sam 6:19 ပူးပေါင်းရင်းမြစ်များ

2 Sam 6:7

Ɛdɛnkɛma vale Ɛza anwo ɛya kpole na ɔhunle ye ɛkɛ ne ala, ɔboalekɛ ɔvale ɔ sa ɔhanle Ngyekyeleɛ Ɛlɛka ne. Ɛza wule lale Ɛlɛka ne anwo.

2 Edk 25:21

Yemɔti Yizilayɛ Belemgbunli Gyɛhowahye hɔle na ɔ nee Dwuda Belemgbunli Amazaya hɔbɔle ye zo wɔ Bɛte Hyimɛhye mɔɔ wɔ Dwuda la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:21

Ɛdɛnkɛma zele Mosisi kɛ, “Sia kɔ aze na bɔ menli ne kɔkɔ, anrɛɛ bɛkɛtele zolɛ kɛ bɛbanlea Ɛdɛnkɛma na bɛ dɔɔnwo awu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:4

Mɔɔ menli ne dele amaneɛ ɛtane ɛhye la, bɛlile nyane, bɛanva bɛ anwoneɛ ne mɔ bɛanziezie bɛ nwo bieko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:51

Mekɛ biala mɔɔ bɛvi azokoɛleɛ ko bɛlɛkɔ azokoɛleɛ fofolɛ la, Livaema ne badudu Ndanlɛ Sua ne ahɔ azokoɛleɛ fofolɛ ne na bɛakpɔnla ye bieko. Awie gyɛne biala mɔɔ kɛbikye Ndanlɛ Sua ne la, bɛhu ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:15

Saa mekɛ dwu na bɛlɛfi azokoɛleɛ bie, na Aalɔn nee ɔ mra mrenya ne mɔ boɔboa ninyɛne nwuanzanwuanza ne mɔ anloa, kyekye wie a, ɔwɔ kɛ Kohate abusua ekpulike ne anu amra a soa ɛhye mɔ amuala a. Noko ɔnle kɛ bɛfa bɛ sa bɛka ninyɛne nwuanzanwuanza ne mɔ bie, anrɛɛ bɛkɛwu. “Kohate abusua ekpulike ne gyima mɔɔ la bɛ kɔme zo, wɔ mekɛ biala mɔɔ bɛvi azokoɛleɛ ko bɛlɛtu la, yemɔ ɛne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:18

“Bɛmmamaa Kohate abusua ekpulike ne anu amra abo zo bɔ wɔ Livae abusua ekpunli ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:20

Noko ɔnle kɛ bɛkɔ Ɛdɛnkɛma Ndanlɛ Sua ne anu kɛ bɛfa bɛ nye mgbane bɔbɔ bɛahɔnlea ninyɛne nwuanzanwuanza ne mɔ bie, anrɛɛ bɛkɛwu.”

Mɛla 29:29

“Ninyɛne mɔɔ vea la le Ɛdɛnkɛma yɛ Nyamenle ne ɛdeɛ; na mɔɔ bɛye bɛhile la le yɛ nee yɛ mra ɛdeɛ dahuu, amaa yɛayɛ mɔɔ mɛla ne kpondɛ la amuala.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

1 Pit 4:17

Mekɛ ne ɛdwu mɔɔ ɔwɔ kɛ bɛbɔ ndɛnebualɛ ne abo a, na Nyamenle menli ne yɛɛ bɛbalumua bɛabua bɛ ndɛne a. Na saa ndɛnebualɛ ne bɔ ɔ bo wɔ yɛ nwo zo a, ɛnee kɛ ɔkɛzi ɔkɛwie ye wɔ menli mɔɔ ɛnlie Edwɛkpa ne mɔɔ vi Nyamenle ɛkɛ ne la ɛnli la anwo zo ɛ?