1 Sam 6:17 - BAEBOLO ANZƐƐ BULUKU NWUANZANWUANZA

¹⁷ Filisitiama vale ezukoa nvutuke mutulemutule ananze ne yɛle azubɔdeɛ yɛle bɛ ɛtane ne mɔ anwo mgbɔdalɛ manle Ɛdɛnkɛma: Ahyedɔdo ɛdeɛ ko, Gaza ɛdeɛ ko, Ahyekɛlɔn ɛdeɛ ko, Gate ɛdeɛ ko, yɛɛ Ɛkelɔn noko ɛdeɛ ko.

1 Sam 6:17 ပူးပေါင်းရင်းမြစ်များ

2 Sam 1:20

Bɛmmabɔ ye nolo wɔ Gate, anzɛɛ Ahyekɛlɔn mgbata ne mɔ azo. Anrɛɛ Filisitia mraalɛ kɛli fɛlɛko, anrɛɛ mraalɛ mɔɔ ɛnze Nyamenle la anye kɛlie.

2 Sam 21:22

Menli nna ɛhye mɔ le menli kakanyinlima mɔɔ vi Gate la abo zo amra ne mɔ bie, na Devidi nee ye ɛlɔnema ne hunle bɛ.

2 Arl 1:2

Yizilayɛ Belemgbunli Ehazaya vi ye sua ne ati zo bane ne azo dɔle aze wɔ ye belemgbunli sua nu ɛkɛ wɔ Samɛlea, na azedɔlɛ ne bɔle ye anwonyane. Yemɔti ɔzoanle kɛ, “Bɛhɔ Filisitia suakpole Ɛkelɔn azo bɛhɔbiza bozonle Beeyalezibɛbe saa menwɔde kpɔkɛ a.”

2 Edk 26:6

Ɛzaya nee Filisitiama nyianle konle, na ɔbubule Gate, Gyabenɛ (Gyamenea) nee Ahyedɔdo bane ne mɔ, na ɔkyekyele azuamgbole wɔ Ahyedɔdo afoa nu, nee Filisitia maanle ne anu ɛleka dɔɔnwo.

Sɛlɛ 5:7

“Na saa ahenle ne ɛnlɛ bie la ati ɔnrɛhola boane anzɛɛ abɔnkye fa a, ɔwɔ kɛ ɔfa abubule anzɛɛ mɔlɔnoma nwiɔ ɔyɛ fɔlɛlilɛ azubɔdeɛ ɔmaa Ɛdɛnkɛma. Nloma nwiɔ ne ko bayɛ ɛtane azubɔdeɛ na ko ayɛ ɛyelalɛ azubɔdeɛ.

Emɔzo Buluku ne 1:6

Ɛdɛnkɛma se, “Gazama yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛhyele maanle mumua ko anu amra bɛhɔle nlɔnu na bɛdɔnenle bɛ bɛmanle Yidɔmma.

Emɔzo Buluku ne 6:2

Bɛhɔnlea suakpole Kaleni. Akee bɛhɔ suakpole Heemate maanzinli ne anu na bɛtele zolɛ bɛhɔ Filisitia suakpole Gate azo. Ɛnee bɛle kpalɛ bɛtɛla Dwuda nee Yizilayɛ arelemgbunli maanle ne mɔ ɔ? Ɛnee bɛ maanzinli ne le kpalɛ tɛla bɛ maanzinli ɛdeɛ ne ɔ?

Mɛla 28:27

Ɛdɛnkɛma bamaa nyila ne mɔ mɔɔ nwunwunle Yigyibitima la bie anwunwu bɛ. Bɛ nwo bayɛ nganlɛ, na bɛ nwo agua asa ayɛ nzabenle, mɔɔ bɛnrɛhola bɛ nwo ayile yɛ ɛlɛ a.

Maanlebuvolɛma Buluku ne 1:18

Dwuda eza vale Gaza nee azua mɔɔ zuozua ye, Ahyekɛlɔn nee azua mɔɔ zuozua ye, nee Ɛkelɔn nee azua mɔɔ zuozua ye la.

Maanlebuvolɛma Buluku ne 14:19

Na Ɛdɛnkɛma Sunsum ne dwule ɔ nwo zo kpole bie. Ɔhɔle Ahyekɛlɔn ɔhɔhunle sua ne azo amra abulasa, na ɔyeyele bɛ nwo ɛvoyialilɛ adɛladeɛ ne mɔ ɔrɛlɛle menli mɔɔ yele ye agyebɛ ne anloa la. Ɔvale ɛya kpole, na ɔziale ɔhɔle ɔ ze sua zo.

Maanlebuvolɛma Buluku ne 16:1

Samesɛn hɔle Gaza. Ɔnwunle raalɛ tuutuunli bie na ɔ nee ye hɔlale.

Maanlebuvolɛma Buluku ne 16:21

Filisitiama ne hyele ye dudule ɔ nye na bɛ nee ye hɔle Gaza. Bɛvale kɔbele nwɔnzɔnwɔnzɔ bɛguale ye na bɛmanle ɔhyibale abɛlɛ melahyinli, ɔdinle abɛlɛ wɔ efiade ɛkɛ ne.

1 Sam 5:1

Mekɛ mɔɔ Filisitiama vale Nyamenle Ngyekyeleɛ Ɛlɛka ne la, bɛ nee ye vi Ɛbɛnizɛ hɔle Ahyedɔdo.

1 Sam 5:10

Yemɔti bɛyele Nyamenle Ngyekyeleɛ Ɛlɛka ne ɛkɛ bɛhɔle Ɛkelɔn. Ɛkelɔnoma nwunle Nyamenle Ngyekyeleɛ Ɛlɛka ne la, bɛzunle bɛdeɛdeanle nu bɛzele kɛ, “Bɛva Yizilayɛ Nyamenle ne Ngyekyeleɛ Ɛlɛka ne bɛra kɛ bɛbahu yɛ kɔsɔɔti.”

1 Sam 5:8

Yemɔti bɛzoanle bɛmanle bɛhɔvale Filisitia arelemgbunli ne mɔ na bɛzele bɛ kɛ, “Yizilayɛ Nyamenle ne Ngyekyeleɛ Ɛlɛka ne kɛ bɛyɛ ye la bɛyɛ ye. Ɔboa yɛ nwo ɛke bieko a ɔnrɛyɛ boɛ.” Bɛbuale kɛ, “Bɛye ye ɛke bɛhɔ Gate.” Yemɔti bɛvale Ɛlɛka ne bɛhɔle suakpole Gate azo.

1 Sam 6:4

Menli ne bizale kɛ, “Ɛnee duzu mgbɔdalɛ azubɔdeɛ a yɛva yɛhɔmaa ye a?” Ahɔmenle ne mɔ buale kɛ, “Bɛdabɛ arelemgbunli nnu ne, bɛbɔ ko biala ati bɛva ezukoa nvutuke ngunguma mɔɔ zɔho mutulemutule yɛɛ ko noko mɔɔ le kɛ kila la bɛgua Ɛlɛka ne anu, ɔluakɛ ewule nzane ne hanle menli ne nee arelemgbunli ne mɔ noko.