1 Sam 5:8 - BAEBOLO ANZƐƐ BULUKU NWUANZANWUANZA

⁸ Yemɔti bɛzoanle bɛmanle bɛhɔvale Filisitia arelemgbunli ne mɔ na bɛzele bɛ kɛ, “Yizilayɛ Nyamenle ne Ngyekyeleɛ Ɛlɛka ne kɛ bɛyɛ ye la bɛyɛ ye. Ɔboa yɛ nwo ɛke bieko a ɔnrɛyɛ boɛ.” Bɛbuale kɛ, “Bɛye ye ɛke bɛhɔ Gate.” Yemɔti bɛvale Ɛlɛka ne bɛhɔle suakpole Gate azo.

1 Sam 5:8 ပူးပေါင်းရင်းမြစ်များ

1 Edk 7:21

Zeebade, Hyutilaa, Yizɛ, yɛɛ Ɛlɛyade. Yizɛ nee Ɛlɛyade a menli mɔɔ wɔ Gate la hunle bɛ wɔ mekɛ mɔɔ bɛhɔle kɛ bɛkawua Gatema nlankɛ la.

Emɔzo Buluku ne 6:2

Bɛhɔnlea suakpole Kaleni. Akee bɛhɔ suakpole Heemate maanzinli ne anu na bɛtele zolɛ bɛhɔ Filisitia suakpole Gate azo. Ɛnee bɛle kpalɛ bɛtɛla Dwuda nee Yizilayɛ arelemgbunli maanle ne mɔ ɔ? Ɛnee bɛ maanzinli ne le kpalɛ tɛla bɛ maanzinli ɛdeɛ ne ɔ?

Zɛkalaya Buluku ne 12:3

Mekɛ ne anu, mebamaa Gyɛlusalɛm ayɛ kɛ bolɛ ɛnlomboɛ yeamaa maanle maanle ne mɔ. Bɛdabɛ mɔɔ bɛkɛbɔ ɛhɔne kɛ bɛmaa ye zo la babodɛboda. Azɛlɛ ye azo maanle maanle kɔsɔɔti baboɔboa bɛ nloa atia ye.

Dwɔhyua Buluku ne 13:3

nee Evem azɛlɛ ne (mɔɔ vi azudenle Saehɔn ne anloa wɔ Yigyibiti aduduleɛ, ɔlua ɛbɔ nu ɔkɔdwu Ɛkelɔn ɛweɛne zo, mɔɔ bɛfa ye kɛ ɔle Keenama azɛlɛ la; Filisitia arelemgbunli nnu dɛnlanle Gaza, Ahyedɔdo, Ahyekɛlɔn, Gate, yɛɛ Ɛkelɔn).

Dwɔhyua Buluku ne 15:11

Ɛweɛne ne akee lua boka ne azo wɔ Ɛkelɔn sɔlɔ, ɔbele ɔkɔ Hyekɔlɔn, ɔpɛ nu Beeyala Boka, ɔdwu Gyamenea, ɔkɔgua ye wɔ Mɛdetɛlenia Nyevile ne anloa.

1 Sam 17:4

Nrenya bie, bɛfɛlɛ ye Golayate, ɔvi Gate, na yemɔ yɛɛ ɔgyi Filisitia ɛlɔnema ne ati a. Ɔvi Filisitiama avinli ɔvindele. Ye tendenle kɛyɛ mita nsa.

1 Sam 17:52

Na Yizilayɛma nee Dwudama vale fɛlɛkolilɛ nee ɛwudolɛ voanle Filisitiama ndinlizo toonwo bɛhɔdwule Gate yɛɛ Ɛkelɔn nlenkɛ mgbole ne mɔ anloa. Adenle ne mɔɔ vi Gate kɔ Ɛkelɔn nee Hyeeyaleeyem la anu yɛle avunli ngome.

1 Sam 29:6

Belemgbunli Ekehye vɛlɛle Devidi na ɔzele ye kɛ, “Meka Ɛdɛnkɛma kɛ wɔli nɔhalɛ wɔmaa me bɔkɔɔ. Ɔhale me ngome a anrɛɛ mese ɛmaa yɛhɔ konle ne, ɔluakɛ sumunli kɛ ɛ nee me radɛnlanle la, metɛnwunle ɛtane biala mɔɔ wɔyɛ me toonwo a yeradwu ɛnɛ demua ye a. Noko akee arelemgbunli mɔɔ ɛha la ɛnlie ɛndo nu kɛ ɛ nee yɛ kɛhɔ.

1 Sam 5:11

Yemɔti bɛzoanle bɛmanle bɛhɔvale Filisitia arelemgbunli ne mɔ na bɛzele bɛ kɛ, “Bɛye Yizilayɛ Nyamenle ne Ngyekyeleɛ Ɛlɛka ne ɛke; bɛva bɛhɔzie ɔ bo zo dɛba ne wɔ Yizilayɛ, amaa yeangu yɛ nee yɛ mbusuafoɔ.” Ahunlundetelɛ hanle suakpole ne azo amra kɔsɔɔti, ɔboalekɛ ɛnee Nyamenle ɛmaa bɛ nwo ɛhyele bɛ kpalɛ.

1 Sam 5:7

Ahyedɔdoma nwunle kɛ ninyɛne ɛlɛsi ado ahɔ la, bɛzele kɛ, “Ɔnle kɛ Nyamenle Ngyekyeleɛ Ɛlɛka ne boa yɛ nwo ɛke bieko. Ye tumi ne bo yɛ nee yɛ bozonle Deegɔn bɔbɔ anwo zo.”

1 Sam 6:2

Filisitiama vɛlɛvɛlɛle bɛ ahɔmenle nee menli mɔɔ bɔ menli munzule la na bɛbizale bɛ kɛ, “Ɛdɛnkɛma Ngyekyeleɛ Ɛlɛka ne kɛ yɛyɛ ye ɛ? Bɛha deɛ holɛ ko mɔɔ saa yɛfa yɛahɔzie ɔ bo zo dɛba ne a yɛva yɛboka nwolɛ la bɛhile yɛ.”