1 Sam 5:9 - BAEBOLO ANZƐƐ BULUKU NWUANZANWUANZA

⁹ Ɛdɛnkɛma duale suakpole ne azo amra kakɛ. Ɔhanle bɛ ɛzulolɛ, ɔmanle mutulemutule zanenle suakpole ne azo amra, ngakula nee mgbanyinli kɔsɔɔti.

1 Sam 5:9 ပူးပေါင်းရင်းမြစ်များ

Edwɛndolɛ Buluku ne 78:66

Ɔmanle ye kpɔvolɛma guale ɛbɔ nu, na ɔguale bɛ nyunlu aze kpɔtɔɔ.

Emɔzo Buluku ne 5:19

Ɔbayɛ kɛ sonla mɔɔ ɛnriandi awenade na yehɔyia bedi la! Anzɛɛ sonla mɔɔ ɛhɔ ye sua nu, ɔhisa bane ne na yeva ɔ sa yedo bane ne azo na ɛwɔlɛ ɛha ye la!

Mɛla 2:15

Nɔhalɛ, Ɛdɛnkɛma angulo bɛ edwɛkɛ, yɛɛ yeangulo bɛ toonwo ɔhɔdwule kɛ ɔzɛkyele bɛ kɔsɔɔti ɔvile yɛ avinli la.

1 Sam 12:15

Na saa bɛandie Ɛdɛnkɛma ane na bɛbulu ye mɛla ne mɔ azo a, ɔ nee bɛ nee bɛ belemgbunli ne bali.

1 Sam 5:10

Yemɔti bɛyele Nyamenle Ngyekyeleɛ Ɛlɛka ne ɛkɛ bɛhɔle Ɛkelɔn. Ɛkelɔnoma nwunle Nyamenle Ngyekyeleɛ Ɛlɛka ne la, bɛzunle bɛdeɛdeanle nu bɛzele kɛ, “Bɛva Yizilayɛ Nyamenle ne Ngyekyeleɛ Ɛlɛka ne bɛra kɛ bɛbahu yɛ kɔsɔɔti.”

1 Sam 5:11

Yemɔti bɛzoanle bɛmanle bɛhɔvale Filisitia arelemgbunli ne mɔ na bɛzele bɛ kɛ, “Bɛye Yizilayɛ Nyamenle ne Ngyekyeleɛ Ɛlɛka ne ɛke; bɛva bɛhɔzie ɔ bo zo dɛba ne wɔ Yizilayɛ, amaa yeangu yɛ nee yɛ mbusuafoɔ.” Ahunlundetelɛ hanle suakpole ne azo amra kɔsɔɔti, ɔboalekɛ ɛnee Nyamenle ɛmaa bɛ nwo ɛhyele bɛ kpalɛ.

1 Sam 5:6

Ɛdɛnkɛma duale Ahyedɔdoma kakɛ na ɔhanle bɛ ɛzulolɛ kpole. Ɔvale ewule mutulemutule ɔduale Ahyedɔdoma nee maanlema mɔɔ zua bɛ la kakɛ.

1 Sam 6:11

Bɛvale Ɛdɛnkɛma Ngyekyeleɛ Ɛlɛka ne bɛziele ehwili ne azo, bɛvale ɛlɛka ne mɔɔ mutulemutule nee kila ananze ne mɔ wɔ nu la noko bɛziele zolɛ.

1 Sam 7:13

Yemɔti Yizilayɛma lile Filisitiama anwo zo konim na Filisitiama anva bɛ edwɛkɛ andoa bɛ bieko wɔ mekɛ mɔɔ Samoɛle de aze la.